الڪاتبه/نور الدليمي 📃💜•
_________________________
# نعلم أن الحياة تتكون من المعاناة و أننا كلما جهدنا أكثر في محاولة الإستمتاع بها ستزداد عبوديتنا لها و لذا ينبغي علينا نبذ متع الحياة و الركون إلى التقشف.
مو ضروري يكون غباء مني لمن دخلت
حمامات رجاليه بس لاتضحكون عليه
لان مداخله مطعم بس مره مرتضى اخذنه
وعمري10 سنوات وهمين مو مثل هل مطعم
فخم ذاك عادي واني دخلت ويه البنات...
_عجيب هسه لو رافعه عيني للباب وشفت
وين النسائيه بس والله جنت مستحيه
من تراكي ومنزله راسي...
_بعد ماسحلني واحد من الشباب وركعته
راشدي لطشني بلحايط..
_ماشوف غير جراح دخل ملهوف وعلامات
الغضب ترست وجهه من شاف المنضر......
_بساع لزم الي لازمني وعاط بيه اطلع
اني بساع ركضت لبرا واشوف گبت العيطه
واهل المطعم توجهو للحمامات واني ركضت لبرا..
_وكفت يم السياره افرك ب ايدي وخايفه
تذكرت لمن دخل شكله حيل يخوف وهو
عصبي يخلي القوي يضعف..
_يمكن نص ساعه واشوف جراح طلع
من المطعم شاد عليه ايده وعلامات الغضب
واضحه على وجهه فتح السياره بلسويج
بساع فتحت الباب وصعدت..
_هو صعد وحرك السياره قوي ولاف
نلطخت ب باب السياره واني اباوعله
متوتره ومستغربه شبي هذا گبر هو هيج
ال يسوق...
_يمشي سريععع وعبالك بس هو بلسياره
نرفزني كلش نروح نندعم هسه خلي يندعم
هوه بس مو اني ويا حجيت بهدوء...
جوهره: سوق على كيف..
_ماهتملي ولا باوع ومركز بلطريق ويسوق
سريع حيل خوفني گلت..
جوهره: جراح كتلك سوق على كيف
راح نندعم..
_نفس الحاله ماهتملي لزمت بلكشن قوي
من الخوف وصيحت..
جوهره: جراحححح كتلك سوققق على
كيفففف....
_ليتني مكلت هيج سفط السياره بقوه يم الرصيف
وباوعلي خازرني حسيته يريد ياكلني وگال بعصبيه..
جراح: شتردييننن حضرة جنابجج فوگ سوايتج الفاگسه
وعنادججج الي مامنه فايده شتردينننن تراااا
والله يجوهره...
_گال هيج ومسح وجهه ورجع يكمل وهو رافع
اصبعه بوجهي..
_خليج ساكته احسن..
_رديت عليه بعدم اقتناع..
جوهره: انته ترااا بزعتني خليج ساكته
خليج كاعده تراااا مو خدامه عندك ابن
المطييي مو خدامهه عوفنييي خلصنييي
منكككك..
_ضرب على الستيرن ورجع باوعلي وهو
يعيط بيه..
جراح: ترااااا ماميتتتت عليججج بس
ورطهه وتورطتت بيجججج جاي
تفتهميننن..
_حجاها بتقطع..
جراح: ت و ر ط ت بيييججج فهمتتيي
ولازم ابلع ورطتي الفاگسه هاي...
_صرت ابجي لا اراديا وهوه حرك السياره
واني على نفس حالي ابجي واباوع من الجامه..
_بللت شفايفي بحيره وباوعت للطريق
وگلت..
جوهره: متى نروح ل اهلك؟
جراح: شوكت تردين انتي؟
_ضليت افكر بقهر والله اله ادمرك
انته وياهم صح همه مالهم شغل
بس اخليك تبلع غلطتك شلون تلعب
على ناس ماتعرفهم وتورط بنيه وياك..
_كتله ب اقتناع..
جوهره: باجر لان اريد اليوم اشتري غراض
طلعني..
جراح: ماشي..
_من بعد طريق وصلنه مزرعه تشبه ذيج
بس هاي بغير مكان نزلنه من سياره وفتح
الباب وشفت البيت والمخزن اندل الطريق
بساع رحت للبيت دخلت ورحت للغرفه..
_ذبيت نفسي ع جربايه ودفنت راسي بلمخده
وشوي وسمعت صوته وهو يگول..
جراح: الساعه ب8 ونص هسه تردين نروح؟
_وخرت راسي من المخده وباوعتله وگلت..
جوهره: بس خل ابدل..
_هز راسه موافق راد يطلع وگتله..
جوهره: ءء شگد ممكن اكدر اشتري؟
جراح: شكد متردين..
جوهره: يعني نطيني مبلغ معين..؟
جراح: كتلج شكد متردين..
_رفعت عيوني بتفكير وباوعتله
رفعت حاجبي وكلت..
جوهره: حته لو المحل كله؟؟
_ضحك ضحكه صامته بس الابتسامه
نرسمت على وجهه وگال..
جراح: حته لو المحلات كلها..
_ضليت مصدومه وكتله..
جوهره: لعد خوش..
_دار وجهه وطلع واني كمت بساع طلعت
بنطلون عريض اسود وقميص احمر قصير
مفتوح من الصدر على شكل دائره وطلعت
ملابس داخليه ودخلت اسبح..
_بعد ماخلصت بدلت ونوب مشطت ورفعت
شعري خليته عالي وعفته ذيل حصان
هيج نسمي ههههه نوب نزلت خصلات من كدام
وبعدها خليت مسكاره ومرطب على شفتي..
_رشيت عطر وطلعت من الغرفه نزلت للصاله
شفته كاعد ولازم تلفونه حس عليه باوعلي
ثواني ضل مركز وبعدها حس على نفسه وگال..
جراح: نروح؟
جوهره: اي لعد شتشوف..
_هزر راسه موافق وطلع ومشيت ورا وصلنه
لباب البيت وگال بتردد..
جراح: بصفتج زوجتي ماعجبني لبسج..
_ضحكت ب استهزاء وگلت..
جوهره: ليكون عايش الدور..
جراح: ماعايشه بس مادام انتي زوجتي
ومن ممتلاكتي ف الي حق اتدخل بيج..
جوهره: اهااا خلي يكون بعلمك هذا
لبسي وهذا شكلي عجبك عجبك ماعجبك
شوف اي حايط وارگع راسك بي..
_گلت هيج خليته واگف ومشيت كدامه
اطلع من المزرعه حسيت خطواته وراي
لمن نسحبت ايدي وصار كدامي وگال..
جراح: مايهمني شنو لبسج ال يهم شنو
ال يعجبني..
جوهره: وگتلك هذا لبسي تگدر تطلگني
وكلمن يروح بحال سبيله ولا راح احجي
شي عنك ولاشي..
جراح: هيته هيه قابل..
جوهره: وخر ايدك خل نمشي..
_تجاهلني وضل لازم ايدي ومركز بوجهي
توترت من نضراته وجانت ضلمه قليل ضوه
بلمزرعه بلعت ريگي وكتله..
جوهره: جراح وخر خل نمشي مافارغتلك..
_وخر ايده بهدوء ومشه كدامي رتبت ملابسي
ومشيت ورا فتح السياره صعدت بلصدر وهو
كذالك دار من ذيج الجهه وصعد....
_حرك السياره طول الطريق لاهوه يحجي
ولا اني احسن خفتا وراحه بعد ماوصلنه
للمول نزلنه جان اكو ناس هواي..
_دحلنه للمول دخلت ملابس نسائيه وهو ضل واكف يم
الباب ستوي ردت ادخل وصاحني..
_رحتله هزيتله راسي بمعنى شكو مد ايده
لجيبه وطلع كارت وكال من تخلصين مشترى
دفعي بلكارت..
+
_هزيت حواجبي وگلت..
جوهره: اوي مثل الافلام اني مشايفه
وحده مخطوفه مدلله ولو غصبا عليك..
_باوعلي بخفوت وگال..
جراح: اصححلج مو مخطوفه قصدج
زوجتي..
_غميته ودرت وجهي ورحت عشتو
اشتريت ملابس هوايييي بعد ماخلصت
طلعتله ايدي مليانه مديتها حته يشيل عني..
_اخذهن مني وگال بعد وين..
جوهره: امم يعني ك عروس رايحه لعيالها
اكيد بعد غراض تحتاج اريد للكوزمتك اني
اعرف واحد غراضه كلششش راقيه..
جراح: تمام بويه..
_ممشيت اني وصلنه للكوزمتك هم
دخلت وهو ضل واكف اشتريت انواع
الحمر انواع المكياج هم بعد ماخلص
طلعت مديتله ايدي حته يشيل عني
والله هوه ايده مليانه بس عادي هو ضخم
وكل ايد بكبر وجهي..
_حاول يخفي ضحكته واخذهن مني
كتله..
جوهره: بعد ل ابو الاحذيه والجنط..
_هز راسه بمعنى اي ومشينه وهم شتريت
بس مانطيته لان ايده مليانه بس هو گال.
جراح: جيبيهن..
_باوعتله واني احاول اوصله انو ايدك
مليانه..
:بنفس اللحضه اشوف نفس الشخص
الي كم مره شفته واگف ويا..
_باوعله جراح لمن وصلت ابتسمله
وطبطب على كتفه وگال..
جراح: اخذ مني اخذ ابتليت..
_رفعت حاجبي وكتله..
+
جوهره: نعم نعم شنو...
جراح: لامو وياج..
جوهره: عبالي..
جراح: دهاك اخذ يوسف وديهن للسياره..
_ضحك هذا الي اسمه يوسف وگال وهو يغمز
لجراح..
يوسف: ول ول وين كلامك گبل ماكو وحده
تگدر تسيطر عليه...
_جراح: امشي ولكك..
_ضحك وراح واني مكمله مسيرتي
اشتريت كلشي بعد ماخلصت ركبنه
السياره ويوسف خله الغراض بلسياره
بعد ماسد الباب مد راسه من الجامه وگال
بغمزه..
يوسف: تتهنون عرسانه..
_جاوب جراح بمللل..
جراح: شلون يريدني انزله...
_كال هيج بخزره وحرك السياره بعد طويل
وصلنه للمزرعه نزلنه من السياره ودخلنه
للبيت صعدت للغرفه وبيدي علاليگ وهو اجه
وراي لازم العلاليگ البقيه...
_خلاهن على الگاع وگال..
جراح: هسه شوي واجيب جنط كبار
علمود تخلين غراضج بيهن..
جوهره: ويمته نروح ل بيت اهلك؟
جراح: باجر من الصبح..
_هزيت راسي موافقه ودار وجهه وطلع
ضليت افكر اذا اهله مثله وناس مايرحمون
لازم ماخليهم يستغلوني واخليهم يشوفوني
جوهره القويه الي ماتهزها ريشه...
_اتذكرت شتريت طقم لون ابيض
ويا هاينگ اسود البسه جوا الستره
و كعب اسود اطلع فد شي وشتريته
خصيصا اروح بي ل اهل جراح..
_طلعت الطقم احضره حته باجر البسه
والكعب وعطر والمكياج الي استخدمه
لباجر..
_خليتهن على صفحه شوي ودخل جراح
ب ايده ثلاث جنط..
جراح: شوفيهم يكفون؟
جوهره: اي يكفون..
_هز راسه وطلع بديت اخلي الغراض
بلجنط وانترسن ههههه بعدها رحت
لجنطتي القديمه هم اخذها مستحيل
اذبها..
_غيرت ملابسي وغيرت اللفاف مال ايدي
وبعدها نمت لان تعبانه...
_فزيت على صوت جراح باوعتله بعصبيه وگلت...
جوهره: وجعه هو هيج ال يگعد..
جراح: صارلي ساعه اصيج ثوله انتي؟
جوهره: ماغيرك الاثول ولاتكول ثوله
لا على عينك..
جراح: دكلي خرا.
_كال هيج ودار وجهه نرفزنيي
حيل...
جوهره: دجيبلي ريوك..
جراح: صبري وجهج يلطم بلزاويه..
جوهره: غير مگابلتك..
_باوعلي ب برود ومقلص عيونه
وايده بجيوب بنطلونه كاشخ الاستاذ..
جوهره: ساعه شگد.؟؟
_دار وجهه يطلع وگال..
جراح_ب7..
_رفعت شعري بملل مگعدني من الصبح
المطي..
1
گمت غسلت وطلعت شفت الريوك
على الميز..
_بديت اكل بعد ماخلصت دخلت
اسبح بدلت لبست الطقم ورفعت شعري
وخليته مفتوح يعني ذيل حصان..
_نزلت خصلات من گدام وخليت مكياج
خفيف وحلو وخليت عطر لبست الكعب
اخذت صينيه الريوك اوديها للمطبخ..
_نزلت شفته كاعد يباوع بلتلفون
حس بوجودي باوعلي لثواني واني
رحت خليت الصينيه بلمطبخ..
_طلعتله وگلت..
جوهره: خلصت..
_باوعلي جوا ليفوگ وگام يهز راسه
صعد ليفوك ينزل بلجنط..
_طلعت گدامه عشتو عود هم ناقص اشيل
جنطه ماگدر ماگدر ايدي مجروحه..
_شگد حيه واني امس ماخليت شي
بلمحلات ماخذته ولو يستاهل واكثر..
_ضليت واكفه يم السياره وشفته يسحل بلجنط
صعدهن بلسياره وبعدها جاب البقيه..
_صعدت اني بلسياره وهو همين وحرك
السياره اباوع من الجامه ابتعدنه من المنطقه
درت وجهي باوعتله..
_لابس قميص اسود فاتح ازراره الگدام
وبنطلون اسود ونضارات عود كارزمه
الكلب..
_هسه اني ليش اغلط ولو هم يستاهل
فززني صوته وهو يگول ب غرور..
جراح: گوليها عليمن كاتمه بگلبج..
_رفعت حاجبي وباوعت للطريق
وگلت ب استزهزاء...
جوهره: شگول..
جراح: متگدرين تشيلين عينج عني
معجبه بجمالي..
_ضحكت ب استهزاء واشرت على
نفسي وگلت..
جوهره: انيييي يا اهمداني لو تبقى
اخر واحد على الكره الارضيهم هم
ماتعجبني ابو حلگ..
جراح: ههههههه...
جوهره: الضحك من دون سبب من قله
الادب..
_باوعلي وخزرني رديتله الخزره ودرت
وجهي للجامه...
_بعد مده كتله..
جوهره: همه وين اهلك؟
جراح: شعليج..
جوهره: دكل خرا شعليج..
_ماجاوبني ولا باوعلي ضل مركز
يسوق رجعت سألته..
جوهره: وين صايرين بيا محافضه!
جراح: شعليج..
جوهره: ترا ما اشاقيك..
جراح: ولا اني...
_عصبت حيل وخزرته وكلت..
جوهره: خرا بيك وب اهلك..
جراح_وب اهلج..
جوهره: ساقط..
جراح: گح**..
_فتحت عيني بصدمه وگلت بحده..
جوهره: گوا**..
جراح: بربو**..
جوهره: ابن الگح**..
_وگفت السياره بقوه وباوعلي خازرني..
جراح: بگد القندره منين متعلمه
هل غلط؟؟
جوهره: منك..
_باوعلي بعصبيه وخزرني بقوه وگال بحده..
جراح: اذا شفتج تفشرين بعد حلگج
اشگه فهمتي..
جوهره: رجعتله الخزره ودرت وجهي..
_حرك السياره وساق عشتو يغلط
ويريدني اسكت المطي...
_بعد طريق طويل ماحجيت ولا هو
حجه وهوه جايب حلويات ومي وكلساع
اكل شي ويگلي نطيني اعاند..
جراح: بس مي نطيني مو ريگي نشف.
جوهره: شسويلك..
جراح: جوهره نطيني رحمه للكائنات..
_سحبت بطل المي واني خازرته
نطيته وجره مني بنتر..
جوهره: سم..
جراح: بگلبج..
جوهره: بطنك..
جراح: بضلعج..
جوهره: انجب..
_سكت وكمل سياقه باوعت للائحه شفت
«الانبار ترحب بكم»...
جوهره: دگول من الاول..
_ابتسم ابتسامه جانبيه وضل مركز
بلطريق..
_بعد مده بدينه ندخل بمناطق راقيه
وحلوه لمن وگفت السياره گدام بيت
جبير وعالي ويخبل منضره من گدام...
+
_نزلت ونزل هوا تقدم للبيت واني ورا
حراس ثنين على الباب واكفين اول ماشافو
جراح سلمو عليه ب احترام..
_دخل من الباب وصرنه بلطارمه حلوه وجبيره
ومستغلين حجمها ب اشياء حلوه مثلا زرع
واكو كعده عربيه على جهه ومرجوحه نايس.
_يمشي واني امشي ورا برزانه وصلنه للباب
لزم اليده وفتحه ودخل واني دخلت ورا..
_شفت مره يجي عمرها ب30هيج حلوه
ويمها اربع بنات ثنين شباب وثنين هم شكلهن شباب بس اكبر مبينات وثنين مبينات بكبري
وثنين ولد بكبر جراح جنهم...
_الكل اول ماشافونه وب الاخص شافوني
لحضات سريعه گامو..
_ما اسمع غير هلاهل ترست الصاله....
يتبعع......
