الڪاتبه/سـ❣ـہلطانه نـ༈ۖ҉ـؤُر📃💜•
+
______________________
#تبا لهم جميعا.. ها أنا حييت من جديد#
_كعدت ع جره شعري صحت ب الم وفتحت
عيني اشوف شهم لازمني من شعري وعاكف وجهه..
شهم: انتي شني ماتحسين؟؟
جوهره: ولك عوفنيييي هو هيج الواحد
يگعدونه من صباحيات؟؟
شهم: يابه دكيت الباب شكدد ماكو
دخلت نوب اصيح ب اذاناتج ماكو
نوب اجرج من شعرج ماكو شني حيوان؟
_ضربته بخفه ع متنه واني اضحك وكلت... شتريدد
شتريددد..
شهم: جوعان..
جوهره: يخسي الجوع يلا كايمه...
_كرصني من خدودي يضحك ويكول.. شني
انتي جوكليت شني انتي حلقومم..
_هلكت ضحك وكلت... خاب احجي عدل
ليش تحجي عوج؟
شهم: مو اشوف البنات هيج يحجن
عبالك ضاربهن بوري على حلوگهن يحجن
عوج جوووكليتتتتت...
جوهره: ههههههه خرب لسانك امشي..
_كمت لفيت شعري وغسلت وجهي
وهو راح يغسل وبعدها رحت للمطبخ
ستوي اريد اصيح ب اسمه نزيت شفته وراي كاعد
على الكرسي..
جوهره: نززتني عاب شكلك..
شهم: انتي مرعوصه عليمن نززتج..
جوهره: شتريد اسويلك شتاكل؟
شهم: خايبه هسه اكعد اتبطر على النعمه
كلشي خير من الله...
_ابتسمت على تفكيره الحلو وكلت.. ممم اسويلك
بيض عيون لو سلگ؟
شهم: بيض خشم اكو؟
_ضحكت من كل كلبي يمكن اول مره
هيج اضحك بحيث من امس اني بس اضحك
على سوالفه...
جوهره: عود تحشش؟
شهم: خايبه سويلي بيض سنون مدري عيون
خل نشوف شنهي هاي..
جوهره: ياا شني مماكلها؟
شهم: خايبه اني اكل كله خبز وروبه..
+
_سكتت ماريد اذكره ب ايامه الي راحت
ممكن تكون قاسيه..
_كعدت اسوي ريوك وهوه سويتله بيضتين عيون
وجهزت الطاوله هوه يباوع ومخلي ايده جوا خده..
شهم: خاب كرصيني احس روحي بحلم..
_تقدمت كرصته ضرب ايدي عاكف وجهه
وكال بعصبيه.. هاي ليش تكرصينن وصمخخ..
_ضحكت وكلت... هاي عليمن ولك غير
انته كلت كرصيني..
شهم: هو هيج ال يكرص ايدج شثگلها..
_حضنته وكلت.. اسفه شهومي..
_دفعني عاكف وجهه يكلي.. دوخري.
_ضحكت على منضره يمسح بلكرصه
ومعصب..
دخلت هاريكا تكول.. صباح الخير يحلوينن
شوو هل صباح الحلو...
شهم: شوف هاي كضتها شو وشو...
هاريكا: لك فصعون انته ليش
مابيعجبك العجب..
شهم: خايبه سكتي عني..
_غمزتلي وكالت.. شو في ليش مزعوج الحلو؟
جوهره: يختي هوه گال كرصيني احس روحي
بحلم كرصته وطنگر..
_طگتها هاريكا بضحكه عاليه وهو طنگر
بلزايد راد يگوم لزمنا ثنينه وگلت.. هاي
شبيك دنتشاقه وياك حبيبي..
شهم: خايبه شني زعطوط تتشاقين وياي..
جوهره: يعمري وشنو يعني بس الزعاطيط
يتشاقون هاي اني وهاريكا بس نتشاقه دوم
مو هاريكا؟
هاريكا: اي اصلا دايما بنتشاقه يعني ماقصدنا
نزعجك ياحلو..
شهم: خايبه شبيج كضيتيها عليه ياحلو ياحلو
ادري بيه حلو بس مو لهل درجه منبهره بجمالي..
_هلكنه ضحك وهوه همين ضحك وبلشنه
نتريك بعد ماخلصنه كعدنه بلصاله شهم يباوع
بتلفزيون واني وهاريكا بتلفوناتنه..
_بسرعه تذكرت الدوام بعد شهر ويبدي
باوعت لشهم وكلت.. شهومي..
شهم: ها جوجو..
شهم: شنو رايك نسجلك بلمدرسه..
_باوعلي مصدوم وكال.. بربج؟
جوهره: اي والله وهمين اني هم اريد اكمل
دراستي..
هاريكا: لك شو هادد انا كمان بدي بس مابحسن
كمل..
جوهره: ليش؟
هاريكا: حبيبتي مابقدر لازم ادرس سادس خارجي
والشغل راح احتار مابقدر لازم لو دراستي لو شغلي
شغلي كتير مرتاحه في مافيني اتركو..
جوهره: هم صح براحتج حبيبتي اما اني وشهم
راح نرجع نداوم مو؟
شهم: اي واصير ضابطط بويايييي..
جوهره: ضحكت على سوالفه وگلت... بس هسه
انته عمرك مايقبل من البدايه لان مادارس ابد مو؟
شهم: اي..
جوهره: ف راح نقدم الك خارجي سادس ابتدائي
واني اساعدك وابقى وياك..
شهم: الي تشوفينه جوجو..
جوهره: هاي هيه كم يوم نطلع نشتري غراض
للمدرسه وبعدها نقدملك واني همين ارجع اكمل
من ال رابع علمي...
