الڪاتبه/ نور الدليمي 📃💜•
_________________________
_بعد انكساري منهم وخيبه املي
بعد بشنو اتفائل؟؟ منو يسندني؟
منو يداريني؟؟
_بنيه بعمر15 سنه وحيده فريده
شنو تگدر تسوي وحدها؟؟ القوه مو كلشي
نزلت دموعي من رفضوني ضلم..
_باوعتله بحقد وصاكه على سنوني وگلت بحده..
جوهره: مو ازلمه انتم گواويد ياعار...
_گلت هيج وتفلت عليه ومشيت سريع وماباوعت
لورا ابداا مسحت دموعي وگلت بيني
وبين نفسي انتي قويه جوهره......
_ضليت امشي بين المطنقه وناس تباوع
يعني اكيد تباوع بنيه وبليل طالعه وحدها؟؟
ههه فتحت جنطتي لگيت بيها مصرفي الي
دايما اضمه ماصرفه 50 الف مجمعتهم من زمان
بين هدومي...
_سيارات تروح وترد اشرت ب ايدي وگف
تكسي هيج شاب باوعلي تقدمت من الجامه
وگلت ..
جوهره: السلام عليكم خويه..
السايق: تفضلي عيني..
_صفنت بيني وبين نفسي شدا اسوي
اني؟ وين اريد اروح؟؟ خمسين الف
شيسولي يعيشني بشقه لو شنو حته فندق
ميفيد اذا ابقى يوم ثاني يوم وين اولي؟؟..
_بين صفنتي السايق دگ هورن وگال..
السايق: تصعدين لو شنو؟
_حجيت بتردد..
جوهره: اا اسفه خويه لاماصعد..
السايق: گولي من اول مره معندي شغله
وعمل اني..
جوهره: كتلك اسفه..
_هز ايده وحرك سيارته رجعت ليورا
وضليت امشي بلشوارع وامشي وامشي
واني مادري وين رايحه فتحت جهازي
ساعه ب11 صارت هذا كله مشي فحطت..
_وصلت يم محل اخذتلي بطل مي
وكملت مشي والشوارع بدت تخلى وغير
الناس تباوع اخر شي وصلت يم دربونه
فارغه كعدت بيهه مكدر بعد امشي..
_باوعت منا ومنا اشوف مزرعه حيل جبيره
وبيها بيبان ثنين كبار وحده من اليمين
والثانيه من اليسار والبيبان مقفله..
_باوعت لجهه الثانيه اكو درابين بيها بيوت
بعدت الافكار هاي وبديت افكر شنو لازم اسوي
ميصير ابقى هيج بديت اتثاوب نعست...
_انتجيت على الجنط وغفيت..... نايمه
فززني صوت السياره الي شخطت قريب
من يمي باوعت اشوفها سياره عاليه
وسوده تخبل وگفت يم باب المزرعه..
_نزل منها شخص ماشفت شكله جان
ملثم لابس ملابس كلها سود وضخم وطويل..
_باوع منا منا لمن شافني ضل صافن
شوي نزلت راسي اني رفعت شعري المه
اعدله ثواني رجعت باوعتله يفتح بلقفل
فتحه ودخل للمزرعه...
_جنت حيل مرعوبه من المكان اضلم وقليل اكو
ضوء بس حيل نعسانه وقتت جهازي ساعه خمسه
علمود خاف اكعد متاخره ميشوفوني الناس....
_غفيت وگعدت ع صوت المنبه شفت الدنيا
دتصير نهار عدلت شعري او وگفت انكث
بملابسي درت وجهي واشوف نفس
السياره امس الي اجت هماتين اجت
وجانت مضلله بس الگدام مامضلل
شفته ملثم مبينه بس عيونه كبار
عبالك مكحلات ماشاء الله..
_وكف نفس المكان يم باب المزرعه ونزل
من السياره اول منزل باوعلي واني مرتبكه
شيگول عليه هاي شبيها متسوله ولو بلفعل..
_نزلت راسي وثواني رجعت باوعتله
شفته على نفس وگفته ويباوعلي
بضخامته بحركه سريعه لزمت جنطي
وتحركت من مكاني ضليت امشي
ورجعت باوعت ليورا اشوفه واگف يباوعلي..
_هنا متت خوف ضليت شوي امشي
سريع لمن دخلت بغير شارع اتنفست
ب اريحيه..
_وصلت للسوك وكفت يم محل يبيع لفات
فلافل اشتريت لفه وجاي كعدت اتريك وناس
تباوعلي طبعا شي غريب افتر وب ايدي جنط...
_بعد ماخلصت رجعت افتر باوعت لنفسي
وانتبهت لابسه تراك غميت نفسي بثول
هو صح تراك بس عريض ومستور وشعري
واصل لركب رجلي...
_شسوي هسه لازم اغير ملابسي ماكو حل
غير ادك باب اي بيت واطلب منهم بس
اغير ملابسي...
_مشيت بين البيوت واستوقفت عند باب
وگفت واريد ادگ الباب بس مستحيه ومتردده..
+
_شجعت نفسي ودگيته وماكو دگيت مرة
الثانيه وثالثه يالله طلع منهه رجال شايب
بسرعه گلت بتوتر..
_السلام عليكم..
الحجي: وعليكم السلام تفضلي بنتي..
_نزلت راسي متفشله وحجيت..
جوهره: عموو ب بس اطلب منك طلب..
الحجي: گولي بنيتي..
جوهره: عمو اني صارلي ضرف وخلاني
بلشارع ومعندي مكان بس اريد اغير
ملابسي واطلع..
الحجي: ليش اهلج وين...؟
_جريت نفس وگلت..
جوهره: توفو بحادث وصفيت عند عمامي
وذبوني بلشارع هسه اني عمو بس اريد اغير
ملابسي واروح..
الحجي: تفضلي بويه تفضلي ماضلت رحمه
عند الناس لامن گريب ولامن غريب..
_صاح بصوت عالي..
الحجي: ام عليي وينج ام علييي..
_طلعت مره شوي سمينه وعجوز بس حلوه
وگالت وهيه تلهث..
ام علي: هاها ابو علي خيرر خيرر..
_شافتني وبحركه سريعه وكلها ذهول
گالت بصدمه وهي تضرب على خدها..
ام علي: يااا يمه هاي منهيي هاا ابو علي
بس لامتزوجلك وحده بگد بنتكك هااا
احجييي احجييي...
ابو علي: ولج صدگ تحجين دفوتي فوتي
حضري الحمام للبنيه ولگمه تاكلها دفوتي..
ام علي: ولعباس ابو فاضل مافوتن لمن تگلي
هاي منهي..
_عض شفته بعصبيه وعاط بيهه وهيه بسرعه
فاتت ليجوا وهو ضل يرحب بيه... فوتي بنتي
فوتي..
_دخلني للصاله كعدت على القنفه شوي اجت
ام علي گالت..
ام علي: خل تگوم..
ابو علي: اخذيها روحي بنتي لاتستحين..
_رحت يم ام علي ابتسمتلها وگلت بخفوت..
جوهره: خاله شجاج ال يشوف هيج خلقه
تخبل يگدر يتزوج عليها..
_گلت هيج وهي حطت ايدها على حلگها
مستحيه وضحكت وگالت..
ام علي: لعد منو انتي بنتي..
_عاط ابو علي وگال..
ابو علي: ولج عوفي البنيه واخذيها وتعاي
اني احجيلج...
ام علي: تعاي تعاي يحبيبه..
_اخذتني وصلت يم الحمام فتحت الجنطن
وطلعت سويتر بيجي وبنطلون عريض مالته
همين بيجي هو يجي كامل وملابس داخليه
والمنشفه..
_دخلت للحمام فتحت الدوش وسبحت
بعد ماخلصت بدلت ونشفت شعري واني بلحمام
مشطته رفعته وسويته ضفيره..
_رشيت شوي عطر احسن من مساع جني
وحده متسوله مجدايه..
_خلصت وطلعت ضميت ملابسي الي نزعتهن
ورحت للصاله شفتهم كاعدين شافوني ابتسمو
وگلولي.. تعالي كعدي تعالي..
_تقدمت كعدت على القنفه وگال ابو علي..
ابو علي: نعيما بنيتي..
جوهره: ششكرا عمو..
ابو علي: بنيتي اذا تردين ابقي عدنه احنه
عدنه ولد وهو مو هنا مسافر..
_رديت بتعجب وبفشله..
جوهره: لالاعمو زحمه..
ام علي: يا بنيتي ماكو اي زحمه
قابل نخليج بلشوارع..
: نزلت راسي بحسره ورجعت باوعتلهم
وگلت بجدب..
_لا مو اني اصلا رايحه لعمي الثاني
خوش عم..
: رد ابو علي مامقتنع..
ابو علي: لعد ليش مرحتيله من الاول..
: رديت عليه بلعثمه..
جوهره: مو عمو هو مكانه بعيد واروحله بسياره
ف اني اجيت غيرت ملابسي خو ما اروح بتراكي..
_ضليت اقنع بيهم لمن شوي قتنعو واخذت
جنطي وطلعت وضلو يوصون عليه
والرجال انطاني الكروه بس مقبلت كتله عندي...
_طلعت من يمهم وضليت امشي حايره
وين اروح...
_رجعت نفس مكاني وضليت على هل حال ثلاث ايام
حسيت نفسي عفنت وهذا الي ابو المزرعه الي يجي
ماشفته ابد ما اجه للمزرعه رابع يوم بليل ساعه8..
_وها اما اذا حتاجيت اروح للحمام جان اكو
جامع قريب شوي اروحله اغسل او ادخل حمام
اما عن المكان الي باقيه بي الي گدام هل مزرعه
ماكو ناس تمر من يمه جان المكان في ماكو شمس
واصلا بده الجو يبرد لان الشتاء بده ب اول ايامه..
_ف اي يعني قليل الي يتعدون من هل مكان
بليوم خمس اشخاص اقل لان مكان عادي ومابي
بيوت لو شي....
كاعده نفس المكان بليل ساعه8 باوعت للجهاز ماستخدمه علمود ميخلص شحن ف اقفله ومن اريد اشوف الساعه افتحه وبعدها اقفله بساع والشريحه مطلعتها من الجهاز وضامتها احسن شوي وشفت السياره اجت وكفت باب المزرعه
نزل هو باوعلي بسرعه وفتح القفل جان حيل متسرع
ومستعجل..
_بطني گطعتني من الجوع فلوس خلصن ونص ضاعن
مني وين راحن مادري اعتقد من طلعتهن اريد اشتري
طاحن بلگاع مانتبهت..
: وگفت على حيلي واني الافكار الشيطانيه تطارد
تفكيري مادري شلون اخذتني رجليه للمزرعه
باوعت من الباب شوي جان مفتوح اشوف بيت
صغيرون بسيط حلو بي اضويه ومحد بلمزرعه..
_رجعت خطوات اباوع للسياره اشوف الجام
مفتوح..
_تقدمت يم الجام واشوف فلوس على الكرسي
بلعت ريگي بخوف واني اشوفهن هواي فكرت اذا اخذتهم
ممكن ااجر شقه وابدي اشتغل..
_غمضت عيني بتنهيد وتسرعت لازم اخذهن
محتاجتهن والله ميصير هيج ابقى بلشوارع..
_مديت ايدي بحركه سريعه اخذتهن وطگيتها
ركضه للجنط واخذتهن بساع ومشيت بحركه سريعه التفتت ليورا جان اشوف........
يتبعععع.........
