مملكة الاحفاد لكاتبة(بسملة'ة محمــد)

الحلقة التالتة

       

هيقبلك، مهما عملت هيقبلك، هيقبلك وهيفتح لك أبواب كتير بس أنت إرجع له، إرجع له وقُل له إقبلني يارب🤍.

- د/ حازم شومان.

ـــــــــــــــــــــــــــــــــــــــــــــــــــــــــــــــ

عند المصنع ..... رعد ساند بضهره علي عربيته ومستنيهم يجو... ودقايق وفعلا وشاف 3عربيات بتقرب عليه بسرعه كبيره وكأنهم في سباق مين يوصل الاول... اول عربية وقفت قصاده ونزل منها فهد وليث والعربيتين الباقين وقفو مع بعض ونزلو منها ادهم و أركان... كلهم شافوه وقربو منه بنظرات حماسيه ولا كانهم راحين يحضرو فيلم...
رعد بسخريه: مالكم بتبصو كده لييه وكاني هخدكم الملاهي؟!..

فهد ببتسامة خبيثه: انا عارف أنك هدخل أركان المصنع ومعاه شخص و واحد و..

ادهم ببرود: و اكيد انا اللي هدخل معاه...

أركان بغرور: اهم بداو يتخانقو عليااا..

رعد بهدوء: لما يجي زين هقولكم علي الخطه بظبط

ليث طلع تلفونه علشان يرن علي زين..وجرس للاخر ومردش

ليث بستغراب وبصلهم: زين مابيردش

أركان: يمكن عامل تلفونه صامت او...

قاطع كلامهم صوت عربيه جايه عليهم بسرعه جنونية.. والعربيه بتتحرك يمين وشمال بطريقه جنونيه... والعربيه وقفت قصادهم مره واحده....كلهم لفو مره واحده عكس اتجاه العربيه من اصطتدام الهواء والتراب في وشهم اللي نتج عن العربيه لما وقفت مره واحده قصادهم بطريقه جنونيه...

فهد بغيظ وهو بيكح: كح.. كح... انت يا متخلف والله لاربيك بس انزلي من العربيه

زين نزل من العربيه ومعاه لاب توب بتاعه وبيقرب عليهم و هو بيضحك علي تعابير وشهم...

زين بلهفه وضحك: رعد هو اللي قالي متتاخرش علي المتعه وانا سمعت كلا...

قاطع كلامه بوكس من رعد...رعد مستناش يكمل كلامه وضربه بوكس علي وشه..

رعد بغيظ وهو بيضربه: ديه عشان التراب اللي جه في وشي يا حيوان.... وخلص كلامه وراح علي عربيته... زين لسه بيتعدل في وقفته وإذا وفجاة بوكس تاني نزل علي وشه

ادهم بضيق: وديه عشان بهدلت الجاكت بتاعي بالتراب... وانا لسه جايبه جديد يا متخلف...

زين اتعدل في وقفته بغيظ وكان رايح يردلهم الضربه لكن وقف مره واحده لما شاف ليث بيطلع مسدس من جيبه وبيبصله ببرود...

زين بتوتر: ايه يا ليث يا حبيبي دنا كنت بهزر مش اكتر..

ليث بيقرب عليه بمكر ورافع السلاح في وشه وزين ضحك بخبث لما شافه رافع السلاح في وشه.. وأركان متابعهم بحماس..