مملكة الاحفاد لكاتبة(بسملة'ة محمــد)

الحلقه الاولى

صلُّوا على من قام يرفع كفَّهُ
‏يدعي برفقٍ: ربِّ سلِّم أمّتي🥹🤍.

عليه افضل الصلاه والسلام
ـــــــــــــــــــــــــــــــــــــــــــــــــــــــــــــــ

في مخزن قديم داخلين عشر رجالة وابتسامة النصر علي وشهم... واحد منهم قرب علي كبيرهم اللي قاعد علي كرسي منتظر الاخبار...

الكبير: ها طمنوني يا رجالة كله تمام!!..

واحد من الرجالة بأ ابتسامة نصر: كله تم يكبير والعربيات وصلت باللي فيهااا..والباشا كان ماشي وهو فرحان.. وكله حصل زي مانت خطتت بظبط..

الكبير بضحكه عالية: ياااه مش قادر اتخيل منظر الحكومه بعد ما غفلناهم و غيرنا اماكن التسليم و وقت التسليم وهما اغبية مفكرين أن احنا منعرفش انهم كانو بيراقبو تحركات الباشا بس بفضل ذگائي كل تم زي ما خطتت... يااا تعرفو بتمني ايه دلوقتي اه لو  اشوف شكلهم دلوقتي وهما مصدومي.. قاطع كلامه صوت تكسير باب المخزن.. وشاف 6 واقفين بكل هيبه وكل واحد منهم جسمه باين عليه رياضي ده غير طولهم وملامحهم الجادة...واحد منهم اتكلم

بنبرة بخبث:
"وأنا هحققلك اخر امنية ليك"

رجالة الكبير كلهم رفعو المسدسات عليهم

الكبير بعصبيه: انتم مين و ازاي جتلكم الجراء تدخلو هنا ودخلتم ازاي؟!.

"من الباب"
وده كان رد واحد من ال6بكل برود

الكبير لرجالته بعصبيه: مستنين ايه خلصو عليهم

واحد من رجالته صوب المسدس لواحد من الوقفين وضرب اول طلقة بس اتصدم أن مفيش حاجه خرجت من المسدس وبقيت الرجالة عملو كده وكل واحد فيهم حصل معاه نفس الموضوع مكنش فيه رصاص في المسدس

واحد من الرجاله قال بصدمه:ازاي مفيش رصاص في المسدسات كلناااا اتاكدنا قبل ما نخرج أن في رصاص في مسدس كل واحد فينا

فرد من ال6 بضحكه خبيثة:اديك قولت قبل..

الكبير الخوف بدا يتملكه واتكلم بعصبيه: انا مشغل معايا شويه بهايم... مستنين ايه اضربوهم

واحد تاني من 6 بضحكه مخيفة: واخيرا هستمتع بقا

رجالة الكبير كلهم بداو بالهجوم...و 6افراد بضحكه ونظرات مخيفة اتحركو ليهم... وخلال خمس دقايق كان رجالته كلهم واقعين علي الارض

الكبير بخوف وبدا يرجع لورا وهو بيشوفهم بيقربو عليه بنظرات تخليه يتمني الموت وقال بتلعثم: ااا.. انت.. انتم عاوزين مني ايه...!؟و أنتم مين؟!.

فرد من ال 6 بملامح مرعبه وهو بيقرب عليه: عاوزين روحك..

فرد تاني من ال6 اتكلم و بنظرة شر: أما احنا مين فا أحنا أحفاااد رشوان السيوفي...

ـــــــــــــــــــــــــــــــــــــــــــــــــــــــــــــــبقلمـــــي

فلاش باااك..

في مستشفي الحياه..

"دكتور ادهم يا دكتور ادهم يا دكتور"

أدهم: ايه يا ثناء انتي بتندهي علي ابن أختك... وبعدين مية مره اقولك وطي صوتك وانتي في المستشفى في مرضي يابنتي...

ثناء بمرح: هو انا يعني ابن اختي هيبقي بالجمال ده كله عيون عسلي وغمازات ويلهوي علي الشعر السايح ولا الرموش م....

أدهم: بسسسس ايه ياثناء هولع قدامك مش كده يماما...

ثناء بضحك: مش أنت اللي حلاوة يا دكتور الله اكبر في عيني يعني.. ما بالك أنت انا لو مكنتش متجوزة ومخلفه وعندي عيال كنت جيت وطلبت ايديك...

أدهم بضحك: أبقي جوزيني لبنتك يا ثناء...

ثناء بمرح: أهو عشان خاطر الضحكه الجميله ديه انا هجوزك لبنتي هي اه عندها 17 سنة ومش هينفع بس طالما انت العريس يبقي نفعه...

أدهم بضحك: لا دانتي مسخره يا ثناء الواحد كان لسه خارج من اوضة العمليات مرهق و موده زفت بس انتي غيرتيلي مودي ف ثانية بعفويتك ديه...

ثناء ببلاهه: هو مين مودك ده يا دكتور ميكونش ابن أختك...

أدهم ضحك بصوته كله: لا أنا مش قادر أنا هروح المكتب و ابعتيلي كوباية الكابتشينو بتاعتي عشان مصدع...

ثناء ببتسامة: حاضر يا دكتور

أدهم مشي خطوتين وبعدين لف ليها: الا صحيح ي ثناء أنتي كنتي بتندهي عليا ليه..

ثناء بشهقه:. يقطعني دنا نسيت اقولك أن البت تسنيم الممرضة الجديده قالتلي أن في تيران دخلو المكتب بتاعك وقاعدين مستنينك بس هي معرفتش تقولك عشان هي طلعت قسم الحروق اللي فوق عشان الدكتور ابراهيم عنده عملية وهي طبعا جاتلي انا اول واحده عشان اوصلك الخب...

ادهم: بسسسس افصليييييي ياحجههه كل ديه إجابةةة....انا رايح المكتب وبعتيلي كوبايتين كابتشينو عشان الصداع بقا الضعف...

خلص كلامه ومشي وسابها...

ثناء:محسسني أن الكابتشيكو ده برشامة صداع...

ـــــــــــــــــــــــــــــــــــــــــــــــــــــــــــــــ

أدهم دخل المكتب وشافهم قاعدين مشغولين وبمجرد دخوله انتبهو ليه..

أدهم بعد ما قفل الباب: ليها حق تسنيم تقول عليكم تيران....
خلص كلامه وهو بيشد كرسي يقعد عليه وكمل كلامه: خير؟!! بقلق انا لما تيجي كلكم مره واحده وبعدين كمل كلامه بسخريه: مش بطمن!

واحد منهم بصله بخبث كبير وطلع من جيبه مسدس وعلبه فيها ابره و سابها علي الترابيزة قدام أدهم واتكلم ببتسامة خبيثه مجنونه:
"ما تخفش يا برو احنا هنلعب بس
وبعدين لف وشه للباقي مش كده ولا إيه؟"

واحد تاني من اللي قاعدين ببتسامه ماكره: هي مش لعبه اللي هي بس هننبسط

أدهم بص ليهم ببرود واتكلم ببتسامه مصتنعه: عاوزين إيه يا أحفاد رشوان؟

يتبعــــــــــــــــــــــــــــــــــــــ
بقلمـي
گ/بسملة'ة محمــد.