مملكة الاحفاد لكاتبة(بسملة'ة محمــد)

الحلقة التانية

                    

"إذا رأيت الله يؤنسك بذكره فقد أحبك."

- علي بن أبي طالب
ـــــــــــــــــــــــــــــــــــــــــــــــــــــــــــــــ

أدهم بصلهم ببرود واتكلم ببتسامه مصتنعه: عاوزين إيه يا أحفاد رشوان؟!

واحد من اللي قاعدين ببتسامة جذابة
"كل خير"

أدهم بضيق طفولي نوعا ما: خير ازاي يعني بوجودكم ده وفي الوقت ده وبعدين غريبة يعني جايين من غير زين كده  العصابه ناقصها فرد يا فهد

فهد ضحك بعلو صوته علي تصرفات أخوه وبعدين أتكلم بمكر: لا زين اللعبه عنده بدات بدري شوية

أدهم بسخريه: من عمرك... وبعدين كمل كلامه بتهكم... ايوه بردو مش فاهم عاوزين ايه انتم الاربعه...وإيه الابره ديه يا ليث؟..

ليث بخبث: افتحها وانت تعرف

أركان بغيظ: ما تفتح يابني خلينا نخلص ونعرف فيها ايه العلبه ديه

ادهم مسك العلبه وكان جواها إبرة بانسلين..

ادهم بستغراب: إبرة؟!.. حد قالكم أني تعبان..

ليث طلع علبه من جيبه شبيها لتانيه وسابها علي التربيزة قدام ادهم... ادهم مسك العلبه وطلع اللي فيها وكانت زي التانيه إبرة بانسلين...

أركان بعدم فهم: انا مش فاهم حاجه... ممكن حد يشرح..

فهد: كل حاجه هتبان دلوقتي و ادهم هو اللي هيشرحلنا..

ادهم بعدم فهم: هشرحلكم ازاي وانا اصلا مش فاهم انتم عاوزين ايه

ليث بهدوء: قدامك إبرتين بانسلين الاتنين بنفس الكمية ونفس الشكل واللون والريحه...

ادهم: بردو ايه المطلوب؟!

فهد بتوضيح: بص في حاجه مختلفه بين الابريتين...بص هشرحلك اكتر شرح مبسط... في واحد بنرقبه لسه فاتح صيدلية جديده وكبيره وفي نفس اليوم اللي اشتراها فيها جاب بضاعه بكمية ضخمه وهو في الاصل تاجر قماش يعني ملهوش في الطب وصيدله...

ادهم بمقاطعه: ازاي فتح صيدلية من غير رخصه.. انت عارف أن مش اي حد يفتح صيدليه كده وخلاص إلا لو كان دكتور صيدلي... وانت بتقول أنه تاجر قماااش...

ليث: ابنه دكتور صيدلي و واقف فيهاا...مش ديه المشكله..

أركان بستغراب: طب فين المشكله

فهد: بص يا سيدي... بعد مراقبتنا انا وليث لتاجر ده اكتشفنا أنه عنده مخزن لصيدلية

أدهم: طب ما ده الطبيعي وبعدين بص لرعد ابن عمه اللي ماسك تيلفونه بيتابع زين من خلاله واتكلم بصوت عالي يجذب انتباه... أنت يابني أشرحلي هما يقصدو إيه عشان مش فاهم منهم حاجه