مملكة الاحفاد لكاتبة(بسملة'ة محمــد)

الحلقة السادسة

اوعي تسيب الحبل يمكن فاضلك شده صغيره ودعواتك تتحقق...!

استغفروا..🌱

ـــــــــــــــــــــــــــــــــــــــــــــــــــــــــــــــ

العربية وقفت

أدهم لزين: الرصاص بتاعهم خلص يا زين هننزل ومش عاوز دم فاهم

زين بزعل مصتنع: أنت شاكك فيا ولا إيه

أدهم بحزم: زين مش عاوز دم

زين بتافف: حاضر بس

أدهم بمقاطعه: مفيش بس... العربية فيها 3أشخاص أنت هتاخد اللي ورا وأنا هاخد السواق والشخص اللي قدام

زين بإعتراض: لا إيه الظلم ده

أدهم: أنا الكبير هنا تسمع اللي بقول عليه

زين بضيق طفولي: بس..

"أنا أسفة علي المقاطعه بس اللي في العربية جايين علينا وتقريبا كده هنموت"

و ده كان رد نغم  بسخرية وخوف

وأدهم وزين نزلو من العربية... زين أتحرك ناحيه شباك نغم ونزل بجسمه ناحية الشباك

زين بجدية تامة: مهما يحصل متطلعيش...مستناش ردها وراح مع أدهم ناحية العربية

في العربية التانية اللي أتنين نزلو وسابو السواق..

واحد منهم قرب علي أدهم ولسه هيضربه أدهم نزل بجسمه وضربه بحرف المسدس علي دماغه والراجل وقع علي الارض من الخبطه ونزل أدهم لمستواه ومسكه من شعره وحط المسدس علي راسه

أدهم ببرود: ها يا كابتن تبع مين بقا

وفي الوقت ده زين كان بيضرب الشخص التاني ومشغول معاه نزل الراجل التالت لما شاف الوضع بيسوء وكان  هيقرب من أدهم لكن لمح نغم نازلة من العربية وببتسحب...

نغم نزلت من العربية بخوف : أنا اللي وقعني مع الناس ديه أحسن حل أخرج من الشارع ده وأركب تاكسي و رو...اععع.. قاطع كلامها حاجه اتهبدت علي الارض لفت وشها وشافت راجل واقع علي الارض وكان ماسك سلاح أبيض في إيده و زين ماسك عصاية و مبتسم

زين فتح باب العربية: يلا أركبي

نغم عيطت جامد من الموقف واللي حصلها: لا أنا مش عاوزة أركب أنا عاوزة بابا

زين بيحاول يهديها: نغم اهدي احنا كلمنا البوليس وجايين وهنمشي علطول

أدهم جه من وراه: روح أنت يا زين وأنا هفضل مستني هما كده كده فضلهم 5دقايق وجايين... زين وافق ونغم ركبت جمبه ومشيو

في الطريق نغم لسه بتعيط زين مد ليها ازازة ماية

نغم بشهقات بسيط: ينفع أكلم بابا من عندك تيلفوني فصل