الڪاتبه/سـ❣ـہلطانه نـ༈ۖ҉ـؤُر📃💜•
صراحه اليوم شوي مزاجي حلو حبيت انزللكم بارت صح مو موعده لكن كتلكم المزاج حلو ونزلت😂😂❤..
تفاعلكم يحلوين🫶🏻❤
_____________________
#يكفي ان تكون بجانبي..#
بدون تفكير باوعتله وگلت اي ارجع جراح ارجع
لان ماگدر بعد روحي بيك اريد ابقى يمك اعوض
شكو ساعه شكو دقيقه عشتها بعيده عنك..
_سحبني لحضنه بعدني باوع لوجهي يبوس
مكان مكان ومامصدك وعبالك من صدك رجعتله
الحياة باوعلي وكال.. ماعوفج بعد ابد ماعوفج..
_ضليت بحضنه واحد يشكي للثاني اكثر واكثر
لمن باوعنه للساعه ب5 مسح خدي وكال.. نعستي بويه..
جوهره: اصحى بس اشوف عيونك..
_مددني ع جربايه وغطاني لزم وجهي وكال.. اروح اني
وانتضريني اخذج..
_ضحكت وكلت.. شهم ماينطيك شوف شلون تقنعه..
_عقج حاجبه بعصبيه وكال... شني ماينطي لاتخليني
ارتكب بي جريمه جوهره..
_جان خازرني ويحجي بعصبيه مثل قبل ضحكت
وكلت... شبيك هسه قابل مجذبه..
_خل يجرب هوه افرغ المسدس براسه..
+
_خزرته ماعاجبني وكلت.. تحلم تشوفني حته..
_عصب حيل وعاط بيه متخبل... ليكوننن حبيتيي اكثر منيييي هاااا جوهرههه اكتلججج اكتلججج..
_احاول الزم ضحكتي واحجي بجديه وكلت.. اي لعد شنو..
_كلت هيج تخبل يشيل روحه ويلبگها ويكول... والله ادفنججج جوهرهه ادفنجججج انتي ويااا لتشوفينييي تساهلت وياجججج..
_سحبته من ايده وخليت ايدي على حلكه وكلت... اشششش اشش بگلبي بس انته محد يكعد بمكانك..
_هدئ وبعده عاگد حاجبه بعصبيه وكال بهدوء.. تحبيني اني لو هاريكا؟ ضحكت وگلت.. انته..
_اني لو صخل شهم..
_گلبت عيوني بملل وكلت.. لاتغلط عليه..
_خزرني وكال.. منوووو تحبيننن..؟
_باوعتله مبتسمه... انته..
_تحبيني اني لو انتي؟
ضحكت حيل وگلت.. احبك اكثر من روحي..
_ضحك وتقرب طبع بوسه على شفايفي حيل ياخذ
نفس وابتعد وكال... اني احاجي شهم يحيلي..
+
_غطاني زين وباس راسي وانتضرني اغفى وبعدها غفيت مادري بشي....
_گعدت على صوت شهم يصيح ب اذني..
شهم: عوووو عووووو...
_ضحكت باوعتله وكلت.. ها جلوبي..
شهم: صباح الخير..
_رديت ب ابتسامه... صباح النور..
شهم: يابه تحولت جلب من وراج شسالفه الساعه
تدرين شگد؟
جوهره: شگد؟
شهم: ب12 ونص..
جوهره: لابربك..
شهم: اي والله..
_وخرت الغطه وكلت.. هاريكا وين..
شهم: لتخافين سوت غده هههه مبينه سهرانه
امس وتاخرتي بلنوم..
_تذكرت وابتسمت وكلت... اي صح ضليت اباوع
مسلسل واخذني الواهس.
شهم: يلا غسلي وتعالي..
_كمت من مكاني منتعشه وبس اتبسم ضربت
نفسي راشدي وكلت. دكافي وصمخ شبيج اول
طيحتج... بعدها ابتسمت وكلت.. ياروحي انته
شكد احبك طبعا صارلي شكد بعيده عنه طبعا اول
طيحتي... دنجبي كافي فوتي غسلي وصحصحي..
_دخلت للحمام غسلت وجهي ورفعت شعري
وطلعت شفتهم كاعدين ابتسمو لما شافوني..
هاريكا: اييي عينييي ناس بتصحى من الصبح
وناس تصحى الضهاري..
ضحكت وكلت... هسه حاسدتني على نومتي..
هاريكا: لاياروحي نوم العوافي..
_المهم اليوم يوسف بدو يجي مع اهلو
وبيتعرفو عليكم..
شهم: اي اهلا وسهلا..
جوهره: اي زين تسوون اكلج الغده صاير لو افوت
اتريك؟
هاريكا: لاحبيبتي صاير هلئ بصب..
جوهره: لالا اكعدي مو خذاج الواهس شفتيني
نايمه وكيفتي تشتغلين..
هاريكا: لك جوهره مابحسن بضل قاعده لك عم ضوج
خليني اعمل شي..
جوهره: خايبه نجبي وكعدي ترا مو بحالج اني ولا
خايفه عليج خايفه على الي بطنج يمههه حبيبييي
مدري حبيبتي..
هاريكا: ترا بزعل..
جوهره: زعلي..
_حجيتها بضحكه وشفتها صدك زعلت دمعت
ورحت اركضلها وشهم هالك ضحك... لج شبيج
اشاقه والله..
هاريكا: لك مابدي الي ب بطني خلاص مابديا
كلكم بتحبو اكثر مني..
جوهره: يححح لج نجبي والله دا اشاقه انتي
الاساس يروحي شنو هو ونحبه اكثر منج بنعال..
+
هاريكا: يعني مابتحبو اكثر مني؟
شهم: يابه محد ياخذ مكانج ادگه بنعال الي
ياخذ مكانج..
_ضحكت وهي تمسح دموعها وكالت.. طيب ماشي..
جوهره: والله مخبله تبجي يلا هرمونات الحمل
عاذرينج..
_ضحكنه ورحت اصب غده صبيت بعدها تغدينه
وخلصنه كعدنه نسولف وبعدها كمت نضفت الصاله وبخرتها وخليتها تلمع باوعت للساعه ب3 مبقه شي
ويجون كلمن راح يبدل اني لبست فستان بسيط
مال عصريات لون بيجي ويكون ستن ورفعت شعري
نفس كلمره ذيل حصان ونزلت خصلات وخليت مكياج
بيجي خفيفففف...
_ولبست اكسسوارات ناعمه بعدها طلعت اشوف
هاريكا شفت شهم بلصاله لابس قميص اسود وبنلطون اسود يمه فدوه رحتله شحلاته..
_غمزتله وكلت... جميل... رجعلي الغمزه وكال.. جميله...
_ضحكنه ورحت دخلت لغرفه هاريكا شفتها كدام
المرايه فدوه طالعه تموت مدرفشه وبطنها تخبل لابسه
فستان وردي فاتح واكمامه شفافه وفاتحه شعرها
ومخليه فيونكه وردي ومكياج وردي فاتح واكسسورات ناعمه حيل حلوه يربي..
_تقدمت وكلت... يمه شهل جمال لانوب هذا يوسف مايتحمل ويكوملج..
_ضربتني بخفه وكالت... لك فصعونه عيبببب..
_شوف هاي عيب واني اعرف اكثر منها باوعتلها
وكلت.... تخبلينننننن..
هاريكا: انتي كمان طالعه كتير حلوه كتير..
_ضلينه نسولف بعدها سمعنه صوت الجرس
اني وهاريكا واكفين وشهم راح يفتح الباب
وسمعنه الاصوات صوت شباب اكثر من واحد
ونسوان...
_شجعت نفسي علمود اطلع اني مستحيه مدري شبيه اكثر منها المهم فتحت الباب وطلعت ونصدمت لما شفت جراح كاعد من شافني ابتسم واني واكفه على اثر صدمتي والصدمه الثانيه الي دهشتني من الي قبلها يوسففففف صديققق جراححح..
_گح شهم وكال... احمم جوهره سلمي شبيج..
_فزيت على صوته وتقدمت ب ابتسامه متوتره
سلمت على النسوان ثنين بنات اخواته شابات والام وجراح ويوسف او ولد شاب اخو يوسف...
_سلمت على الكل وكعدت مقابيلهم يم شهم لزك
اباوع لجراح عيونه راح يطلعن من مكانهن وكلساع يمسح وجهه بصبر..
ام يوسف: ااي عيني وين عروستنه.
_ابتسمت وكلت... ياعروسه بطنها واصله لحلكها... كلت هيج وضحكت بصوت عالي وشفتهم صافنين وجراح صافن مندهش شهم خزرني وكلت بتوتر.... اييي راح اصيحها متوتره هيه مستحيه يعني..
_كمت مرتبكه وصحتها واخذتها طلعنه سلمن عليها
وماتن عليها حيل حبابات جانن..
_ويوسف نضراته اخترقنها وجراح بس يباوعلي
وشهم وده يكوم ياكله بسنونه وذاك جراح من
يشوف شهم يطخني لو شي يمسح وجهه يصبر نفسه..
_انتهى حديثنه باتفاق على يوم العرس طلعو لكن
بس جراح بقى وشهم عاگد حاجبه سد الباب وكال.. اي خويه عندك شي يعني مادري بقيت؟
_جراح كعد وكال.. اي تفضل خلي نحجي..
_اشر شهم بمعنى دخلن للبيت..
جراح رفع ايده وكال.. لالا خليهن حته يسمعن..
_شهم ماعجبه كعد واحنه كعدنه هاريكا تندسني بمعنى شكو همستلها وكلت.... هذا جراح..
_هي نصدمت وضلت مصدومه كال جراح..
_طبعا ماعرف اذا تعرفني بس اني جراح..
_انتفض من مكانه شهم وكال.. طليقق جوهره؟؟؟؟
_لالا عزيزي زوجها..
شهم_نعم؟ الي اعرفه مطلقها.
_اي صح اني هيج كتلها بس اني ماطلقتها
طلقتها طلاق مؤقت يعني ماطلقتها...
_حجه شهم بجديه... اي وشتريد؟ جاي من بعد كم
سنه شتريد حضرتك..
جراح: اريد زوجتي...
_تقدم شهم يريد يلزمه صرت بنص وجراح وكف
معصب وكال شهم... تحلم..
_تقدم جرام بعصبيه وفاير يصيح... لكك انت منووو
تمنعنيييي...
شهم: انيييي اخوهاااا سندهاااا اني اليي ماعفتهااا
اني الي احتويتهاااا مو الي عافها بلشوارعع..
_گال هيج وجراح دفعني وتقدم ضرب شهم بوكس
شهم بسرعه رجعه اله ولايكول هو اصغر منه..
_ضليت اصرخ وابجي وهم ولا جنهم واحد يضرب الثاني اقوى شهم ضرب جراح كله خله دم يسيل من خشمه كام جراح ضربه نفس شي وهذا هم دم يتطافر منه كمت الطم وهاريكا تبجي متكدر تسوي شي بس تدنه يلوحها طشار...
_صيحت صيحه حسيت حبال صوتي تگطعنن... جراحححح..
_باوعولي ثنينهم واني مفرفحه كمت ادفع بيهم ثنينهم واصيحح... شتردونننننن تموتونييييي تموتونييي تردونننن كافييييي تعبتتتتت مليتتتتت..
_احجي والطم تقدم جراح يريد يلزم ايدي شهم دفعه ويريد يلزمني وذاك يدفعه هاريكا تقدمت تزمخ بيهم وحضنتني وكالت بصراخ.... لكك شوو فيكممم مثل الصغار وقفتو قلبهاااا حرام عليكمم...
_حسيت الدنيا بدت تغوش بعيني وبعدها ماحسيت بشي....
_فتحت عيني على كيف شفت بلمستشفى وشاديلي المغذي واشوفهم كاعدين بس شافوني
كامو بسرعه جراح لازم ايدي ويحجي بخوف... يبعد حيلي جوهرتي زينه انته زينه..
_هاريكا تقدمت وكالت... جراح ممكن تبعد الله يخليك..
_خزرها وابتعد وهو يدردم ويكول... مرتي مرتي هاي مرتيي..
_تقدم شهم ضايج حيل وكال.. اسف حبيبتي ماقصدي..
_باوعت لجراح شاد على قبضة ايده وخازر شهم بس شهم ماباوعله وكمل كلامه يباوعلي... ماقصدي ازعلج واضوجج كلشي تردينه يجرالج نرجع للبيت ونتفاهم تمام..
_هزيت راسي ب اي وبعدها كتبولي ورقه خروج
وطلعنه شهم لازمني وهاريكا من الناحيه الثانيه وجراح شايط وده ياكل شهم شرايين رگبته وكصته بارزه واضح حيل معصب...
_صعدنه بسيارته وبعدها وصلنه للعماره نزلنه راد ينزل وكال شهم... مايحتاج الله وياك..
_باوعتله وسويتله حركه بمعنى ميخالف..
_صدره ينزل ويصعد بغضب هز راسه بوعيد وشخط سيارته وراح..
_دخلنه للشقه كعدنه بلصاله باوعت لشهم وكلت.. ما المفروض تتصرف هيج..
شهم: وان كان مو بكيفه يعوفج ويرجعج مو على مزاجه احنه...
هاريكا: ياعيني لازم بلتفاهم..
شهم: هو هذا يتفاهم جنه ثور..
_خزرته وكلت.. شهممم..
شهم: ها عيني ليكون ماعاجبج اي حقج هو زوجج واني بس فد واحد من شوارع لميتي وربيتي..
_كال هيج ونزلت دمعته تقدمت يمه مفرفحه على كلامه وضربته على صدره وكلت... انت ليش حقير ليششش اني هيججج كلتتتت اني هيجج كلتتت يبعد اختك شعندي غيركك خلص ماتريدني ارجعله مارجع والله باوعلي..
مسح دموعه وباوعلي وكال.. اسف..
_حضنته وكلت... شتريد يصير خلص..
_شهم: انتي تردينه؟ سمعي جوهره اني افرحلج والله وبس تكولين اي اريده هاي هيه يصيرلج كلشي تردي وبس اذا تكولين لا معناها لا وفنه يوصلج..
نزلت راسي وكلت.. اي اريده..
_باس راسي وكال.. هاي هيه يبعد اخوج يصير خير
اني راسي ح ينفجر ح افوت اسبح وانام..
هاريكا: تعالي بدي عقم الك الجروح..
شهم: لا مايحتاج بسيطات..
_ماقبلت عقمتهن اله ولزكتهن وبعدها عفنا يرتاح ودخلنه للغرف سبحت وبدلت وتمددت ميته تعب..
_كعدت ثاني يوم شبعانه نوم كمت غسلت وبدلت وطلعت من الغرفه هاريكا تحضر بلريوك وشهم كاعد..
+
_صبحت عليهم وتريكنه بعد ماخلصنه كعدنه
طلعت رقم نور واتصلت عليها علمود الشغل
صار كم يوم ماخذه أجازه..
_اتفقت وياها العصر ارجع مر الوقت تغدينه
بعدها كعدنه نباوع فلم وبعدها تمددت ارتاح
شوي صارت الساعه ب3 كمت بدلت لبست
سوت لون بيجي فاح وسويت شعري كبايه ناصيه
وخليت مسكاره وحمره واخذت جنطتي وموبايلي..
_طلعت ونزلت اخذت تكسي وصلت للكوزمتك
سلمت ودخلت وبدء الشغل..
_اثناء الشغل باوعت لمحمد يباوعلي وهلمره
مادار وجهه نفس كلمره ضل مركز بوجهي
وحسيته يريد يجي يحجي..
_درت وجهي وشوي وحسيته يمي باوعت شفته
ابتسم وكال.. احم جوهره بس عندي كلام وياج..
جوهره: اي تفضل..
محمد: ماعرف يعني لو تخلينها ورا الشغل
نروح بفد مكان ونحجي؟
جوهره: لاعادي احجي هنا...
_مسح وجهه متوتر وكال.. شوفي جوهره اقسم
بالله ماعندي نيه زفره اتجاهج رايدج بلحلال وبس
كولي اي من باجر اجيب اهلي واجي والله العضيم
من يوم الي اشتغلتي بي اني گلبي هاويج وعيوني
ماترضى تشوف غيرج وحيل احبج جوهره اتمنى
بس جيتج حته اكحل عيني بشوفتج انتي بس كولي
اي والله باجر اجيب اهلي واوعدج اصونج وشتردين اني حاضر شتردين بس اشري ويتنفذ والله شاهد عليه..
+
_اول ماحجه كلامه اخزر اريده يسكت بس مكمل
بكل لهفه ارتعش جسمي لمن كمل واشوف جراح
ورا عروگ گصته بارزه وعيونه حمر واحس شرايين
ركبته راح تطگ..
_بحركه سريعه فرا وجابه ب بوكس صيحت جراححححح....
يتبعععع....
