الڪاتبه/نـــــــٌوُر آلُـِـِِـِِِـِِـِـڊلُـِـِِـِِِـِِـِـيمـْـْْـْي📃💜•
+
_____________________
#انا لا اعرف ما الذي اشعر به.. هل حقا اشتاق لك؟... ام هذا شعور غير حقيقي! #
جوهره: عيني نور خلصت طالعه..
نور: اي حبيبتي تعالي اخذي يوميتج..
_تقدمت الها انطتني45 الف ابتسمت وكلت.. شكرا حب..
نور: ولو اصلا الزبائن ميخلصون اتمنى حته بليل تشتغلين لان ماكو زبون يدخل وذا ماينعجب ب اسلوبج ويشتري..
جوهره: عاد لاتخجليني شدعوه..
نور: والله هاي الحقيقه تردين صراحه
انتي وجه خير علينه..
_ضحكت وكلت.. يعمري انتي تدللون..
جوهره: يلا اروح مع السلامه..
نور: الله وياج گلبي..
_طلعت من الكوزمتك متوجهه للبيت
بس قبلها اريد اشتري غراض للبيت...
_ضليت اتمشه حته اوصل للاسواق
رجعت بذاكرتي لذاك اليوم المشؤوم..
(قبل شهرين)
_فتحت عيوني واشوف هاريكا كاعده
گدامي اول مشافتني فزت..
هاريكا: الحمدلله على السلامه يروحي
خوفتيني عليك..
_حجيت بتعب... وين اني..
هاريكا: بلمستشفى حبيبتي صار عندك
هبوط هلئ بس يخلص المغذي ونطلع..
_تذكرت الي صار غمضت عيني اقوي
گلبي وافكر مستحيل اعديها الهم على خير..
_بعد ماخلص المغذي طلعنه سوينه خروج
وبعدها گلت... تعالي نمر خلي يشوفون ايدي
عندي جلسه فرد نوب خل اسويها..
هاريكا: اي صح ل ايدك؟
جوهره: اي...
_رحنه للقسم الي اريد يفحص ايدي عنده
اخذت حجز صح وقت متأخر بس جان
موجود..
_دخلت للدكتور... السلام عليكم..
الدكتور: اهلا وسهلا جوهره مو؟
جوهره: اي نعم اني امس حجزت عندك
يعني الدكتور الي اراجع عنده قبل
بغير محافضه واني منتقله بلجديد..
_يعني نوب اراجع عندك وانطيتك كل التقارير
الي تخص حالتي..
الدكتور: اي نعم طبعا معجزه من شفت ايدج
دتتحسن وهذا اكيد بفضل الله سبحان وتعالى
انتي ملتزمه بلعلاج ومن تلتزمين بلجلسات راح
تتحسنين ب اسرع وقت...
_ف هسه خلي نشوف ايدج..
_تقدم فتح الكف الي لابسته وحرك ايدي
ابتسمت من حسيت بكم اصبع لان جانت
كل الكف ماحس بي..
_الدكتور: حسيتي؟
جوهره: اي نعم بس ذولي ثلاث اصابيعي..
_گام جاب ابره مدري شنو ضل يجكك ب اصابيعي
الاثنين اول شي ماحس بشي بعدها جك الثالث
حسيت والرابع والخامس هم حسيت حيل فرحت
ونسيت مساع شنو صار..
الدكتور: الحمدلله تحسن جيد حاولي تلتزمين
بلعلاج والجلسات اكثر وانشاء الله ماكو شي
صعب..
_اتشكرت منه وبعدها طلعنه راجعين للبيت..
(رجوع الى الواقع)
_طردت الافكار من بالي ومشيت اشتريت
الغراض الي اريدهم وبعدها طلعت من سوبرماركت
شفت شاب يضرب بولد والولد مبين مشاغب بحيث
هذا يضربه هذا يرجعله الضربه..
_ماتحملت رحت بسرعه وخرته عن الشاب وخزرته
وگلت... شگد ماعندك ضميررر ليش تضربهه؟؟؟
_اختي طلعي منها ومعليج..
_تقدم الولد يريد يضربه لزمته من ايده
خزرته وگلت.. اكعدد ولككك شوكاحتك..
_خلي اشگه نصينن الجلبببب...
_تقدم الشاب يريد ياخذه مني
من بعد ماغلط عليه الولد اني وكفت بنصهم
وكلت... اخي تكدر تشوف طريقك..
_ليش حضرتج تصيريله؟
جوهره: اخي مايخصك روح منا وعوف الولد
شني تريد تموته..؟
+
_ااذا مايصيرلج خليني اشوف شغلي
وأدبه..
_غمضت عيني بصبر باوعت للولد سبحان
الله صغير بس شوي ضخم والغضب على وجهه ويتنفس بعصبيه وعاكف وجهه وعبالك واحد جبير..
_باوعت للشاب وگلت.. اي اصيرله لعد شعندي
اجيت وخرته منك وهااا ترا راح اسكت لان
ماريد مشاكل..
_هز راسه الشاب وخزر الولد واني رجعتله الخزره
وراح يدردم..
_باوعتله خازرته وگلت.. شعنده وياك؟
_معليج..
جوهره: احجي وياك اني شني معليج ولك...
_هوه كلب ابن كلب..
جوهره: اول شي عيببب لتغلطط وثاني شي
احجيلي شبي وياك..
_رفع عيونه ماعاجبه الولد حيل حلوو
بس حالته مبين فقير من ملابسه وحالته
حاله..
_انتي منو..؟
جوهره: معليك اني منو وسولفلي
بس تعال وياي ميصير نضل واكفين..
_واني وين اعرفج حته امشي وياج؟
جوهره: يابه دمشي ماخطفك ترا..
_وعلى اساس خايف منج اسويج وصلتين..
_ضحكت على لسانه وكلت... دمشي لسانك
اطول منك..
شفت هيج مكان عام كعدنه ع الكراسي وكلتله
سولفلي بس قبلها شسمك؟
_باوعلي بحده وسكت..
جوهره: اعتقد سمعتني؟
_اسمي شهم..
جوهره: اي شهومي شني سالفتك؟
شهم: خاب لتكليلي شهومي تحسسيني
طفل..
جوهره: هو انت طفل شكد عمرك؟
شهم: مو بعينج عمري12...
جوهره: ايي لاا مو طفل..
شهم: وغصبا عليج..
جوهره: هسه عوفنه وسولفلي..
شهم: شسمه شوفي يعني اني ماسويت شي
بس حاولت ابوگ محفضته نوب من شافني
كال شعندك لزمتني؟
شهم: لا بس قميصك طافر وردت اعدله..
_تقدم لزمني من فانيلتي وگال.. لك شني
تضحك عليه احجي شردت تسوي..
شهم: بابه منو ضاحك عليك قمصلتك
طافره راد يطلع طي***وعدلته الك
موزين استرك..
_شو هذا تقدم ضربني رجعتله الضربه
وبعدها انتي جيتي..
جوهره: اول شي بعيدا عن لسانك الزفر
هذا شنو الي خلاك تبوگ؟
_باوعلي بحده وكل ذرة خوف ماكو على
ملامحه وعباله ديحجي شي عادي..
شهم: خايبه اني لا اهل ولا گرايب
اضل جوعان؟ واني عايش بلشارع
ادري ازرع فلوس؟ شسوي؟ اضطريت
ابوگ...
جوهره: ليش وين اهلك؟
شهم: اهلي ناس گواو***كلشي ماتذكر
منهم ذبوني وعمري8 سنوات وهاي كضيتها
ابوگ لو اجدي..
_خزرته وگلت.. ولك ليش تفشر راح
اطيح حضك..
شهم: قابل شنهي اجذب عليج اني...
_غمضت عيني بتفكير ماطاوعني گلبي
اعوفه شفت روحي بي من عمامي طردوني
وضليت ك اني مشرده وحالتي حاله صارت لمن
وصلت مرحله ابوگ..
جوهره: گوم وياي..
شهم: ووين؟
جوهره: شنو وين امشي وياي ماتضل بلشارع بعد..
شهم: خايبه كعدي هسه اهلج يشوفوج
ويشوفوني وياج عبالهم حبيبج نوب طلقتين براسج..
_ضحكت عليه وگلت.. لا اني هم معندي اهل..
شهم: لابربج؟!
جوهره: اي والله..
شهم: الله يرحمهم ااذا خوش ناس وذا مو خوش
الله لايرحمهم..
جوهره: انجب امي خوش ام كلشي موفرتلي
جانت بس ابويه..
شهم: گوا**..
_خزرته وگلت منو؟
شهم: ابوج..
جوهره: ولكك ليش تفشررر..
شهم: غير مو خوش ابو؟
جوهره: حته لو ميصير ميت هوه..
شهم: يلا بكيفج..
_سكتنه ثنينه بعدها ابتسم وباوعلي وگال.. هسه صدك
اروح وياج؟
_ابتسمتله وگلت اي..
_گمت ونطيته ايدي ولزمها ومشينه بعدها گال..
انتي مو مال عايشه بلشارع مرتبه ولازمه علاليگج
بيدج..
جوهره: عندي شقه اني وصديقتي مثل
اختي هيه عايشين بيها هيه هم اهلها ميتين..
شهم: ها يعني شقه اليتامه..
جوهره: هههههه خرب لسانك امشي..
_ضحك شحلات ضحكته غريب هل ولد
ستوي اريد اوگف التكسي وگلت.. لحضه
وياك جنسيتك؟
شهم: اي بجيبي..
جوهره: واخيرا شي بي خير..
شهم: شقصدج؟
جوهره: لا مو قصدي شي امشي..
_باوعلي خازرني ضحكت على خزرته
والله تخوف استوقفت تكسي وصعدنه..
_بعدها وصلنه للعماره نزلنه وكتله.. هاي العماره..
شهم: ليش احسها قصر؟
جوهره؛ ههههههه مخبل..
شهم: لاجديات يعني يمكن ولا مره نايم
ب بيت كله بلشوارع احس اي بيت حته لو
بيت بسيط احسه قصر..
_سكتت واخذت نفس ومشينه سوه
دخلنه فتحت الشقه بلمفتاح لان هاريكا
لسه مجايه..
_طبعا هيه عدها نسخه واني همين
دخلنه للشقه واشوفه فاتح عيونه ويكول.. والله
وضحكتلك الدنيا ياشهم..
_ابتسمت وكلت... دوم انشاء الله..
باوعلي وگال.. يعني بعد مانام بلشارع؟
جوهره: اي حبيبي تعال يلا هسه تسبح..
_ضحك ومشه وياي خليت الغراض بلمطبخ
وهو لسه واكف..
جوهره: شهومي حبيبي تفوت تسبح هسه اني
اروح عل سريع هنا يم العماره محل ملابس
اشتريلك كم قطعه واجيك..
شهم: هاي هيه..
جوهره: اوكف خل افتحلك المي اكاسره
بمي حار..
_رحت للحمام كاسرت المي بارد وحار صار دافي
وحضرتله ليفه جديده طلعتله وشامبو وكل الشغلات
الي يحتاجهن..
_صحت.. شهم تعال..
_اجه مبتسم وگتله... اجلف نفسك جلف وضل اسبح
لمن اجي تمام ما اتاخر..
شهم: تمام بس على فكره اني اخرخر ترافه..
جوهره: ديله استقر..
_ضحك واني كذالك دخل للحمام وسد الباب
واني اخذت جنطتي اركض لان ماريد اتاخر عليه..
_نزلت من العماره وبسرعه رحت للمحل اخذت
ثلاث تراكات وبناطيل ثلاثه جينز اسود واحد كابوي
والثالث كابوي ثلجي وبعدها نسقت وياهن بديات ثنين
وقميص اما القياس كلش واضح..
_اخذتله نعال تكرمون واحذيه ثنين سوده والثانيه
بيضه..
_واخذتله شورتات داخليه اربعه وكيمونه ثنين
دفعت الفلوس وطلعت اركض للعماره شفت هاريكا
تفتح بلباب شافتني تفاجئت وگالت.. اوو شو هل
مشتريات الكتيره..
جوهره: دخلي وبعدين اسولفلج..
_ااول مادخلنه نزينه من شفنه شهم طلع
من الحمام لاف المنشفه وصدره عاري وينشف
بشعره ويدندن..
_صحت واني اضحك... ولك شهممم امشي
للحمام..
شهم: اوي شبيج ترا ماوخرت المنشفه
شبيجن مخترعات؟
_اني فحطت ضحك واباوع لهاريكا فاتحه
حلگها ومصدومه گالت... شو هادد مين انته..
_دار وجهه وكال... اتفاهمي انتي واختج
معليه اني..
_گال هيج ورجع دخل للحمام..
باوعتلي مصدومه واني فاحطه ضحك.. لك شوو فيكك
ليش تضحكييي مين هاد الفصعون..
_گحيت وامسح دموعي من الضحك وكلت.. هسه
اجيج خل اوديله منشفه....
_عفتها مصدومه وطلعتله تراك مريح وشورت داخلي
دكيت الباب فتحها مد راسه وكال... هاي شبيها
اتكهربت اختج..
_ضحكت وكلت.. حقها طالع مفرع زين ماخترعت..
شهم: خاب ماتسكتين ترا لاف المنشفه مو مصلخ..
جوهره: دهاك الزم الزم بدل يلا واطلع..
شهم: بويايييي ملابس جديده..
_ضحكت عليه وطلعت شفتها على
نفس صدمتها وبديت احجيلها كلشي
لمن خلصت وكالت... زين عملتي بس شو فصعون
فززني بمكاني..
_ضحكنه ثنينه وكلت... خو مازعجج الموضوع يعني
عادي يبقى؟
هاريكا: حبيبتي اكيد لا مانزعجت وانا بمكانك كنت
اعمل نفس الشي وبعدين لاتنسي الشقه
كمان شقتك انا وانتي سوا ندفع الايجار
مثل ما انا كلشي بدي ساوي فيها انتي كمان..
_اابتسمت وحضنتها وبستها حيل وكلت.. خاب شكد
احبج...
هاريكا: اناا كمانن يروحيي..
_شوي وطلع من الحمام حرفيا اختلاف فضيع
حيل صار نضيف والملابس فيت وهوه منا حلو..
_غمز وكال.. ها شلوني؟
_ضحكنه ثنينه وكالت هاريكا.. لك شو فصعون
انته بتاخذ العقل بجمالك..
_غمزلي وهز ايده مستغرب وگال.. هاي شتحجي
بنگلادش؟
_هلكنه ضحك على سوالفه وكلت.. انجب ولك
تحجي سوري..
_كعد على القنفه وخله رجل على رجل وكال.. خاب
احجي عراقي ولاتتمرعصين..
_فتحت عينها مصدومه من لسانه وكالت.. لك
شو هاد انته..
شهم: اعجبج خاله..
_طكيتها بضحكه عاليه وهمه يتكافشون هيه
ترد عليه وهو يرد عليها بعدها كعدنه نباوع فلم
جبنه حلويات وكعدنا سوه حاوطت شهم ب ايدي
خله راسه على متني بطفوله..
_وضلينه نباوع لمن خلص الفلم شلنه الغراض
وبعدها فتحت القنفه اله القنفه تنفتح تصير
مثل الجربايه وجبتله غطه (بطانيه) ومخدات ثنين
بعدها جبت مشط مشطتله شعره وعطرته وهو
خطيه الفرحه ماسايعته يباوعلي بنعاس وكال..
شكرا امي مامسويتلي الي سويتي..
مسحت على شعره وخليته يتمدد وغطيته وكلت.. اعتبرني امك ماكو فرق..
شهم: اكو فرق شاسع امي ذبتني وانتي احتويتيني..
جوهره: تبقى امك صح الي سوته مو قليل..
شهم: ماعتبرها امي ولا راح اعتبرها..
_ماحبيت اجادله احس الموضوع حساس
مسحت على راسه وكلت.. يلا نام تصبح على خير
شهومي..
شهم: وانتي بخير جوجو..
_ابتسمتله وطفيت الاضويه وفتحت السبلت
ودخلت لغرفتي لبست تراك وغسلت وبعدها
نمت.....
يتبع....
