أستغفروا♡.
تفاعل يا حلوين ♡.
أتمني تتفاعلوا مع الاحداث عشان أعرف المواقف اللي علقت معاكم أو الشخصيات اللي عجبتكم وشكرا مقدما♡. ــــــــــــــــــــــــــــــــــــــــــــــــــــــــــــــــــــــــــــــــــــــ
في مكتب الحج رشوان.
"اللي أنا سمعته من رقية ده صح يا أنهار،عاوزة ترجعي لـ أشرف عاوزة تكسري كلمتي قدام حفيدتي"
أنهار بتوضيح
"يا بابا أشرف رن عليا وأعتذر مني وقالي إنه كان تحت ضغط مش أكتر"
رشوان رد عليها بإستهزاء واضح
"ضغط يا أنهار، فكراني مش عارف إيه اللي حصل فوق وبنتك ليه رفعت السكينة عليه، عشان دخلت عليه وهو بيحب في واحده في التيلفون ولما وجهته هددها إنها لو أتكلمت أو عرفتك هيش_وه وشك"
أنهار بحزن من نبرة والدها
"مهما يحصل يا بابا ده جوزي وهو أعتذر و ده كان سوء تفاهم"
رشوان قام من مكانه و أتجه ناحيتها و رد عليها بنبرة قاسية
"طب ده وكان سوء تفاهم والضرب اللي بنتك بتاخده لما بترفضي تتطلبي من أمك فلوس علشان لسه طالبه منها من يومين فا يطلعه علي بنتك قدامك بالضرب عشان توافقي وتطلبي تاني سوء تفاهم بردو، و سوء تفاهم بردو الفلوس اللي بيخلصها علي الشرب والمخدرات، سوء تفاهم إنه يسيء لاهلك وأنتي تفضلي ساكته عشان بس متخربيش علي بيتك اللي هو أساس أتخرب بسبب سكوتك، ولا كان سوء تفاهم لما يدخل سكران الساعه 5الفجر وبنتك تشوف أبوها بالمنظر ده يا بنت رشوان"
أنهار نزلت راسها بحزن و رشوان تابع كلامه
"شايفه إنك تبقي مطلقة في مجتمعنا ديه حاجه تعيبك يا أنهار بس تدمري بنتك ونفسك ديه حاجه تنفعك صح؟!."
أنهار رفعت راسها بالرفض
"و ليه أبقي مطلقه وأنا عندي أمل إنه يتغير"
"بصي يا أنهار أنا كنت رافض الجوازة ديه من الاول و وقفت عليها مش عشان خاطر الحركه العيالي اللي عملتيها إنك هتموتي نفسك لا، عشان أنا مش بيتلوي دراعي يا أنهار إنما وفقت بس عشان كل واحد بيتحمل نتيجة أختياره وأمك و أخواتك وأنا قبليهم فهمناكي وشرحنا ليكي إن مش ده الشخص المناسب ومع ذلك صمتتي عليه و أديكي اهو واقفه قدامي بتتحملي نتيجة أختيارك و دلوقتي بردو مصممه عليه فا المرادي بردو هسيبك تتحملي نتيجة أختيارك بس المرادي مش هبقي معاكي يا أنهار المرادي هتبقي لوحدك"
أنهار بحزن و بصدمه
"يعني إيه يا بابا"
"يعني تروحي علي شقتك دلوقتي ومتعتبيش البيت هنا تاني"
أنهار بدموع
"يعني ها تتخلي عني يا بابا"
رشوان بهدوء
"أنتي مش فارق معاكي نفسك ولا بنتك هيفرق معاكي أبوكي"
أنت تقرأ
مملكة الاحفاد لكاتبة(بسملة'ة محمــد)
Mystery / Thriller_احم أنا هنا يا ساده لكي اعرض عليكم نوع مختلف من العلاقات، والاشخاص، والاحاداث المشوقة... _معهم فقط عزيزي القارئ سوف تعرف المعني الحقيقي ل( العشق و الجنون والاثارة و الضحك والصداقة و الوجع).... معهم فقط عزيزي القارئ ستتعلم الكثير والكثير... _لا تس...
