لڪاتبه/سـ❣ـہلطانه نـ༈ۖ҉ـؤُر📃💜•
_____________________
#ضلمه الدنيا احس... #
__فتحت الورقه قشعر جسمي ويبس شعر راسي
من قريت(مهما يكون هل شخص الي وياج اذا
شفته يحضنج لو يلزمج ايده تنخلع ومو بيعده عليه
اسويها حذرتج)
_ضغطت على الورقه ب ايدي يعصبيه
انته بس وينككك خلي اشوفكك ضليت
اباوع لعل اشوفه..
_بس ماكو مليت ورجعتلهم باوعولي
عرفوني مو على بعضي..
شهم: شبيج؟
_جنت صافنه وفاصله عنهم اردفت
هاريكا.. شو فيك جوهره؟
ندستني فزيت گلت.... ها؟
شهم: شنو ها شو رحتي ورجعتي
مو على بعضج!
جوهره: لابس تعبانه..
شهم: خلي نرجع اذا تحبين مادام ماكو
شي اليوم؟
جوهره: اي ياريت..
_گمنه طلعنه من الكافتريا بعدها طلعنه
من الجامعه واني بس اتصفن وشارده
عنهم اخذنه سياره ورجعنه...
_دخلت لغرفتي ذبيت الجنطه ب اهمال
وغيرت ملابسي لبست تراك وغسلت وجهي
بعدها ذبيت نفسي على الجربايه..
_اباوع بلسكف والتفكير اكل راسي
ليش هيج يسوي؟ وشلون عرف مكاني..
_ضحكت ب استهزاء ولو تصعب عليه مثلا
وميعرف مكاني يطلعني من جوا الگاع..
_باوعت للباب على أثر دخول هاريكا
ابتسمت وتقدمت كعدت ع اطراف الجربايه..
هاريكا: شو فيها الحلوه..
_جريت نفس وگلت... تعبانه هاريكا..
هاريكا: من شو ياعيوني..
جوهره: احس راح اتخبل شيريد مني..
هاريكا: لك مو قلنا اتركي الموضوع
او يمكن تتخيلي؟
جوهره: لج مساع البنيه الي اجت
على اساس ادليها ماتندل..
هاريكا: اي؟
جوهره: وصلنه لنص الجامعه جان تكلي
جذب مو ما اندل بس اكو شخص
دزلج هل ورقه..
_گمت جبت الورقه من جنطتي جانت
معفسه لان اني ضغطت عليها..
_انطيتها لهاريكا وگلت.... هاج اقري..
_قرتها وملامحها تحولت لصدمه وكالت... شو هاد
شو بدو لك ليكون بدو يأذي شهم..
جوهره: ماعرف هاريكا ماعرف..
هاريكا: لك يحسب الله ماخلقو اذا بيحاول
يتقرب لشهم طيب هلئ هو اذا بدو شي
ليش مابيحكي معك..
_غمضت عيني بصبر وگلت.... لج لعد ليش
اني متخبله اريد افهمم..
_ضلينه نسولف وحايرين بلموضوع
مر الوقت صار العصر..
_دا امشط شعري سويته كبايه عاليه
ولابسه بنطلون عريض اسود وقميص
قصير ابيض ولابسه وياهن اكسسوارت
ناعمه..
_اخذت جنطتي وطلعت من الغرفه
شفت شهم كاعد يدرس..
+
جوهره: شهومي تريد شي اجيبلك
وياي..
شهم: لا عيوني دير بالج على نفسج..
جوهره: ميخالف تريد شي اتصل..
_هز راسه موافق ب ابتسامه بعدها
رجع يكمل طلعت من الشقه ونزلت
اخذت تكسي ومتوجهه لشغلي..
_بعد طريق قصير وصلت نزلت من
السياره ودخلت للكوزمتك سلمت
على البنات والشباب همين..
_احنه ثنين بنات وثنين ولد اني ورقيه
ومحمد وعلي..
_تقدمت لنور وگلت.. نور تدرين بيه جامعه
صرت ف ياريت تلخصيلي الوقت..
نور: اي يعمري تدللين خلص شغلج يكون بس ثلاث ساعات..
_ابتسمت وگلت... والله ماعرف شكلج وشلون
اردلج افضالج..
نور: حبيبتي مابيناتنه فرق وانتي مو غريبه
وهذا شغلج تستاهلين الاكثر..
جوهره: يعمري..
_رجعت لشغلي ونفس كلمره الاحض محمد
نضراته تخترقني ومن اباوع يدور وجهه بسرعه
ويسوي نفسه ملتهي بفد شي..
_بس هوه خوش ولد هم يدرس مرحله ثالثه
قانون..
_مر وقت وصار وقت الحله طلعنه من الكوزمتك
دا اريد امشي سمعته صاحني باوعتله وكلت... هلا محمد؟
_حجه ب ارتباك وگال.. ء جوهره شنو رايج
نروح بفد مطعم نغير جو؟
جوهره: ماحس الوقت مناسب...
محمد: بلعكس ستوهه ب8..
_رفضت ورجع يلح ماحبيت اكسر بخاطره
لان توسل بيه اكو مطعم فد قريب اتمشيناله
دخلنه واخذنه طاوله....
_گعدنه وهوه طلب اكل باوعتله شفت يباوعلي
ابتسم وگال..... ملامحج ابد مو للعراقيات..
_ضحكت وگلت... لعد المن..
محمد: مادري يعني ملامحج هيج ماعرف
اوصف واضحات رزنات حادات ماعرف ماتنوصفين
من كثر ماحلوه..
_اابتسمت على كلامه نزلت راسي بخجل
اني من كبرت اكثر ملامحي برزت وجسمي
صار يخبل وحته وجهي يعني كلي تغيرت
حيل حلوه صرت..
+
_ضلينه نسولف سوالف عاديه بعدها وصل
الطلب باوعت للي جاب الاكل من گال..
_اختي تفضلي هاي الورقه..
_عگدت حاجبي بتسائل اخذتها منه
باوعت لمحمد مستغرب..
محمد: منو دزها؟
_ماعرف اخي بس انطونياها ويه الاكل..
_فتحتها ودگات گلبي زادت والرجفه
اعتلتني من قريتها(تگومين هسه لوو يصير
شي ميعجبج اذا تأخرتي دقيقه وحده شوفي الي
راح يصيرلج)
_باوعت لمحمد وعلامات التسائل على وجهه
گال... شكو جوهره؟
_رديت بتلعثم... ها لا ماكو شي هاي اختي
واصلتلها ورقه من شغلها..
محمد: اختج ليش مو هيه تاخذها وبعدين
شلون وصلتلج؟
جوهره: مو مساع اتصلت بيه وكلتلي وين
انتي كتلهه على المكان وكالت راح توصلج
ورقه اخذيها..
_رد ب استغراب... بس ماشفت احد اتصل
بيج؟
_ضحكت بتوتر وگلت.. شبيك محمد مساع
من رحت للحمامات..
_هز راسه مامقتنع وماهتميت للورقه
صح خفت بس ماريد ابينله واخلي يتمرد..
_اخ يجراح بس كون اعرف شتريد وليش
هيج دتسوي..
_بدينه ناكل واني ماجذب الخوف محتلني
وخايفه وبس اتلفت باوعلي محمد وگال.. جوهره
اكو شي.
_رديت بتوتر... ها لا ماكو شي..
محمد: احسج مو على بعضج من وصلت
الورقه لسه..
جوهره: لا يابه شكو بس احس الوقت اتاخر
واني مكايله ل اخوي واختي هسه يعصبون
عليه..
محمد: بس مو صغيره انتي..
جوهره: مهما يكون يبقون مسؤلين عليه..
_ابتسم وهز راسه... بعد ماخلصت واني
بسرعه بسرعه اكل بس اريد اخلص
كمت للحمامات غسلت ورجعت للطاوله
شفته ماموجود اكيد راح يغسل...
_مرت دقايق وهوه ماكو الخوف اكلني
بس لاسواله شي؟ عزاا ال عزاني ورطت
الولد وهوه ما اله دخل..
_توترت حيل انتضرت ماكو اخر شي گمت
وسحبت جنطتي دا اريد اشوفه برا بس
استوقفني لمن دخل معصب..
جوهره: مم محمد وين جنت؟
محمد: ماكو شي الباب نسدت عليه شلون
وليش مادري وحسيت راح يصير شي
ضليت اصيح اريدهم يجون ماكو اخر شي
نفتحت الباب...
_مقفوله من برا بس منو قفلها مادري...
_صفنت كلت هسه لو جراح بس مستحيل
بس يقفلها لان بسهوله راح تنفتح اكيد
جان ناوي على شي بس الحمدلله فتحوله
الباب..
_حجيت بتوتر... والله ماعرف حيرتني
خلي نمشي..
_جنت بس اريد ارجع طلعنه من المطعم واخذنه
تكسي گلبي نغزني باوعت لورا شفت سياره
عاليه سوده اكيد سيارته..
_حاولت اركز بلي يسوق لان جان بعيد علينه بشوي
ودنيا ضلمه شوي شوي اتضحلي ملثم ويسوق
بكل تركيز عيونه تريد تاكلني..
_درت وجهي بخوف وباوعت ليكدام متوتره
شفت محمد يباوعلي بلمرايه الي بلسياره
نزلت راسي اعصر ب ايدي وخايفه..
_بعد طريق وصلت للعماره نزلت وابتسملي محمد
رجعتله الابتسامه..
_تحركت السياره بعد ماختفت من انضاري
ردت ادور وجهي وادخل للعماره بس فزيت
من شفت سياره واكفه كلشي مدا اشوف
الجام مالت البيبان مضلله واكيد ديباوع بس ماشوف..
_اما الاماميه ممبينه لان جان صاف يم الحايط
وطالع بس الجهه اليسرا ومضلله كلشي ممبين..
_ارتبكت وضليت واكفه اباوع واقوي نضراتي
والسياره واكفه اريد اشوف شلون ديباوع..
_شجعت نفسي وكلت لازم انهي هل مهزله
ستوي ردت اتحرك اروحله بس استوقفني
صوت شهم من صاح... جوهره..
_باوعتله مرتبكه وهو باوع بعصبيه وگال.. وين
جنتي هاا اتصل عليج ماكو شني؟ الساعه ب10
تدرين لو لا..
جوهره: اسفه صارت ع سريع..
_جان معصب ويحجي بعصبيه.. شنو هوه عل
سريع هاا ووين جنتي گلوبنه طاحت حته رحت
للكوزمتك اسئلهم عليج كلبت الدنيا گلاب..
_عبالك لگيتها حجه وبجيت مسح وجهه
بتنهيد بسرعه سمعنه صوت سياره تطوط
بقوه باوعنه ثنينه شفت سيارته مشغل
الاضويه ويطوط..
شهم: شبي هذا مخبل..
_اكيد اتعمد لان شافني ابجي لو لان شهم
يعيط عليه لو يريد يلفت انتباه ماعرفففف..
_حضني شهم وگال... تعاي يبعد اخوج
مو قصدي بس خفت عليج والله تعاي
ندخل..
_طوطت السياره اكثر من مساع وشخط الگاع
وتحرك بسرعه للحضه حسيته راح يندعم من قوه
اللوفه..
شهم: اقسم هذا الي بلسياره واحد مخبل مو صاحي
ولو العنده هيج سياره مخبل يجوز سكران لو طايش..
جوهره: ماعلينه خل ندخل..
_دخلنه سوا وشفت هاريكا متوتره من شافتني
كامت مفزوعه وحجت بخوف... وينن كنتييي
وينننن وقفتي قلوبنه ويننن..
جوهره: يابه شبيكم اكلتوني ترااا مو زعطوطه
وبعدين زميلي بلشغل عزمني على العشاء ومكدرت
ارفض طلبه لان لح هواي وهو الولد خوش ولد
وانتم تعرفو بعد عليمن...
هاريكا: وان كاننن المفروض تخبرينا ماتخلينا
نقلق عليك وبعدين مين زميلك..؟
جوهره: محمد..
شهم: وبعدين شكو طالعه ويا..
جوهره: يابه شكددددد تلحونننن كافييييي
كتلكم اصر عليه ومكدرت افشله وارفض..
_گلت هيج بعصبيه وعفتهم ودخلت للغرفه
سديت الباب قوي واسمع صوتهم يتجادلون..
_دفنت راسي بلمخده وافكاري كلها متشتته
تعبت يربي تعبت..
_دقايق وكمت قفلت الباب ماريد احد يجي
وفتت سبحت ولبست ثوب مريح للنوم..
_نشفت شعري ومشطته سويته ضفيره ورشيت عطر
وتمددت وسارحه ب افكاري وصافنه بلسكف..
_من بين صفنتي سمعت صوت الباب يندگ
اجاني صوتها وهي تگول.. جوهره افتحي الباب..
جوهره: عوفيني اريد انام..
هاريكا: طيب افتحي الباب لاتقفليها...
جوهره: روحي هاريكا..
+
هاريكا: طيب بس بدي احكي معك..
_نفخت بملل وگمت فتحت القفل ورجعت
للجربايه وهي فتحت الباب ودخلت..
_تقربت مبتسمه وكعدت على اطراف الجربايه
وگالت... ليش زعلتي من عندي انا والله خفت
عليكِ كتير المفروض بتخبرينا..
جوهره: اني هم اسفه عصبت زياده لان جان
مالي خلك ابد..
هاريكا: ليش صاير شي محمد ضايقك بشي
احكي هلئ بنروح نكسرلو راسو..
جوهره: لايابه الولد لطيف مبي شي..
هاركيا: طيب شو في..؟
جوهره: جراح..
_مسحت وجهه بملل وضربت افخاذها بصبر..
هاريكا: لك شو ساوا كمان..
_حجيتلها كلشي من دخلنه للمطعم لمن دخلت
للبيت..
هاريكا: انا مصدومه مثلك مابعرف شو ساوي
ولا بعرف افكر يعني ليش هيك عم بيساوي
اذا كان عندو شي ليش مابيجي ويحكي معك..
جوهره: واني هم هيج اگول لان تعبت هسه
لو شهم ماجاي جان اني رحت وحجيت ويا..
هاريكا: شو بتحسي؟
جوهره: مافهمت..
هاريكا: شو بتحسي لما بتشوفي؟
_ضحكت ب استهزاء وگلت.. ماعرف..
هاريكا: لساتك بتحبي؟
_خنگتني العبره والغصه ب بلعومي وگلت.. ليش
اني نسيته حته بطلت احبه؟
هاريكا: يعني بتحسي فيكم ترجعو لبعض؟
_انتفضت من مكاني وهزيت راسي ب لا وگلت.. مستحيل
مارجع..
هاريكا: بس انتي بتحبي!
_نزلن دموعي وحجيت بغصه.. واموت بي روحي هذا
بس مارجعله مستحيل خليني هيج مرتاحه لا اله ولا لغيره..
هاريكا: بس يمكن كلشي يتغير و..
_رادت تكمل قاطعتهه.. لاتكملين هاريكا خلص اريد
انام..
هاريكا: طيب ياروحي شو بدك تعي لعندي..
جوهره: تمام..
_تقربت باستني وكامت طفت الضوه
وطلعت وسدت الباب..
_غطيت نفسي وضليت صافنه افكر شگد مشتاقتله
شگد مشتاقه لحضنه لسوالفه حته لعصبيته بس
مستحيل افكر ارجعله دفن روحي صح حاولت اطلعه
من گلبي بس اكتشفت مستحيل يطلع گلبي صار ملكه
ماكدر افكر بس مجرد تفكير احب غيره..
_وبنفس الوقت ماريد ارجعله ابدا.... ضليت على هل حال فكره تجيبني وفكره توديني لمن غفيت ونمت....
.
.
.
.
.
.
. 👇🏼
.
.
.
.
.
..
_حسيت عطره يتخلخل بريتي حسيت محاوطني
بحضنه بس ماكدر اسوي شي فتحت عيني بخمول
لمحته محاوطني ولحيته تقشعر خدي وصوته يدخل بسامعي..
+
_جوهرتي..
_ضل يردد كلمات متقطعه بذوبان رجعت سكرت
عيني ماكدر افتحها سديتها ورجعت اسمع كلماته..
_جوهرتي... كسرة عمري... ضياعي... حبي الاليم.. روحي الضايعه... گلبي... ضوى گلبي... ضوى دنيتي.. تعبي... راحتي...
_حسيت بدفو على خدي ويطبع شفايفه بهدوء على خدي
بمرات متقطعه جسمي خدر وعيوني بس اريد افتحهن ماگدر..
.
.
.
.
.
👇🏼
.
.
.
.
_گعدت على صوت هاريكا...
هاريكا: لكككك شووو هلنوممم الثقيللل اصحيييي..
_احس بثگل على عيوني بلكوه افتحهن باوعتلهه
عاگده وجهه وتحجي ب استغراب..
_للككك شو هل نوم الثقيل من ايمتى انتي هيم..
جوهره: ووسم ومرض شبيج اكو احد هيج يگعد
لحضه لج احس بشي ثكيل على عيوني بلكوه
افتحهن..
_گعدت ب استغراب وتذكرت الي حسيت بي
وفتحت عيني بصدمه وگلت... جراح..
+
هاريكا: يهوووووو عليناااا لككك شوووو حلمتي فيي..
_باوعتلهه بصدمه واني أشر على الجربايه وگلت... لالا لج هنااا جان هناااا..
_باوعتلي بملل وگالت.. لك بيكفي انتي واحلامك هاي..
جوهره: معقوله حلم؟
_شميت الفراش وفتحت عيني بصدمه وصحت... لجججج ريحتههههه لج ريحتهههه ونبي..
هاريكا: صارلك ثلاث سنين اربعه وبتعرفي عطرو؟
جوهره: لج والله عطره حته لمساته مناسيتها
والله..
_رجعت شميت ثوبي وشميت ريحته دمعت وگلت...
حته هنا هاريكا والله عطره تعاي شمي شوفي هذا
عطري..؟؟
_تتقربت بملل وشمت الثوب والفراش وبتعدت
مستغربه وكالت.. لا مو عطرك هاي مختلطه بعطرك
غير عطر..
_ممسحت وجهي مستغربه وكلت.. شلون دخل؟
هاريكا: لككك شوفي صدقيني كنتي بتحلمي ويمكن
انتي امبارح رشيتي غير عطر عن عطرم الي بتخلي دايما..
_حجيت بعصبيه.. لججج لاات..
ردت اكمل قاطعتني بعصبيه.. لككك قومي راح بيروح
عليكي الخط يلااا بسرعه غيري ملابسكك يلااااا..
_كالت هيج وطلعت معصبه واني حايره معقوله احلم؟
بس هذا عطره والله العضيم واتذكر جراح ماجان
يخلي بس من هذا النوع من العطر مايحب يغيره..
_ااستغفرت ربي وكمت غسلت وبدلت ع سريع واخذت
غراضي وطلعت تريكت شهم ماكو رايح للدوام وهاريكا
مبدله تريد تطلع للشغل همين..
_تتريكت ع سريع وشفت تلفوني يرن عرفته الخط
اخذت جنطتي بسرعه ودزيت بوسه لهاريكا بلهوى وهي همين..
_نزلت بسرعه وطلعت شفت الخط واكفيلي
صعدت بلسياره..
_ووصلت للجامعه ورحت لقسمي طبعا بده الدوام
وتعرفت على بنت اسمها رواء حيل لطيفه..
_وهيج مشه الوقت وخلص الدوام ورجعت للبيت
ستوي افتح الشقه واسمع صوت ك أنو احد يتقيئ
ركضت للحمام شفت هاريكا وجهه اصفر وتتقيئ روحي طلعت من شفتها ستوي اريد احجي نصدمت من شفت..
_من شفت اختبار حمل على الغساله وطالع بي خطين
فتحت عيني بصدمه وجسمي ارتعش......
يتبعععع....
