الحلقة حاولت أنزلها امبارح بس كان عندي مشكله علي الواتباد أعذروني♥
تفاعل يا حلوين♥.
اصبر لحكم ربك فإنك باعيننا♥
ــــــــــــــــــــــــــــــــــــــــــــــــــــــــــــــــــــــــــــــــــــ
في الجريدة وخاصة في غرفة الاجتماعات و المسؤلة عن الجريدة واقفه في بداية ترابيزة الاجتماعات وبتكلم بجدية
"أحب أعرفكم علي نغم صحيفة تحت التدريب مؤقتا وهتبقي تحت إشرافك يا جميلة"
جميلة هزت راسها بالموافقه
"حاضر يا أستاذه مني"
مني وجهت نظراتها لـ نغم اللي كانت واقفه متوترة
" أتفضلي أقعدي يا نغم"
نغم هزت راسها وأبتسمت بتوتر من الاجواء واتجهت لـ الكرسي اللي كان بجانب جميلة وأبتسمت لـ جميلة وقعدت وجميلة بادلتها الابتسامة...و الاستاذة مني تابعت كلامها بجدية
"أركان السيوفي رجل أعمال مشهور في شركات البرمجه وبرغم إنه شاب في أواخر العشرينات و رجل أعمال مشهور في الشرق الاوسط الا إنه حقق اللي معرفش يحققه رجل أعمال في سن الخمسينات وأنا عاوزة منكم تحاولو توصلو ليه لانه رافض يتعامل مع اي صحفي ولو قدرنا نوصل لراجل ده ونقنعه هنكون احنا أول جريدة عملت معاه اللقاء اللي فشل فيه كتير من الصحفيين وساعتها الجريدة هتكبر وها تتشهر أكتر"
"ولما هو رافض يعمل لقاء صحفي أحنا ها نعمل معاه ازاي"
أستاذة "مني" بحزم
"مش يخصني يا ريم ديه شغلة كل واحد فيكم واللي هيعمل معاه اللقاء ده أكيد عارفين إنه بيبقي ليه ترقية وخلال أسبوعين يكون واحد فيكم عملي اللقاء ده"
ريم زفرت بضيق عكس نغم اللي أتحمست جدا وخدته كا تحدي لنفسها بالرغم من قلقها إن حد من الموجودين يوصل قبلها وحركت عيونها علي اللي موجودين حوالين ترابيزة الاجتماعات وشافت بنتين وباين علي تعابير وشهم الضيق ومن ضمنهم "ريم" وشابين في اواخر التلاتينات ومن ناحيتها كانت هي قاعده وجمبها "جميلة" وبنت تانية فاقت من شرودها علي جملة الاستاذة "مني"
"الاجتماع إنتهي أتفضلو كل واحد علي مكتبه"
أستاذة "مني" خلصت كلامها وخرجت من المكان والباقي خرج وراها ما عدا نغم وجميلة
"أنا جميلة عندي 27 سنة شغالة هنا بقالي 3 سنين هعرفك علي المكان هنا وهفهمك نظام الجريدة وباذن الله هترتاحي معانا هنا"
نغم أبتسمت بإرتياح
"أسمك أسم علي مسمي اللهم بارك، و أنا أسمي نغم 24سنة وشغالة هنا بقالي ساعات"
جميلة ضحكت
"وباذن الله العمر كله بس لو سمعتي اللي هقولك عليه"
نغم بستغراب
"يعني إيه مش فاهمه"
أنت تقرأ
مملكة الاحفاد لكاتبة(بسملة'ة محمــد)
Mistério / Suspense_احم أنا هنا يا ساده لكي اعرض عليكم نوع مختلف من العلاقات، والاشخاص، والاحاداث المشوقة... _معهم فقط عزيزي القارئ سوف تعرف المعني الحقيقي ل( العشق و الجنون والاثارة و الضحك والصداقة و الوجع).... معهم فقط عزيزي القارئ ستتعلم الكثير والكثير... _لا تس...
