البارت2
الكاتبه/ نور الدليمي📃💜•
__________________________
_جنت احس روحي فريده وحيده
جنت اريد اساعد امي جنت اريد اروحلها
بس خايفه!!...
_طفله بعمر ال6 سنوات شلون راح تفكر؟
شلون راح تتصرف؟؟
كلشي متعرف شلون راح تخطي خطوه!..
__هزيت راسي بخوف ودموعي بلشت تنزل ركضت للغرفه
وسديت الباب وقفلته وگعدت ورا وابجي........
_ضليت حايره اروح وارجع ماعرف شسوي
بعد مرور ساعه تقريبا خليت اذني عل باب
ماكو صوت ابداا..
_فريت المفتاح وفتحته لزمت يده الباب بخوف
ونزلتها انفتح الباب فتحته بهدوء وطلعت امشي
بخطوات بطيئه..
_اخذتني رجلي لغرفه ماما وبابا فتحت الباب
على كيف وشفته نايم مثل الكلب ماعندي مشاعر
اتجاهه نهائيا صرت اكرها على كلشي يسوي بينه...
_رجعت خطوات وطلعت برا الغرفه واني
ادور على امي سمعت خطوات وراي درت وجهي
مرعوبه..
_شفتها تنشف بشعرها وابتسمتلي بحزن
ماعرفت افسر هل ابتسامه رغم فطارتي
ركضتلهه حضنتهه وابوس بيهه مسحت على راسي
وگالت...
نسرين: ساعه ب2 ليش لسه كاعده ها ماما..
جوهره: مگدرت انام ماما..
نسرين: يلا تعالي ننام سوه..
_لزمت ايدي واني امشي وياها رفعت راسي
اباوعلها جانت كلما تشوفني اباوعلها تبتسم
رغم حزنها دخلنه لغرفتي مشطت شعرها ومددت
على جربايتي..
_اشرتلي ب ايدها اجيها تقدمت يمها سحبتني
لحضنها مددنه سوه وضلت تمسح على شعري
وتبوس بيه...
جوهره: ماما..
نسرين: يروح امج..
جوهره: بابا شنو سوالج؟
_گلت هيج جرت نفس وسكتت لثواني
وگالت بصوت يرجف..
نسرين: مسوه شي ضربني نفس
كلمره..
_ماعرف شنو احجي لان طفله وطبيعي
كل طفل ماايفهم بهل امور باوعتلهه عيونها
حمر گلتلها..
جوهره: زين ليش جان يشگگ بملابسج
ون...
_ردت اكمل استوقفتني حركتها السريعه
خلت ايدها على حلگي وگالت بين شفايفهه
الي يرجفن..
نسرين: اشش نامي حبيبتي ماكو شي
بس جان متعصب وابوج من يعصب يكسر
كلشي ويشگگ كلشي يعني عادي شي طبيعي
غير جان يضربني..
_هزيت راسي بطفوله وگلت بثقه..
جوهره: اني قررت اذا اشوفه بعد يبسطج
ما اخلي متفقين؟
: حجت بصوت تحذير..
نسرين: لا جوهره ابداا لا تدخلين ماشي ماما
انتي صغيرونه ماتتحملين الضرب اذا لاحج
ماشي يعمري؟؟
_رديت عليها بعناد..
جوهره: بس ماكدر اشوفه يضربج كل يوم
لازم ادافعلج انتي مو تدافعيلي هااا؟
نسرين: زين تقبلين ازعل منج؟
جوهره: لا..
نسرين: لعد اذا سويتي مثل هيج شي
راح ازعل عليج..
_هزيت راسي بزعل وگلت..
جوهره: ماشي..
_رفعت راسي وهيه تبتسمت وگالت..
نسرين: ماماتي حبيبتي اني ماريد
تتاذين لان ابوج هذا طبعه وانشاء الله
يبطله ماشي عمري؟
: هزيت راسي موافقه وحضنتها..
نسرين: يلا ننام هسه؟.
جوهره: ايييي..
نسرين: لالا لحضه هسه اجي..
_ااستغربت واني اشوفها گامت من مكانها
تمشي بخطوات سريعه دقايق واجت لازمه ب ايدها
كيكه صغيره وفوگاها شمعه وتغني..
نسرين: سنه حلوه ياجميللل نسه حلوه
ياجميلل سنه حلوه سنه حلوه سنه حلوه
ياجورهه كل عام وانتي بخيررر حبيبتيي بنتي..
