الڪاتبه/نور الدليمي 📃💜•
+
______________________
# لم يكن هناك برد، أو حتى لفحة هواء، لكني كنتُ أتخيل هذا لفرط شعوري بالوحدة، الوحدة تجمدني؛ تشعرني أني سأموت قريبًا.
مرات احس روحي بحلم مرات
افكر هم هيج اكو ناس مجرمه
بلواقع..
_جنت افكر بس بل افلام جنت
اكول على البنات الي تنخطف او تتعرض
الى اعتداء جنت اكول شكد فاهيات
اني لو بدالهن تهي بهي اجرم بيهم..
_بس طلع بلواقع يختلف ماضنيت بيوم
راح اصير فلم واجرب احساس ال ينخطفن
احس بضعف مابيدي اسوي شي بلبدايه
جنت مستعده حته اخلص منه..
_بس مرور الايام كلما دا اكتشف شي
عنه يخليني اضعف..
_كعدت من النوم العميق اتوقع دنيا عصر
لان اني طبعا معندي ساعه اشوف الوقت
باوعت من الشباج شفته واكف ويه مثل
الشخص الي ذاك اليوم شفته ويا..
_شگد مقرفين الله يلعنكم.... رجعت لورا
واني اخذ تراك وفوطه وملابس داخليه
دخلت للحمام سبحت وبدلت وخليت الوصخ
بعلاگه وشديته وخليته بزبل ونوب غسلت ملابسي
ونشفتهن وشريتهن..
_كعدت مقابيل الميز اتمعن بشكلي هه صايره
حلوه وعندي خدود اي ليش لا اذا اكل ونوم
بس ماريد هل نوع من الراحه...
_مشطت شعري بملل صاير حيل طويل ومالي خلكه
فكرت ب حزن اگصه ضليت ادور مگص
بلمجرات لمن لكيت رفعته بتفكير اني حيل
احب شعري لان طويل وماما همين
رجعت بذاكرتي لماا......
نسرين: تعاي خل امشطلجج ولججج..
جوهره: ماما بس شوي گصي حبابه..
نسرين: ليش تخليني اگوم اگص راسج
تعاييييي فرفحتينيييي...
جوهره: ماااااااا...
نسرين:نعلى على ابوج تعاييييي..
_تقدمت واني زعلانه اريدها تگص شعري
لان يضوجني.... باستني من خدي وكلتلي
بحب وحنيه..
نسرين: لك يحلو ع شنو تزعل تدرين حلاة
البنيه بشعرها..
جوهره: شنو يعني اذا اگصه اطلع جبار....
نسرين: يابعد امج جبار منو هذا..
جوهره: مدري سمعت بنات وياي بلصف
تگول لصديقتها جنج جبار ف اني شنو
فكرته شخص محلو....
نسرين: هههههههه يمه منج ف سمعي
اني ماريد تگصينه لان يخبل..
_وگفت بدلع ورفعت عيوني وكتلهه..
جوهره: اوو يعنيي مثل الاميره ربانزل..
_سحبتني وهي تبوس بيه وتگول..
نسرين: واحلى بعددددد...
_رجعت للواقع واني امسح دموعي
شتاقيتلج ماما شتاقيتلج..
_رفعت المگص مرة الثانيه واني افكر
اگصه لان احسه يجيبلي عقده نفسيه
ويضوجني اسفه ماما..
_غمضت عيني دا اگصه واسمع صوته
الي خلاني اطفر من مكاني فازه..
_شفته فاتح عيونه ورافع ايده يمنعني
عگدت حاجبي ب استغراب واني اباوعله
بقرف صار شگد مشايفته..
_گال بتلعثم..
جراح: ع عوفييي المگصص جوهرهه..
_بهتت ملامحي وباوعتله ب استفزاز
واشرت بحاجبي وقربته لشعري بمعنى
وذا ماعفته..
جراح: لااا عوفيي جوهره عوفيي..
_تقرب رجعت لورا نزلت المكص لوريد ايدي
هو فتح عينه مصدوم..
_صاح بصوت يحاول يسيطر ع نفسه..
جراح: لاااا جوهره عوفي المگصصص
شتردين اسويلج..
_فتحت حلگي واني احجي من بعد فتره
ماحجيت ويا..
جوهره: طبعا راح تگلي عوفي خاف
سليم ميسلمك امانتك مقابل هه مقابل
روحي..
_هز راسه عدة مرات وگال..
جراح: للا لالالا ماسلمج ولا انطيج
غيرت رايي خلص يلا نطيني
المگص..
_ضحكت ب استهزاز وگلت..
جوهره: تريدني اصدگك؟
_عصب حيل وعاط قوي..
جراح: نطينييييي المگصصص گتلججج..
_بحركه سريعه گلت..
جوهره: د اكل خرااا..
_هيج ونبتت المگص بلوريد حسيت
روحي ماعت هو بساع ركض ولزمني
ويحاول يوخر المكص اول ماوخره حسيت
روحي طلعت هو باوعلي متألمه اشدت ملامحه
وضل يعيط..
جراح: شسوييتيييي انتييي شسويتييي
العننننن...
_ابتسمت بخبث واني اباوع للدم الي ينزل
بخوف اغمى عليه............
