الڪاتبه/ نور الدليمي📃💜.
___________________
_تنفست بصعوبه واني دا احاول
استوعب الي گاله عمي رجفت
بخوف..
_باوعت لعمي واني صوته يرن
ب اذنيي وكل حرف گاله جنت اضحك
طبيعي اسوتقف كلشي لمن گال..
ناجي: خابرونه من المستشفى نسرين
وجاسم متعرضين لحادث ومالحگو عليهم
وتوفو......
_الكل نصدم واني اولهم باوعت الهم
واحد واحد واشوف الكل يباوعلي
شفقانين عليه عمه يسرى باوعتلي
بشفقه مصطنعه وعكدت حاجبهه
وكالت بصوت مستهزء..
يسرى: ياااا الى رحمه الله سوده عليه
جوهره صرتي يتيمه..
_باوعلها مرتضى وصرخ..
مرتضى: يوممم صدكك تحجينن
هو هيج ال يحجيي..
_عمي بكل برود رد على مرتضى
بعصبيه..
ناجي: انجب لك حمار شلون تحجي
هيج ويه امك..
_باوعتله عمه يسرى وهي تسوي روحهه
حزينه..
يسرى: اي اي شوف فروخك يحبون
نسرينه اكثر مني..
_گالت عبير من بين دموعها..
عبير: گولو يالله هو هيج الحجي
تعالي جوهره حبيبتي تعالي وياي
يروحي..
_گمت وبعدني على نفس صدمتني
اخذتني للغرفه وخلتني مقابيلهه
وگالت وعيونهه غرگانات من الدموع..
عبير: شوفي يروحي هذا الله كاتبه
مانگدر نعترض على حكمه الله مو صح
هسه ماما وبابا صارو ملائكه بلجنه
وراح يعيشون سعيدين..
_نزلن دموعي بسرعه وگلت واني اشهك..
جوهره: بب بس بس ماما كالت ما اعوفج...
عبير: مو گتلج الله كاتب هل شي
واحنه كلنه نموت يعمري وكل واحد
ويومه..
جوهره: زين بابا هسه مراح يضرب ماما
بعد؟
عبير: مممستتتحييلل يضربها تدرين ليش؟
_جنت احجي بكل اقتناع وياها وهي
جانت تقنعني ومتخليني اتاثر..
جوهره: ليش؟؟
عبير: لان اول شي بابا راح يصير زين هناك
وذا ضرب ماما راح يتعاقب وماما راح تكون
سعيده حيييلل هناك..
_رديت عليها بحماس واني افكر ب ماما
يعني راح تكون سعيده احسن من هنا بابا
يضربها...
جوهره: يعني بعد ميضربها؟
عبير: اكيد يروحي وشي ثاني ماما كل يوم
تشوفج...
جوهره: واني اشوفها!؟
+
عبير: انتي متگدرين تشوفيها يس هيه
تجيج وحته قبل لتنامين تبوسج يعني
ال ماما ماعافتج..
جوهره: يعني دوم راح تجي؟
عبير: اي يروحي اكيد وشغله ثالثه بعد
اذا شافتج تبجين راح تحزن وماتعيش سعيده..
_گالت هيج واني مسحت دموعي بسرعه
وابتسمت من بين حزني وگلت..
جوهره: بعد مابجي واصير قويه مثل
ماما وهيه گالت ال يتقربلج حطي السجينه
ب بطنه...
عبير: عفيه شطوره...
_باستني وگالت..
عبير: شنو رايج تنامين لان ممكن ال ماما
تجيج بلحلم..
_رديت عليها بتعجب..
جوهره: صدككك!
عبير: اي والله..
جوهره: لعد راح انام..
_كلت هيج ونيمتني على جربايتهه وباستني
بخدي وغطتني وطفت الضوى وطلعت..
_نزلت دمعتي لا اراديا وبساع مسحتهه
ورفعت ايدي بتردد وگلت..
جوهره: اسفه اسفه ماما نسيت وبجيت
بس لان اشتاقيتلج بعد مابجي..
_اتنفست ب اريحيه وغمضت عيني وگلت..
جوهره: احبج ماما....
_بعد مرور اسبوع خلصت الفاتحه
وقليل من ال يبجون حقيقي اني
كلما اشوف الكل يبجي تنزل
دمعتي لا اراديا بس جنت بساع امسحها
واعتذر من ماما وعبير هواي علمتني اشياء..
_وخلتني اتقوى حيل بعيدا عن عمامي
كلهم يبجون جذب اولاد عمي ناجي ساندوني
وضلو وياي خصوصا عبير ومترضى ومجتبى وحته غدير
ب اختصار كلهم اما جبار ونور اولاد عمي باسم
عادي يتصرفون طبيعي ميحجون شي..
_عمتي يسرى تذب سم وعمتي خديجه كذالك
كاعدات ويحشن بلرايح والجاي...
_جنت كاعده العب ويه غدير سمعت عمي
ناجي صاحني رحت للاستقبال شفت
خالي حيل تعبان من ماتت امي..
غيث: تعالي جوهره..
_تقدمت يمه وكعدت گال وهوه يمسح
ع راسي..
غيث: بويه جوهره وين تردين تبقين
هنا لو اخذج وياي؟
جوهره: صفنت ثواني واني افكر خالي عايش
هو ومرته وبنته مرته حيل خبيثه
اتذكر جنت صغيره جانت تخزرني وتصيح
عليه حته مره ضربتني بس هو حباب...
_اما عمي ناجي مرته وهوه صح خبيثين
بس اولادهم ميخلونهم يأذوني بدون تردد
گلت..
_خالو ابقى هنا..
_باوعت لعمي ناجي گال..
ناجي: اي خل تبقى بنيته منه وبينه..
غيث: والله لو عليه اخذهه بين عيوني
بس انتم بعد عمامها ومتقصرون وهيه
اختارت وال تريده يجرالها..
_واني اضل امرنها واي شي تحتاجه
بس بلغوني وبلخدمه ها خالو تمام..
+
جوهره: اي خالو..
غيث: اترخص اني وخويه ماوصيك
جوهره بعيونكم..
ناجي: لاتوصي عيني بنت الغالي هاي..
_مصدومه من تصرفات عمي اني
بنت الغالي؟؟ عجيببب
_بعد ماراح عمي رحت يم البنات وسولفتلهن
عبير گرصت خدي بحب وگالت..
عبير: همزين گلتي تضلن هنا جان بسطتج
لو مگايله..
_حضنتها وگلت بحزن..
جوهره: لا اصلا بقيت علمودكم انتي احسج
مثل ماما مثل حنتيها احبج عبيرر..
عبير: ياعمري اموت عليج اني..
_قاطعنه صوت غدير وهي رافعه
حاجبها ورافعه ايدها وكالت..
غدير: يححح وانييي؟
_حضنتها عبير وگالت..
عبير: كلجن حبيباني...
_واستمرينه على هل حال لسنين طويله
تقريبا8 سنوات صار عمري15 سنه ثالث متوسط
وحيل شاطره وملابس ومستلزمات كله من مرتضى
وعبير وحته مجتبى مرات يجيبلي مجتبى صار
مهندس وبعده ممتوضف اما غدير خامس اعدادي
عبير انخطبت وتزوجت وكامت تجينه فتره
وفتره وكلما تجي جايبه وياها ملابس الي
ولغدير ومرتضى صار دكتور اما عمتي كل يوم
تسويلها عركه علمود اشتغل اني اگوم بدون ماسوي مشاكل.
_بس مرات عندي دروس مرتضى ميخليني
يضل يحجي على امه وهي تسويهه سالفه..
_وعمي ناجي يغلط ويصيح عليه بس انيي
عادي عندي تعودت انا عن شكلي صرت حيل
حلوه خل اوصفلكم شعري طويل حيل واسود
وعيوني عسليات وكبار ووجهي صافي ابيض لاهو
سمين ولا هو ضعيف..
_جسمي وسط هم لاهو سمين ولا هو ضعيف
حلو ...
جنت راجعه من المدرسه اخر يوم
امتحان خلصت بقت بس النتائج وشعري رافعته
ليفوك ومسويته ضفيره وشطولها اني
طبعا مو محجبه...
_وصلت للبيت استقبلتني عمه يسرى تدردم..
يسرى: والله مال عمج يبطلج وتضلين
تساعديني..
جوهره: هلاو عمه شسالفه گولي
الله بلخير شلونج سلمي شي
وبعدين شنو وحد عن بناتج..
_گلت هيج ومتوجهه اروح للغرفه گالت..
يسرى: والله بناتي عندهن اهل
يعتنون بيهن مو انتي ضاله بلايه
اهل وتردين كلشي عل حاضر..
جوهره: اروح فدوه ل امي صايره شحلاتها
اجتني بلحلم وتدرين شگالت؟
يسرى: شگالت بله..
_گلت ب استفزاز..
جوهره: گالت عمتج يسرى صايره
عجوز خل تخلي خلطات شي..
_گگلت هيج وطگيتها ركضه للغرفه
واسمعها تصيح وتغلط ضحكت شفت عبير
كاعده صيحت..
جوهره: هايييي منووووو...
عبير: هلا هلااا..
_حضنتها حيل واشوف بطنها
واصله لحلگها..
جوهره: يمهه يمه هسه تطلع بنيتج جنها
صخله مثلج ءءء اقصد گمر مثلج..
+
: كفختني على راسي وگالت..
عبير: جوهره بطلي سوالفج لابلعباس
اشلخج هنا..
_كمت واني انزع بصدريتي وگلت..
جوهره: عبير سوالف المتزوجين مو يمي
يم رجلج..
_گلت هيج وغمزتلها وهيه حطت ايدها
على حلگها تشهك وگالت بعصبيه مصطنعه..
عبير: ولج جويهره اكص لسانج هذا
شطوله..
جوهره: رجائاااا لاتشوهين اسمي..
_ردت ب استهزاء مصطنع ورافعه حاجبها...
عبير: وشلون اسم..
_ردت احجي قاطعني صوت غدير تصيح
رفعت بطانيتها وطلعت الكفشه وگالت بعصبيه..
غدير: شلللووونننن شلووونن الواحد مينام
زربه عليجن يلطايحات حض مستهترات
كاعدات تحجن بسوالف متزوجين..
جوهره: هو منو حجه هاي يجوز حلمانه..
_غمزتلها وعبير ضحكت بدلت ملابسي ونزلنه
نتغده بعد ماخلصنه كعدنه كلنه گال عمي..
ناجي: جوهره بطلي من المدرسه وساعدي عمتج..
_رفعت حاجبي بعدم رضى وغميت نفسي
وگلت...
جوهره: يا اهمداني اذا ابطل...
_ضحك مرتضى وگال..
مرتضى: بويه شني تبطل حالها حال البنات
خلي تبني مستقبلها ب ايدها معلينه احنه..
ناجي: ماتسكت انته احد اخذ رايك امك
تعبانه متكدر وحدها..
_رديت عليه بسرعه وگلت..
جوهره: عمو اشو اني اساعدها ولا مره صاحتني
على شي وگلت لا..
_فتحت عينها بجذب وگالت..
يسرى: اححح احح شهل جذب ولج
منو ال يوم غلط عليه وشرد..
_فتحت عيني مصدومه واشرت ع نفسي
وگلتت..
جوهره: يحححح انييييي يمته يمته عمه
ترا ما ارضى تطلعين حجي عليه..
ناجي: انجبي ولاتراددين شني عمتج
تجذب لا اگص لسانج..
عبير: يابه شسالفه اكلتو البنيه حاصل فاصل
هيه بكيفها تريد تبطل تريد تكمل مستقبلها
هذا هاي احنه محد تدخل بمستقبلنا..
ناجي: انتم وحد هيه ماعدها اهل...
_قاطعته ودموعي فجئه نزلت وگلت..
جوهره: ترا كتلتوني ماعندها اهل ماعندها
شنو يعنييي شنووو ال ماعنده اهللل
هيججج ينذللل ترااا ميصير والله ميصرر..
_گلت اخر كلمه وركضت للغرفه واسمعهم
يتعاركون دفنت وجهي بلمخده وابجي واشهك
بقهر..
_بعدها دقايق مسحت دموعي وگلت بيني
وبين نفسي..
جوهره: يخسون اذا ابجي على كلامهم..
+
_باوعت للباب انفتحت دخلن عبير وغدير
مبتسمات تقدمت عبير حاضنتني وگالت بحنيه..
عبير: خو مزعلانه..
جوهره: لا عليمن اول مره قابل..
عبير: اتحمليهم يروحي شنسوي...
جوهره: عادي كتلج قابل اول مره..
غدير: يلا كافي دراما خل نباوع فلم...
جوهره: اريد انام اني نعسانه واليوم
اخر يوم امتحان اريد ارتاح..
غدير: اهوووو جوهره..
عبير: كافي ولج عوفي البنيه تنام..
جوهره: شمدريني هيه مخلصه مدرسه
وجايتني...
غدير: انطمري انطمري يلا..
_ضحكت عليها ولفيت راسي ونمت...
_سمعت صوت والصوت مو غريب عليه
ضليت استوعبه اي اي هذا صوت مااما..
_جوهره..
_باوعتلها جانت بيضه ثلجج ولابسه فستان
ابيض ومبتسمه وگالت..
_تحملي ماما حبيبتي تحملي..
جوهره: الى متى؟
_الى ان توصلين للي كاتبه الله..
ججوهره: بس تعبت؟
_بس قويه انتي...
جوهره: ماما تعبانه محتاجتج..
_اني يمج حبيبتي دائما بس شوفي
تحملي الايام الجايه..
جوهره: شنو قصدج؟
_تحملي يروحي انتي احبج..
_فزيت مرعوبه واني اتنفس سريع باوعت
يمين يسار محد بلغرفه رفعت شعري ليفوگ
واني استوعب الي گالته ماما شتقصد؟
_غمضت عيني سريع وفتحتها وگمت
عدلت الجربايه ولفيت شعري ونزلت..
_حيل عطشانه رحت للمطبخ
استوقفني صوت مرتضى يحجي ويه امه..
مرتضى: يمه لاترديني شسالفه..
يسرى: لو تموت ما اخذها الك لو تموت..
مرتضى؛: واني اموت اذا ماشوف ضحكتها يوم..
يسرى: شبيك ولك تخبلتتت گليي تخبلتت
غسلت عقلك الجلبه..
مرتضى: يوم لتغلطين عليها الله يخليج
واني لو هيه لو ماتزوج عمري كله..
يسرى: والله مو بكيفك يمرتضى..
مرتضى: ليش ضدي يوم ليش تحاربيني
جاي اكلج روحي بيها شبيج انتي..
_عاگده حاجبي احاول افهم شنو السالفه..
_ردت عليه عمه يسرى وهي معصبه حيل..
يسرى: ولك اريد افهم وحده زعطوطه
شتسوي بيهه تربيها عمرك28 سنه اني اخطبلك
وحده تناسبك واحلى...
مرتضى: وهي وين تربت غير يمنه يمه
اعشگ عيونها اعشگ كلشي بيها لا اريد
الاحلر ولا غيرها هي احلى البنات كلهن....
يسرى: اابن القندره تريد تكتلني والله
يمرتضى لو اني لو هيه وذا هيه تختارها
لا اني امك ولا اعرفك...
_ااستوعبت شوي اوك مرتضى يحب
وحده بس ليش معارضته؟؟
_ضليت استمع لمن استوقفني صوته
وخلاني اجمد بمكاني وكل تفكير بعقلي
وگف..
مرتضى: يمه جوهره الي ومتصير لغيري
واني لو هيه لو ماتزوج..
يتبععع.............
توقعاتكم للبارت القادم💔💔؟ •
تصويت احبتي الڪرام♥
