الڪاتبه/نور الدليمي 📃💜•
______________________
#- لم يخلق أمثالي لحياة الراحة و السعادة بل لكي يعانوا في هذه الحياة ما وسعهم أن يعانوا.
_ثقتي بلناس كلها ضاعت جربت
بعائلتي فقدتها جربت بگرايبي فقدتها
جربت بلغريب فقدتها.
_ماكو داعي اسلم نفسي لشخص واثق
ماكو داعي ل اي شخص اشوفه اندمج
ويا الناس تبين بلمواقف..
_مثل ما اتضحلي الان..... مددت بغرفة
شهد..
_ماشوف غير الباب نربد دخل معصب
وجهه مقتحن لكن ماهتزت ولاشعرايه
مني باوعتله ب برود وصيح بصوت عالي...
جراح: شحاجيههه ويه اميييي؟ هااا؟
_شهد وگفت گدامه تهدي بس هو ضل
يعيط ويغلطط راد يتقدم لكن سرعان
ماسمعت صوت جديد..
_شبيك تنبح؟
_الكل دار وجهه لباب رجال شايب
بس مو ذاك الكبر زين وجهه محتقن
باوعله جراح رخه نفسه وگال ب استهزاء..
جراح: ها اجيت واجت دوختك..
ضحك الرجال وگال... ارعن وتبقى ارعن..
_باوعلي مستغرب وگال.. منو هلبنيه..
_تقدمت شهد بتلعثم باوسته وگالت..
شهد: اهلا وسهلا بابا مشتاقتلك هاي
زوجة جراح..
_عزا هذا ابو جراح لعد شهل اسلوب
الي بيناتهم؟ حضنها وباوعلي فاتح
ايده يريد اگوم اسلم عليه..
_خجلت حيل وكلتله شهد... بابا
متگدر تگوم..
_شبيها مگرمه؟
جراح: شعليك انته؟
_باوعتله ابتسمت بتعب وگلت...
جوهره: اهلا وسهلا عمو لا مامگرمه
بس ابنك المخبل كسرني عنده خلل بعقله..
_باوعت لجراح وجهه يجدح نار باوعلي
الرجال..
_افااا والله ماتستاهلين هذا الارعن المن
تزوجتي مخبل هذا..
_ماشوف غير جراح تقدملي وشالني
وطلع من الغرفه بساع ضربته بمتنه
واني خازرته..
_جوهره: نزلني جراح رجعنيييي
رجعنيي احجي ويامن اني..
_تجاهلني ودخل لغرفتنه ذباني ع جربايه
بنتر غمضت بوجع باوعتله خازرني الله ياخذك..
_طلع وسد الباب ماكو شي اسوي غير النوم..
_بس ليش هيج يعامل ابو لعد شگد قذر..
_هيج واستسلمت للنوم...
_من بعد مده جراح ميخليني انزل ابد
باقيه بغرفتي الاكل يصعدو الي وبديت اتحسن..
_اما شهد تجي تسولف وتضحك وياي
ومره سمعت عمو قتيبه ابو جراح يضحك
ويسولف ويه بناته عكس ويانه يخوزرن..
+
_اما اخته المتزوجه ماتجي بلسنه حسنه
ماعرف ليش وهوه ساعه عصبي ساعه هادئ..
_اما عني تعبانه واريد اخلص من هل حياة
الي ماعرف شنو..
_گمت غسلت من بعد ماخلصت عشه
وتوضيت وفرشت سجادتي وصليت..
_خلصت گمت لبست فستان بسيط
لون وردي فاتح وبي ورد ناعم ابيض..
_لميت شعري كبايه وخليت شوي مرطب
وعطر..
_من بعد مده اول مره انزل اول مادخلت للصاله
رحبو بيه وعمتي من زمان مشايفتهه حيل
تعبانه وجهه شاحب من شافتني ابتسمت
بس تجاهلتها..
قتيبه: اهلا بنتي عاش من شافج
تعاي تعاي يمي هذا جراح اكيد مخبلج..
_ابتسمتله وكعدت يمه لميس ورويدا
ضلن يخوزرن باوعت يمين يسار وباوعت لعمي..
جوهره: صدگ هو وينه؟
_قبل ليجاوب جاوبت رويدا بحده..
رويدا: وين اكو مره متعرف وين رجلها..
_كملت ذيج بشر..
لميس: بس التايهات..
_خزرهن عمو قتيبه وهنه معاجبهن..
_هيج ودخل جراح لابس برموده وفانيله
تعلاگه وبيهه كبوس اعتقد جان يلعب رياضه
لعد منيله هل جسم..
_شافني استغرب تقدم بهدوء وگال
بصوته الخشن..... شنزلج؟
_باوعتله ب برود وگلت... شنو استأذن منك؟
_عمو رد ب استهزاء.... اي والله شنو تستأذن منك؟
_حد فجه وگال من بين اسنانه ب امر... اصعدي لفوگ..
_هزيت راسي بعناد وتقربت اكثر لعمو
باوعتله فتح عينه بعصبيه واشر وگال
ب امر.... گتلج لفوگ..
خمائل: يمه عوفهه صارلنه شگد مشايفينهه
شسالفه..
جراح: سكتي يمه جوهره گدامي ليفوگ..
قتيبه: شجلبت ابن القندره عوفها ولي منا..
جراح: صح هو انت قندره... باوعلي خازرني
وك انو اذا ماگمت راح تصير القيامه گال
بحده..... جوهرهههه...
_بلعت ريگي وگمت بهدوء ابتسمتلهم
وترخصت گال عمو بلطف.... معليج بي
بنيتي مخبل..
جراح: اكل خرا.... وباوعلي خازرني وگال... گدامي يلا...
_صعدت بضوجه ودخلت للغرفه فتحت
السبلت وشفته دخل باوعتله بملل..
جوهره: جراح مو كافي مللتني ونبي محمد..
_تقربلي وحاد اسنانه لزمني من متني
وعاگد حاجبه بغضب وگال... انتي تعبتيني
تدرينن..
_باوعتله بحقد وگلت.... تعبتك؟ طلكني
وكلمن يروح بحال سبيله ليش مدا تفهم انت؟
_غمض عينه بصبر وگال... ليش كلساع تعيدين
هل سالفه وانتي تدرين بيها مستحيله؟؟
جوهره: ماكو شي مستحيل صدگني يجي
يوم واخلص منك..
_رخه نضراته وگال... تخلصين مني؟؟
جوهره: اي انشاء الله....
_باوعلي بنضره ماعرفت افسرها
ترك ايدي وراح يريد يدخل للحمام يسبح ردت
اطلع من الغرفه استوقفني صوته...
جراح: وين؟
_باوعتله وگلت.... اشوف شهد..
هز راسه موافق وگال... لاتتاخرين ولاتنزلين..
_جاوبته.. اي..
_طلعت من الغرفه ورحت لغرفه شهد
دگيت الباب لمن نفتحت شافتني
ابتسمت..... هلااا جوهره تعالي فوتي. .
بتسمتلهه ودخلت للغرفه كعدت ع جربايه
وشفت الكتب ع كبر الغرفه خطيه هلكانه..
_اجت كعدت يمي وگالت... ح اموت ولج
تعبت يمته اخلص...
جوهره: يلا هانت مبقى شي شلونج انتي
الامتحانات شلونها؟
شهد: لازينه بس جوهره طاقتي احسها
تنفذ تعبت كلش بلرغم محد مقصر وياي
جراح بين ساعه وساعه يجيني يشوفني
يجيبلي اكل عصاير..
_تجاهلت موضوعه وسكتت..
گالت بصوت متلعثم... ء جوهره..
باوعتلهه وگلت.. گوليي..
شهد: اسئلج بدون متضوجين..
جوهره: سئلي حبي سئلي هيه خربانه
من زمان..
_ضحكنه ثنينه ورجعت سكتت
گالت... شلون خطفج جراح؟
_رجعت بذاكرتي لكل موقف صار
باوعتلهه بحسره وبديت اسولفلها
من اول ما ماتت امي بس هذا اتذكره
ماذكر شي من قبل موتها...
_بعد ماخلصت شفت دموعها على حياتي
البشعه وگالت برجفه... ماتوقعت هذا كله
صاير بيج شلون تحملتي...
: ضحكت بحزن وگلت... شسوي ماكو اي
طريقه ارجع حره طليقه..
شهد: شورطج متگليلي شورطج زين
عمامج ماشفتيهم بعد؟
جوهره: لا وين ولا اريد شوفتهم الله
ياخذ حقي منهم كلهم حته جراح والي ساند
جراح...
_نزلت راسها فشلانه مني مسحت دموعها
وگال بترجي... جوهره ادري الصارلج مو قليل
بس ليش متصلحين علاقتكم وتكملين حياتج...
_رديت بعدم اقتناع... لو شيصير ماعيش ويه
اخوج وبلنهايه اتخلص منه...
_طبطبت على متنها وابتسمت وگلت.. انتي
احسن وحده بهل بيت وهمين عمو ههههه..
_تذكرت تصرفات جراح ويه عمو وهمين شنو
الامانه الي جراح كاتل روحه هوه وامه وشنو
الاسم الي بضهره خلا يتخبل بس شفتهه البنيه
مشغوله بدراستهه وگلت يلا حبيبتي كملي وذا.
تردين شي تعالي الي تمام..
شهد: اي يروحي انشاء الله...
_سحبت نفسي بهدوء وطلعت من الغرفه
باوعت للغرفتين الي يمنه محد يفتحهن
تقدمت اريد استكشف فززني صوته... يلا تعالي..
_باوعتله بملل واني كارهه كلشي يخصه...
رحت للغرفه ومددت احس صارت بيه عقده نفسيه
من گد ماگاعده بلغرفه..
_دخل هوا بدون ماباوعله طفا الاضويه وخله
مي ع الميز مقابيلي بس ماشلت نضري اله
ضليت صافنه ومنطيته ضهري..
_حسيت بي تمدد شوي ماحس غير
حضني من ضهري جلده تلامس جلدي..
جوهره: وخر جراح...
_رد بصوت خافت... اشش..
حضني اقوا واحسه ميريد يعوفني
يستنشق بعطري وبشعري حسيت نفسي
دخلت بخمول..
_حاولت افكه مگدرت متمسك بيه قوي
استسلمت وضليت صافنه بلحايط...
_احسه گاعد بس ماريد ادور وجهي اله
غمضت عيني ونمت...
_گعدت شفت نفسي نايمه على ايده وايده
الثانيه حاضني بيهه باوعتله نايم مثل الطفل
ملامحه بريئه من هوه ونايم...
_حجيت بصوت ناصي.... ليتك بريئ بكل وقت
ليتك ماتكون قاسي احس صار شي بيه احس
جزء مني تعود عليك بس الجزء الاكبر نافرك
ويكرهك اما البسيط اگدر ادوس عليه واخلص منك..
