#مـدينة الحُـب لايسكنها العُقلاء
بقلمي: رحـيق رعـد
قِـــــــــــــــــــࢪأه مُـمتعه للــــــجَميع:
꧁꧂
«يـاقـوت»
_خوف ورعب وقلق رغبة الأنتقام كل مالها تزداد بداخلي حبيته؟ اي يمكن بس مانسيت الي سواه بيَّ
وعدته اندمه على الي سواه بيَّ ولازم انفذ وعدي تأكدتي انو يحبچ يـاقـوت؟ اي تأكدت ابدي بتنفيذ خُطتچ
دگيت الباب مالتنه من بعد ما وصلني نـوح لبيتنه بعد الحفله بيومين
دخلت لبيتنه ماقبل يدخل وصلني وراح سلمت على بابا وخوله
گعدت يم بابا شوي اسولف ويا گعدت خوله گبالي تباوعلنه بطرف عينها
: اريد احچي وياچ
خـوله: احچي
: لا امشي على صفحه
_باوعلي بابا بأستغراب ابتسمت وگتله
: لا تخاف شغله صغيره
_هز راسه گمت وگامت وراي دخلنه للغرفه رحت گعدت على السرير گعدت گبالي وضلت تباوع لأضافرها
: اريد اطلب منچ طلب لأول مره اسمعيني مثل ماتسمع الأم بتها
خـوله: احچي بدون لف ودوران
: عندچ شقه بيت عرف بغير مُحافضه؟
خـوله: ليش؟
: عندچ لو لا
خـوله: عندي شقه بمُحافضة ***
: مُلكچ يعني؟!
خـوله: اي مُلكي
: انطيني ياها فتره
خـوله: شتسوين بيها؟
: اگعد بيها فتره
خـوله: وحدچ لو زوجج وياچ
: وحدي
خـوله: مُقابل؟
: انطيچ ذهبي
خـوله: عود خوش
:انطيني المُفتاح
خـوله: هسه ترحين؟
: اي ماعندي وقت لازم اروح هسه
خـوله: فهمت قصدچ يعني تشردين؟
: ما اشردد بس ارتاح فتره وارجع
_باوعتلي ماعاحبها گامت راحت للكنتور طلعت المُفتاح واجت شمرته عليَّ
خـوله: لازم ماتنسين معروفي ابد
: لا تگولين لأحدّ عن مكاني حتى بابا
خـوله: علساس مهتمه انا حتى اگول
_انطيتها ذهبي وعفتها وطلعت بابا نايم ابتسمت رحت بسته ودعته لزمت جنطتي الصغيره الي بيها اغراضي المُهمه
طلعت قبل لا يشوفني احدّ اخذتلي تكسي وگتله للگراج
وصلني للگراج دفعتله كروه اخذت تلفوني طلعت السيم كارت وكسرته
ركبت سياره تودي لنفس المُحافضه الگالتها خـوله گعدت بصفي مره كبيره همزين
حطيت راسي على الجامه تنهدت بحزن اسفه نـوحي بس چان لازم اسوي هيچ فتره وارجعلك
حطيت ايدي على بطني وابتسمت بهدوء دمعتي نزلت
أنت تقرأ
مـدينة الحُب لا يسكنها العُقلاء
Mystery / Thrillerمدينةٌ تِـلك لا بـل دمـار اصواتٌ عاليه ضجيج صُراخ فـي كُل ارجـاء المَـدينه تِـلك فتاةٌ تَـمشي بلعراء تَنضُر لأقدامـها وملابـسها المُتهالكه دَخـلت تِلك الفتاة هذي المَديـنه الغـَريبه اغـلقت اذُنـيها بيـديها الباردتـين لكثرة الأصـوات العـاليه اغلق...
