مملكة الاحفاد لكاتبة(بسملة'ة محمــد)

الحلقة الثالث عشر

من اسَتغفر رَبه في آخر اللَّيل ولو مرة واحدة ، كُتب مِنَ المُستَغفِرِينَ بِالأَسحَار.

أَستَغفِرُ اللهَ العَظِيم الَّذِي لَا إِلَهَ إِلَّا هُوَ الحَيُّ القَيُّومُ وَأَتُوبُ إِلَيه
ـــــــــــــــــــــــــــــــــــــــــــــــــــــــــــــــــــــــــــــــــــــــــــ

"صباح الخير يا أحلي بابا في الدنيا"

رشدي ببتسامة

"صباح النور يا نغم يا حببتي... أنتي صاحيه من بدري ولا إيه"

نغم ماسكه الاطباق وبتقرب علي الترابيزة وأتكلمت ببتسامة متسعه وحماس

"اه يا حبيبي قولت أعملك الفطار أنت وملك قبل ما أسافر"

"ليه يا حببتي تعبتي نفسك كنتي تصحي ملك تحضر الفطار عقبال ما تحضري شنطتك"

نغم قربت عليه بعد ما سابت الاطباق علي الترابيزة و ردت عليه بمرح

"يا سيدي شنطتي جاهزه من امبارح اصلا يعني متقلقش... وبعدين إيه تعبتي نفسك ديه يا بابا أنا بنتك علفكره وبعدين أنا كده بطمن عليكم و بردو لما أسافر مش هسيبكم هرن عليكم كل شوية أطمن عليكم عشان قلبي يطمن لغاية ما أنزل أجازة"

رشدي أتاثر من كلام بنته و إنها دايما شايله همهم وبتفكر فيهم وقرب منها وضمها لـ قلبه ودمع لما أفتكر والدتها الله يرحمها ونغم اللي كلها والدتها في طيبة قلبها وإهتمامها وحركاتها... و نغم دمعت هي كمان أول ما ضمت والدها عشان أول مره هتسيب البيت وتعيش بعيد عنهم بعد ما رشدي وافق أخيرا إنها تبدا تعتمد علي نفسها من غير ما يمنعها...نغم خرجت من حضن رشدي وشافت دموعه و أتاثرت اوي ومدت إيديها ومسحت دموعه..

"بتعيط يا بابا"

"ديه دموع الفرح يا نغم إنك هتحققي اللي بتسعي ليه  وعيونك اللي كلها شغف وحماس وطاقة مخليني مش ندمان إني وقفت إنك تسافري وتشتغلي وتحققي حلمك وتكوني أكبر صحفية في مصر... وأنا واثق من كده اوي أنتي بنت أبوكي وباذن الله أنتي قدها"

نغم أبتسمت بسعاده لما شافت تشجيع والدها ودعمه ليهاا و ردت بنبره كلها بهجه وثقة

"اوعدك يا بابا إني هبقي قد الثقه ديه"

رشدي أبتسم بحنان

"عارف يا قلب أبوكي"

وبعدين تابع كلامه بنفاذ صبر

"أخرجي يا ملك من ورا الباب عارف إنك كنتي سامعه الحديث من بدايته"

ملك خرجت بحرج بعد ما كانت مستخبيه و قربت عليهم و ردت بتمثيل

"أنا قولتلك مية مره إني بمشي وأنا نايمه يا باابا"

نغم بعد تصديق
"لا والله"