لَهُ الْحَمْدُ فِي الأُولَى وَالآخِرَةِ
ــــــــــــــــــــــــــــــــــــــــــــــــــــــــــــــــــــــــــــــــــ
"اللهم لا اعتراض يارب بس أنا عملت إيه لكل ده... ليه اتعاقب في اب معتدوش ذرة إحساس إتجاه مراته و ولاده...وبعدين لما اقول الحمدلله و إن أكيد في حكمه في الموضوع و ارجع تاتي اقوم علي رجلي وابدا أشتغل بدل الشغلانه اتنين واتطرد من واحده واقول الحمدلله ما كده كده في شغلانه تانية تسند عقبال ما ادور علي شغلانه تانية إنما صاحب الشغلانه التانية يطردني بس عشان يجامل صاحب الشغل الاولاني لييه؟ ليه يارب بيعملو معايا كده... ليه حد يقطع برزق حد لمجرد بس يجامل حد تاني.. وصاحب البيت اللي عاوزني اتجوزه ياما يطردني من البيت... وعلاج أمي ومصاريف البيت... يااارب"
فاقت من شرودها علي رنة موبايلها...طلعته من الشنطه وشافت الشاشة منورة باسم"ماما"
ردت علي والدتها بشبح إبتسامة وصوت مبحوح
"السلام عليكم يا ماما"
ردت الاخره بقلق
"و عليكم السلام يابنتي... مالك يا نور أنتي كنتي بتعيطي"
نور بتمثيل المرح
"بعيط إيه يا جيجي أنا حتي وقفت عند بتاع العصير شربتلي كوباية عصير إنما إيه فريش"
"بتاع عصير! هو أنتي مش في الشغل"
"لا شغل إيه أنا سيبت الشغل"
جيهان "والدتها" بصدمه
"إيييه سبتيه ليه يا نور"
نور ملقتش طريقة غير إنهاا تكدب
"ما أنا سيبته عشان لقيت واحد أحسن منه بكتير ومرتبه أحسن"
جيهان بفرحه
"اللهم لك الحمد... أنا كنت عارفه إن ربنا هيعوضك خير يابنتي"
نور بحزن
"الحمدلله يا أمي"
جيهان بستغراب
"طب لما أنتي مش في الشغل اتاخرتي ليه لغايه دلوقتي"
"امبارح لما أشتريت العلاج بتاعك وحكيتلك إن في واحده وقعت فا روحت ليها ونسيت الورقة اللي مكتوبه فيها العلاج ده غير إن البنت اللي واقفه في الصيدلية قالتلي إن في دوا ناقص وهيجي النهارده وأنا كلمتها النهاردة من الرقم اللي كان علي شنطه الادوية وفهمتها إني هاجي بكرا بس قولت لنفسي طالما كده كده فاضيه النهارده اروحلها"
"طب روحتي ليها ولا لسه"
"روحت ليها الصيدلية لقيت واحده ست واقفه فيها وتقريبا والدتها وحكتلها عن اللي حصل وهي قالتلي إنها مش عارفه حاجه وإنها واقفه مكان بنتها وهي قالتلي لو مستعجله اروحلها عند عمارة تبع واحد اسمه الحج رشوان واقفه مع صحابها هناك"
"طب يابنتي خلي بالك من نفسك أنتي في منطقة متعرفيش حد فيها"
"أنا تقريبا وصلت لان في بنات هناك مجتمعين قدام عمارة ومعاهم واحده ست"
أنت تقرأ
مملكة الاحفاد لكاتبة(بسملة'ة محمــد)
Mystery / Thriller_احم أنا هنا يا ساده لكي اعرض عليكم نوع مختلف من العلاقات، والاشخاص، والاحاداث المشوقة... _معهم فقط عزيزي القارئ سوف تعرف المعني الحقيقي ل( العشق و الجنون والاثارة و الضحك والصداقة و الوجع).... معهم فقط عزيزي القارئ ستتعلم الكثير والكثير... _لا تس...
