اسْتَغْفِرُوا رَبَّكُمْ إِنَّهُ كَانَ غَفَّارًا "♡
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
" منار أنا البت رحمه ديه مش بتنزلي من زوري"
"يا جنات هي قالت هتنزل تقعد معانا شوية كا بنات وبعدين احنا قاعدين قدام العماره يعني مش هتقعد في بيتكم"
جنات بسخرية
"كا إيه يا حببتي سمعيني كده تاني أنا وأنتي متاكدين كويس بتنزل ليه"
"خلاص يا جنات أيات و ريماس واقفين"
أيات ضيقت حواجبها بغيظ
"هو إيه اللي خلاص ياست مريم أنا عاوزة افهم بقا هي بتنزل ليه"
مريم بضيق و وجهت نظرها لـ مليكة اللي واقفة بتراقب أركان اللي واقف مع الشباب في الشارع
"اهو اتفضلي يا ست مليكة الاستاذه هتفتح عقولهم وهما لسه صغيرين"
ريماس ببراءه
"خلاص براحتك يا مريم أنا هروح أسال جدو "
مريم بندب
"يالهوي ديه بتقولي هسال جدو... الحقيني يا مليكة"
مليكة بإنتباه
"ها"
"ها!! يالهوي عليا وعلي سنيني"
مليكة بعدم فهم
"في إيه طيب فهموني"
منار بضيق
"جنات مش عاوزة سماح تنزل تقعد معانا"
جنات بسخرية
"بردو هتقولي تقعد معانا... طب بصي يا منار الاستاذة بتنزل عشان الشباب تقعد تسبل وتعمل حركات لـ لفت الانتباه إنما مش بتنزل عشان خاطر عيوني هي عارفه إن في ماتش كوره في الحاره وشباب العيلة والشباب في الحاره هيلعبو فا بطلي كل شوية تقولي هتنزل تقعد معانا"
مليكة بغيرة
"وأنتي مقولتليش حاجه زي ديه ليه"
"عشان أنتي كمان ياختي بتيجي عشان تفضلي تراقبي في أستاذ"أركان"."
مليكة بقمص
"بتكلمي كده ليه عليه يا"جنات"."
مريم بصياح
"ده وقته يابت منك ليها أنا عاوزة اليووم يعدي علي خير أنا اقنعت جدي بالعافيه إننا نطلع نقف قدام العمارة نتفرج علي الماتش"
ريماس ببراءه
"اه بالله عليكي يا جنات لو اتخنقتي مع حد النهارده جدي هيخلينا نطلع نتفرج مع الستات من فوق من الشبابيك والبلكونه"
جنات بضيق
"خلاص ماشي مش هتكلم بس لو جرت شكلي أنا هجرها من شعرها"
أيات قربت علي مريم وأتكلمت بهمس
"بنت عمتك تس تس "
"طب اسكتي ياختي لتسمعك أنا لما صدقت سكتت"
منار ببتسامة
"طب أنا هطلع علي بيت عم صالح هجيبها وأنزل"
جنات بتريقة
"طب متتاخريش زي كل مره بتلزقي فوق"
أنت تقرأ
مملكة الاحفاد لكاتبة(بسملة'ة محمــد)
Misterio / Suspenso_احم أنا هنا يا ساده لكي اعرض عليكم نوع مختلف من العلاقات، والاشخاص، والاحاداث المشوقة... _معهم فقط عزيزي القارئ سوف تعرف المعني الحقيقي ل( العشق و الجنون والاثارة و الضحك والصداقة و الوجع).... معهم فقط عزيزي القارئ ستتعلم الكثير والكثير... _لا تس...
