"Boss ဟိုကောင်တွေ လာသောင်းကျန်းသွားပြန်ပြီ။"
"တောက်! "
ပေါင် ၅၀ အလေးတုံးကိုပေါ့ပေါ့ပါးပါး မပြီး လေ့ကျင့်ခန်းလုပ်နေတဲ့ ရိပေါ်က သူတပည့်ရဲ့အစီရင်ခံမှုကြောင့် ကြည်လင်နေရာက ချက်ချင်း မှောင်မဲသွားသည်။
"အမိန့်သာ ပေးလိုက်ပါ။ ကျန်တာကျွန်တော့်တာဝန်ထား။"
" ဖျက်စီးလို့ရသမျှ အကုန်သာဖျက်စီးပစ်။ "
ဝမ်ရိပေါ်က ချွေးစိုနေသည့်အဝတ်ကို စိတ်တိုစွာ ဆွဲချွတ်ပစ်လိုက်ပြီး ခုံမှာ ခြေပစ်လက်ပစ် ထိုင်ချလိုက်သည်။ ရိပေါ်က သန်မာသည့်ခန္တာကိုယ်အချိူးစားရှိပြီး တော်တော်လေး ကြည့်ကောင်းတဲ့အထဲပါသည်။
တရှူးရှူး တရှဲရှဲ ဒေါသထွက်နေတာတောင် ကြည့်ကောင်းနေတာဖြစ်သည်။
ဝမ်ရိပေါ်၏ နောက်လိုက် ဝမ်းချောင်ဟာ မျက်နှာလွှဲပြီးနေလို့ရတဲ့အထိ အရည်ချင်းရှိသူဖြစ်သည်။ အခုဖြစ်သည့် ပြသနာက ဖြစ်နေကြပြသနာတစ်ခု ဖြစ်တဲ့ စီးပွားပြိုင်ဖက် ရှောင်းကျန့်က လူလွှတ်ပြီး သူ့ကာစီနိုရုံကိုလာဖျက်စီးတာဖြစ်သည်။ သူတို့ကတစ်ယောက်တစ်လှည့် အဲ့ဒီလိုပဲ တိုက်ခိုက်နေကြပေမယ့် လူချင်းတော့ တစ်ခါမှ ထိတ်တိုက် မတိုက်ခိုက်ဖူးပေ။ ရှောင်းကျန့်ကစိတ်ကြီးပုံရသည်။ ကိုယ်ရေးကိုယ်တာ ကိစ္စတွေနဲ့ရောပြီး စိတ်တိုလာရင် အသားလွတ်ရန်လာရှာတတ်သည်။ ရိပေါ်ကလည်း ခေသူမဟုတ် သူတစ်ဆဆို ကိုယ် နှစ်ဆ လက်တုံ့ပြန်ရမှကျေနပ်သည်။ လောင်းကစားနယ်ပယ်မှာတော့ သူတို့နှစ်ယောက်ထက်အပြင် တစ်ခြားလုပ်ကိုင်ရဲတဲ့သူမရှိကြပေ။ သူတို့က ကာစီနို online game တွေ အကြီးကျယ် လူမိုက်တွေနဲ့အလုပ် လုပ်တာဆိုပေမယ့် သူတို့မှာ လူမြင်ကောင်းအောင် for show စီးပွားရေးအသီးသီးရှိကြသည်။
ရိပေါ်ကတည့်တိုးဆန်ပြီး ပြတ်သားပေမယ့် ရှောင်းကျန့်ကနဲနဲဉာဏ်များသည်။ အခုလက်ရှိတော့ China ကကာစီနို၊ လောင်းကစားနယ်ပယ်မှာ နှစ်ယောက်သား အချင်းချင်း တိုးခက်ပြီးလုပ်စားနေကြဖြစ်ပြီး တစ်ယောက်ကိုတစ်ယောက်အလဲထိုးနိုင်မယ့်အခြေ နေကိုချောင်းမြောင်းနေကြတာဖြစ်သည်။
____
