مملكة الاحفاد لكاتبة(بسملة'ة محمــد)

الحلقة التاسعة

            

اللّهمَ هذه الآية : ‏"وَجَاءَتْهُ الْبُشْرَى".

ـــــــــــــــــــــــــــــــــــــــــــــــــــــــــــــــ

"الله أكبر، الله أكبر
أشهد أن لا إله إلا الله، أشهد أن لا إله إلا الله
أشهد أن محمدًا رسول الله، أشهد أن محمدًا رسول الله
حي على الصلاة، حي على الصلاة
حي على الفلاح، حي على الفلاح
الله أكبر، الله أكبر، لا إله إلا الله."

وكان صوت رعد يصدح في مكبر الصوت بصوته العذب الذي رزقه الله به... ليستمع كل من في بيوت الحي لموعد الصلاه.

"يلا يا جماعه الأذان أذن خلينا نلحق خطبه الجمعه من أولها"

رشوان ضحك علي تذمر صاحبه

"اهدا يا ناصر مش كده اومال سيبت إيه للعيال الصغيره"

"يعني أنت عجباك وقفتنا في الشارع ديه يا رشوان...وبعدين قولنا أحفادك ومش بيعرفو يلتزمو بالمواعيد وسكتنا لكن كمان ولادك.. ولادك دول لا يتطاقو"

رشوان ببتسامة
"الجماعه لسه واصلين يادوبك هيسلمو علي الحجه وهيطلعو وبعدين أنا اللي خارج من بدري وقولت أتمشي لحد المحلات وأقعد وفيها والحجه رنت عليا وقالتلي الجماعه وصلو وقولت اجي علي البيت أسلم عليهم ونطلع سوا وأنت اللي رنيت وقولتلي إنك قربت فا قولت أخرج أقف قدام العماره عشان رجالة أهل الحاره أجازتهم النهارده وهنتجمع كلنا و نروح جماعه وباذن الله هنلحق الخطبه"

"أفضل كده أغلبني بالكلام يا صحبي"

رشوان أبتسم علي رفيق دربه...وبعدين أتكلم يبتسامه بشوشة لما شاف إن أهل الحاره بدا منهم يخرج من بيته ويقربو عليهم

" رجالة الحاره إهيء بدات تطلع"

واحد قرب عليهم ببتسامة بشوشة

"السلام عليكم... أزيك يا حج رشوان أزيك يا حج ناصر

رشوان ببتسامة وقار

"وعليكم السلام ورحمة الله وبركاته... الحمدلله يا صالح أنت عامل إيه و الجماعه عاملين إيه"

صالح ببتسامة رضا

"الحمدلله والله يا حج في نعمه...ماشاء الله يا حج رشوان صوت رعد في الاذان بيجبر الواحد إنه يقوم يروح الجامع عشان يسمع أكتر صوته"

"مش أنت لوحدك يا صالح والله أنا كمان بستني من الجمعه لجمعه عشان أسمع الخطبه وأستفاد"
و ده كان صوت سعد ابن رشوان اللي خرج مع أخواته الرجاله من باب العماره

صالح أبتسم قرب عليه وحضنه

"طالع لعمه بقا... ليك واحشه يا سعد والله"

سعد خرج من حضنه ببتسامة أظهرت غمزته

"وأنت أكتر يا صالح"

وخلص كلامه وسلم علي الحج ناصر و سامح وخالد كل واحد فيهم حضن صالح والحج ناصر