مملكة الاحفاد لكاتبة(بسملة'ة محمــد)

الحلقة الرابعه

السلامُ عليڪُم ورحمة اللهِ وبرڪاتُه"":

___لو محدش بيعاتبك على تقصيرك في دينك يبقا انت ملكش حد .🌱"""".

د/محمد الغليظ.

صَـلوُّا علىَ من اِختصر الحُب بقولِـه:
" لَاَ تُؤّذُونِيِ فِيِ عَاَئِشَةَ.... 🤍🦋".
ـــــــــــــــــــــــــــــــــــــــــــــــــــــــــــــــ

6 راحو ناحية باب المخزن وضربو الحراس اللي واقفه علي باب المخزن و سمعو صوت الكبير من جوه....زين قرب من باب المخزن و وقعو...

في المخزن قبل ما يكسرو الباب بثواني..

الكبير بضحكه عالية: ياااه مش قادر اتخيل منظر الحكومه بعد ما غفلناهم وهما اغبية مفكرين أن احنا منعرفش انهم كانو بيراقبو تحركات الباشا بس بفضل ذگائي كل تم زي ما خطتت... يااا تعرفو بتمني ايه دلوقتي اه لو اشوف شكلهم دلوقتي وهما مصدومي.. قاطع كلامه صوت تكسير باب المخزن.. وشاف 6 واقفين بكل هيبه وكل واحد منهم جسمه باين عليه رياضي ده غير طولهم وملامحهم الجادة..والخبث اللي باين في عيونهم..وكل واحد منهم ماسك مسدس....و فهد م رفع المسدس موجهه علي الكبير (مؤمن) واتكلم

فهد بنبرة خبيثه:
"وأنا هحققلك اخر امنية ليك"

رجالة الكبير كلهم رفعو المسدسات عليهم

الكبير بعصبيه: انتم مين و ازاي جتلكم الجراء تدخلو هنا ودخلتم ازاي؟!.

ليث ببرود : "من الباب"

الكبير لرجالته بعصبيه: مستنين ايه خلصو عليهم

واحد من رجالته صوب المسدس لواحد من الوقفين وضرب اول طلقة بس اتصدم أن مفيش حاجه خرجت من المسدس وبقيت الرجالة عملو كده وكل واحد فيهم حصل معاه نفس الموضوع مكنش فيه رصاص في المسدس

واحد من الرجاله قال بصدمه:ازاي مفيش رصاص في المسدسات كلناااا اتاكدنا قبل خروج المهمه أن في رصاص في مسدس كل واحد فينا

زين بضحكه خبيثة:اديك قولت قبل.. معلش اصل أنا بحب العب بحجات الناس

الكبير الخوف بدا يتملكه واتكلم بعصبيه: انا مشغل معايا شويه بهايم... مستنين ايه اضربوهم

ادهم بضحكه مخيفة: واخيرا هستمتع بقا

رجالة الكبير كلهم بداو بالهجوم...و ال6 بضحكه ونظرات مخيفة اتحركو ليهم... وخلال خمس دقايق كان رجالته كلهم واقعين علي الارض

الكبير بخوف وبدا يرجع لورا وهو بيشوفهم بيقربو عليه بنظرات تخليه يتمني الموت وقال بتلعثم: ااا.. انت.. انتم عاوزين مني ايه...و ااا انتم مينن!؟

أركان بيقرب عليه بملامح مرعبه:عاوزين روحك..

رعد اتكلم و بنظرة شر : اما احنا مين فا احنا... أحفاااد رشوان السيوفي...