﴿ لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا ﴾
ـــــــــــــــــــــــــــــــــــــــــــــــــــــــــــــــ
رقية واقفه بتكلم بهدوء وأم عوض واقفه جمبها مش عاجبها الكلام: يابني بقولك عيب تكلم البنت وأمها كده وتذل فيهم قدام الناس بالشكل ده
"وأنتي لامؤخذة في الكلمة مين حشرك في الحوار... أنا اضربها اذلها اقتلها ديه مراتي"
أم عوض بعصبيه: أنتي لسه هتكلمي معاه بالهداوه ده اللي زيه محتاج مية شبشب علي راسه عشان يعرف إن الله حق
رقية بحزم: أسكتي أنتي يا أم عوض وبعدين وجهت كلامها لراجل اللي واقف... وعشان مراتك بقولك مينفعش تضرب مراتك في وسط الشارع كده
أم البنت بحسره وبكاء: قوليلو يا حجه... ده بيعمل في البت كده عشان مالهاش ضهر تتسند عليه
"ونبي يا حماتي اخرجي منها أنتي عشان ما خلكيش تلبسي أسود عليها... وأنتي يابت يا سماح أطلعي من ورا الولية ديه عشان لو جتلك أنا مش هيحصلك كويس"
أم عوض بضيق ونفاذ صبر: لا إله إلا الله... سبيبي عليه يا حجه بالله عليكي وأنا هوريه يعني إيه يحترم مراته
رقية لحظت إن الناس بدات تتلم عليهم وأتكلمت بحزم:
بص يابني مراتك وأمها في بيت الحج رشوان لما تحس نفسك راجل وبتعرف تصون وتحافظ علي الأمانة اللي معاك أبقي تعالا... ولفت وراها وتابعت كلامها وهي موجهه نظراتها لمراته.. وأنتي يابنتي اطلعي هاتي أبنك من فوق وتعالي معايا
الشاب طلع سلاح أبيض من جيبه(مطوه)
"والله يا سماح لو ماجيتي من وراها لاجيبها مكانك هنا وأذلها قدام الناس هنا"
أم عوض نزلت جابت الشبشب و رفعته واتجهت ناحيته بكل سرعتها ونزلته عليه بعصبيه: تجيب مين يا عديم الرجولة... فاكر نفسك راجل عشان عندك شنب علي وشك
الشاب أتصدم من ردة فعلها المفاجئ ولكن فاق من صدمته وبعدها عنه بكل قوته وأم عوض وقعت علي الارض... وبعدين بص علي مراته اللي واقفه ورا رقية واتجه ناحيتها بعصبيه مفرطه
"والله لاوريكي ياسماح "
خلص كلامه ومسكها من شعرها... وهنا الستات بدات تصوت و رقية وأم سماح بيحاولو يبعدوه عنه والرجالة مش عارفه تدخل من كتر الستات اللي واقفين...
رقية بدات تحس بدوخه مسكت دماغها ونسيت تاخد برشامة الضغط وأتكلمت بخوف علي سماح اللي شعرها هيتقطع في إيد جوزها
"سيبها يابني عشان خاطر ربنا"
"والله يا حجه أنا لو سبتها لاجيبك مكانها ومش هيهمني حتي الحج رشوان"
أنت تقرأ
مملكة الاحفاد لكاتبة(بسملة'ة محمــد)
Misterio / Suspenso_احم أنا هنا يا ساده لكي اعرض عليكم نوع مختلف من العلاقات، والاشخاص، والاحاداث المشوقة... _معهم فقط عزيزي القارئ سوف تعرف المعني الحقيقي ل( العشق و الجنون والاثارة و الضحك والصداقة و الوجع).... معهم فقط عزيزي القارئ ستتعلم الكثير والكثير... _لا تس...
