الڪاتبه/نـــــــٌوُر آلُـِـِِـِِِـِِـِـڊلُـِـِِـِِِـِِـِـيمـْـْْـْي📃💜•
+
هلاا حبايييي طبعا نزلت البارت اليوم بدل باجر لان باجر انشغل بسس اذا شفت تصويت وتعاليق حلوه
او تعاليق للاحداث راح انزل باجر بارت ثاني ويدللون❤❤.
قراءه ممتعه♡•
_____________________
#لاحياة هنا للاسف#
الدكتور: استاذ الجرح بمكان خطر
وتعرف اذا الوريد الخطأ ينقطع تنتهي حياتها
للاسف الوريد الخطأ الي اتأذه بس الحمدلله
گدرنه نصحح الوضع..
جراح: يعنيي الحمدلله مبيهاا شي موو؟؟.
الدكتور: اي الحمدلله بفضل الله سبحان وتعالى
بس استاذ تحتاج الى راحه تامه حته لو بس خمس ايام
علما يلتأم الجرح..
جراح: اكيد دكتور اكيد..
_الفرحه تغلغلت بصدورنه راد يمشي
الدكتور بس ك انو تذكر شغله ودار وجهه ...
الدكتور: ها استاذ طبعا للاسف الكف انشل
مالتها..
_عگد حاجبه بخوف وگال.. مافهمت؟
الدكتور: ايدها تأذت كلش وتعرف اخطر
مكان نجرحت بي وراد يسبب بموتها
وبسبب هل شي الكف مالتها انشل بس
اكو ضمان 65% يرجع كف ايدها طبيعي
من بعد العلاج..
_مسح على وجهه وگال... يعني تتحسن؟
الدكتور: انشاء الله..
_اخذ يحجي ويا ويوصي على امور
شوي واجه جراح گال... امشي دنشوفها..
_توجهنه لغرفتها اول مدخلنه شفناها
نايمه على السديه وحالتها حاله سوده
عليه..
_تقدم جراح وهو مهدود حيله لزم ايدها
ويحجي بقهر... گومي جوهرتي ادري اذيتج
ادري دمرتج ادري ماراح تسامحيني..
_بس گومي كلشي راح ينحل صدگيني
شتردين راح يصير شتردين بس طلبي..
_اخذ ايدها يبوس بيها فزينه على صوتها
تحجي بتعب.... ماريد شي بس اتركني..
_باوعلها بلهفه وگال... جوهرتي شلونج
يبعد حيلي..
_باوعتله ب استهزاء وگالت.. شگد
شي يقهر من فتحت عيني للدنيا واني
ضنيت بعد مافتحها..
جراح: اشش حبيبي اشش يومي گبل
يومج هديتي حيلي جوهرتي ليش هيج
سويتي..
: باوعتله بتعب وگالت... والك عين تسأل..
_گال بحيره.. جوهره حيرتيني اكلج اعوفج
ترحين تنتحرين اكلج اريدج تكليلي عوفني..
جوهره: دايما تجي بلوقت الغلط..
جراح: جوهره انسي كلشي ماريدج تفكرين..
جوهره: لو النسيان سهل جان نسيتك اول واحد..
_غمضت عينها وگالت... طلعو برا...
_شددت على كلمتها باس ايدها وباوعلها
خايف عليها طلعنه ثنينه وگلت... شراح تسوي
جراح..
_مسح على وجهها وگال... مادري كوثر مادري
لاول مره احس نفسي عاجز عن كلشي..
_كوثر احس نفسي طفل من اكون يمها اختلف
جذريا احير شسوي احير واخاف عليها مني
اريد راحتها وماجاي اعرف شتريد بلضبط..
_طبطبت على متنه وگلت... خويه اصبر
ونشوف شيصير لكل حادث حديت لاتسبق
الاحداث..
_هسه هيه ضايجه منك خلي تهدئ
تصير احسن وكلشي ينحل..
_هز راسه بتعب وگال... الله كريم..
_التفتت على اثر تلفوني يرن شفت شهد..
_رديت عليها... ها شهد..
_فززني صوتها وهي تعيط... ولججج كوثررر
لحگيييي اميييي ماتتتت كوثرررر...
_شهگت بصوت عالي باوعلي جراح مفزوع
واني اصيح... شش شنيييي شتحجينننن
جرراححح امييي اميييي...
_لزمني من متني يحجي بتوتر... شبيهاا
كوثررر..
_شش شهدد تكول ماتت..
_وسع عيونه بصدمه وركض واني ورا
وثنينه مامستوعبين الي سمعنا؟؟؟!!!!..
_طلعنه نركض صعدنه بلسياره وجراح ساق
بسرعه..
_طلع تلفونه وخابر... سيف جيب وياك
حراس وتعال للمستشفى اوگف على غرفه
جوهره مستشفى______غرفه رقم___...
يسوق بسرعه للحضه حسيت راح نندعم
دموعي صارت تتسابق وجراح شاد على الستيرن..
_بعد ماوصلنه ثنينه نزلنه نركض من السياره
صوت انفاسنه تركض قبل رجلينه دخلنه
للصاله ونشوف شهد تبجي وامي بلگاع!!!
_ركض جراح ل امي حاوطها وهو يتفحصها
لحضات غمض عينه ب الم ونزلن دموعه!!
_گال بصوت مبحوح... ليش يمه ليش
ليشش عفتينه مو كلتي ماعوفك يمهه...
_هنا ادرگت ان امي ماتت..
مر اسبوعين حياة سوداء مليئه بلحزن
خلصت الفاتحه مالت امي واليوم اخر
يوم والي هو السابع..
_الساعه8:36 بليل الكل گاعد بلصاله
بعيدا عن گرايبنه كلها راحت بس اساور وامها
بقن..
_گمت من مكاني صعدت للطابق الثاني
توجهت لغرفه جراح هو ماموجود برا
يم الزلم..
_فتحت الباب ودخلت شفتها سحلت
جنطتها وتريد تطلع...
_باوعتلي ب برود ومشاعرها ميته وندفنت
صارلها اسبوعين كل كلمه ماحجت ولا سمعنه
صوتها وحاولنه وياها ابد ماحجت وناخذها لجلسه
علاجها علمود ايدها شوي احسن..
_تقربت الي وطبطبت على متني وگالت
بهدوء... البقيه بحياتج الله يرحمها..
كوثر: حياتج الباقيه..
_اخذت نفس وگلت... وين رايحه؟
_ابتسمت بتعب وگالت... مالي مكان هنا
خلص...
كوثر: جراح يعرف؟
جوهره: عرف وال ماعرف نفس جوابي واساسا
هسه متطلگين احنه شضلتي هنا؟
_حضنتني وگالت.. انتبهي عليهم
صح انتي متزوجه ومو يمهم دوم
بس ميخالف..
_بادلتها الحضن نزلن دموعي وگلت.. خليج
والله اخوي مايتحمل بعد..
جوهره: واني هم ماتحمل مو بس هوه
يريد يمشي الكل ع مزاجه..
_وخلص اني قررت ماتراجع عن قراري...
_اكتفيت بلصمت نزلت هي ونزلت وراها
دخلنه للصاله الكل استغرب من شافها..
شهد: جوهره؟
_تقدمت حضنتها وگالت.. البقيه بحياتكم
قويه انتي وهذا يومها..
شهد: حياتج الباقيه..
_گالت هيج ومسحت دموعها ورجعت
گالت... وين رايحه؟
جوهره: انتهت ضلتي هنا..
_رادت تحجي وجوهره قاطعتها وگالت... ميحتاج
تحجين هذا اخر قرار الي..
اساور: اوي هسه روحي ميتين عليج همه
من يوم ال اجيتي ونسمع بس المشاكل منج..
كوثر: الزمي حدودج اساور لا تخليني اتعامل
وياج غير تعامل..
_ندستها امها تخزر بيها ترديها تسكت..
اساور: اوي هاي الحقيقه..
كوثر: طلعي برا..
_فتحت عينها تگول... تطردينيي؟؟..
كوثر: اطردج واطيح حضج برا يلا..
_سحلتها امها وكعدت تتعذر من كوثر
وراحن مثل ماراحن اجه جراح استغرب
من وگفة جوهره..
_باوعتله ورجعت باوعتلنه وگالت.. يلا اروح
اني..
_دارت وجهه اله وگالت.. رايحه..
_بلع ريكه وماحجه شي لثواني رجعت
گالت... اعتقد ورقه طلاقي خلصت هسه متطلگين احنه..
جراح: جوهره خلي نتفاهم..
جوهره: ماكو شي نتفاهم بي..
كوثر: جوهره صح حبيبتي ليش متگعدون
تتف...
_دا اريد اكمل ونترت بيه وگالت... ماكو
شي اتفاهم بي..
مسح وجهه وگال.. وين ترحين؟
_يحاول يصبر نفسه وگال.. وين ترحين.؟؟
_ردت ب برود... گتلك مايخصك وانت حاليا
طليقي استاذ جراح..
_گالت هيج وسحبت جنطتها ومشت!!..
طلعت من البيت وجراح طلع وراها..
لميس: والله ماعرف شهل عيشه..
رويدا: خلينه ساكتين احسن..
كوثر: كلمن تروح لغرفتها..
_گامن لغرفهن واني ضليت بلصاله
افكر بضيمي فزيت ع صوت تلفوني
شفته سلام زوجي..
