وَسَلَامًا عَلَى مَنْ مَرَّ صُدْفَةً، فَصَلَّى عَلَى رَسُولِ الله، فَزَادَنِي حَسَنَةً وَازْدَادَتْ حَسَنَاتُهُ."
ــــــــــــــــــــــــــــــــــــــــــــــــــــــــــــــــــــــــــــــــــ
قدام باب المقراءه رعد و أدهم واقفين
أدهم بتساؤل
"ها خلصت؟"
"اه يلا بينا"
أدهم و رعد أتحركوا لطريق البيت و أدهم أتكلم بتساؤل
"جدي في المحل"
رعد بنفي
"لا راح يطمن علي المحلات اللي في المناطق المجاورة"
"و بابا وعمامي لسه في الحارة"
"اه بابا وعمامي كل واحد خد مراته و روحو وعمتك أنهار مشيت بس رقية طلبت منها تسيب أيات كام يوم هنا وبعدين تروح"
أدهم بستغراب
"وعمتك أنهار"
"قررت هي وعم مهران إنهم يستقرو في عمارة الحج علطول"
أدهم أتنهد بتعب
"عملت اللي مش قادرين أهالينا يعملوه"
رعد حاوط كتف أدهم بمرح
"لا بقولك إيه فرفش كده ده حتي رقية و الواد فهد عاملين علي العشا صواني"
أدهم ضحك بحماس
"ده أنا هاخد الشارع جري عشان أوصل بسرعه علي المطب.."
قاطع كلام أدهم إنه لفت إنتباه ناس كتيرة واقفين في نص الشارع قصاد عمارة رشوان و شاف نور و بنات أعمامه واقفين هناك، أدهم و رعد أتحركوا بإقصي سرعتهم لـ هناك و في الوقت ده كان ليث و فهد و أركان و زين خرجوا من باب العماره
فلااش باك سريع.
بعد جملة أم عوض كل الانظار التفتت ناحيتها و أم عفاف ردت بصوت عالي
"جيتي لاجلك برجليكي، يلا يا ستات نعرفها مقامها"
ام عفاف وبقيت الستات قربو علي أم عوض لكن جنات وقفت بجانب ام عوض و ردت عليهم بتحدي
"طب واحده فيكم بنت راجل تقرب كده ناحيتها وتشوف أنا هعمل فيها إيه"
واحده من اللي واقفين ردت بسخرية
"بطولك ولا حد معاكي"
"لا حد معاها"
كان رد ملك اللي قربت بجانب جنات و أم عوض...
أم عوض بهمس لـ جنات وهي موجهه نظراتها لـ ملك
"مين ديه يابت يا جنات"
جنات بنفس الـ همس
"ده وقته يا أم عوض أما نشوف عملتي إيه المرادي"
عفاف بعصبيه
"و دين أمي لـ هوريكم"
فيروز قربت بجانب ام عوض وجنات وملك و وجهت نظراتها لـ عفاف بضيق و أتكلمت بنرفزة واضحه
أنت تقرأ
مملكة الاحفاد لكاتبة(بسملة'ة محمــد)
Mystery / Thriller_احم أنا هنا يا ساده لكي اعرض عليكم نوع مختلف من العلاقات، والاشخاص، والاحاداث المشوقة... _معهم فقط عزيزي القارئ سوف تعرف المعني الحقيقي ل( العشق و الجنون والاثارة و الضحك والصداقة و الوجع).... معهم فقط عزيزي القارئ ستتعلم الكثير والكثير... _لا تس...
