مملكة الاحفاد لكاتبة(بسملة'ة محمــد)

الحلقة الخامسة

               

سورة الإخلاص ثلاث مرات = ختمة كاملة، فلنغتنِم🍀

ـــــــــــــــــــــــــــــــــــــــــــــــــــــــــــــــ

زين بتساؤل: حضرتك الانسة نغم؟

نغم ببلاهه: حضرتك عمو السواق؟!..

زين بجدية وصدمه: أفندم!!!

نغم ببراءه: أنا أقصد حضرتك السواق اللي بعته عم الحج..

"اه هو"
و ده كان رد أدهم اللي قاعد جمب زين

زين ملامحه اتشنجت ولف لادهم وشاور علي نفسه: أنا؟

أدهم بمشاغبه: اه يابني أنت... خلص كلامه وبص لنغم وأتكلم بمشاغبه أكتر: أنا أدهم حفيد الحج رشوان و ده السواق بتاعنا أتفضلي أركبي يا أنسة

نغم فتحت باب العربية وقفلت مع ملك المكالمه و وجهت نظرها لادهم: شكرا يا أستاذ أدهم تعبتك معايا

زين بدا يسوق وبعدين وجه نظراته لنغم في المرايا وإبتسم: وبالنسبة لحضرتي السواق مفيش شكرا يعني

نغم بحرج: متشكرة لحضرتك

أدهم ببتسامة: ابدا علي إيه انا بعتذرلك إن وصلنا متاخر... وتابع كلامه وهو موجهه نظراته لزين... بس السواق اتاخر عليا عشان راحت عليه نومه

زين ضحك بعلو صوته: كنت نايم في المسجد

نغم رفعت راسها للمرايا وشافت ابتسامته الجذابة بس بعد كده غضت بصرها وأستغفرت ربنا...

أدهم ضحك هو كمان: ايوه ده حقيقي السواق بتاعنا من الجامع لشغل ومن الشغل للبيت وأنا أشهدله بكده

نغم مش فاهمه هما بيضحكو علي إيه وأتكلمت بصوت واطي: هما مجانين ولا إيه

زين وأدهم سمعوها و زين لسه هيرد لكن لاحظ إن في عربية ماشيه وراهم... زين ساق العربية ودخل من شارع بعيد عن زحمة العربيات...

أدهم بتعجب: دخلت من هنا ل.... قاطع كلامه صوت ضرب رصاص

نغم كانت متابعه ما بينهم الحوار و اول ما سمعت صوت المسدسات اتفزعت

نغم بفزع: هو إيه الصوت ده

أدهم بيطلع المسدس من جيبه:ديه مسدسات ماية

نغم ببلاهه: نعم؟

زين وجه كلامه ليها بجدية: انزلي تحت وامسكي في اي حاجه وخلص كلامه وساق باقصي سرعه عنده

نغم اتخبطت في الكرسي اللي قدامها وأتكلمت بهمس: غبي

زين بيسوق العربية وبيدخل من شوارع مختلفه: سمعتك علفكره

أدهم فتح شباك العربية وخرج إيده وجزء من جسمه وبدا يضرب نار علي العربية نفسها عشان يوقفها