لڪاتبه/سـ❣ـہلطانه نـ༈ۖ҉ـؤُر📃💜•
____________________
#اثاري گلبي يوجعني.. اثاري عقلي يشوفك
حته بعيون الناس#
__كعدنه نسولف ونضحك بعدها نصدمت من شفت
شخص يباوع من بعيد وهل شخص مو غريب عليه ابد
همست بصوت ناصي... جج جراح؟!!!!!..
_باوعولي ثنينهم باوعتلهم ورجعت باوعت
لنفس المكان الي شفته بي بس ماكو؟
_گمت من مكاني اباوع بكل مكان ادور عليه
ماكو فص ملح وذاب..
_لزمني شهم وكال... شبيج جوجو شنو جراح؟
هاريكا: شوو وين شفتي؟؟؟
_باوعتلها بلعت ريگي شهم نتر بيه وكال.. متحجن
انلصمتن منو هذا؟
جوهره: ها لا محد..
_خزرت هاريكا وشهم باوع بعصبيه وكال..
شني زعطوط تضحكن عليه؟ امشن للشقه...
_غمضت عيني بصبر ورجعت ادور عليه بعيوني..
شهم: راح تخبلني عليمن تدورين؟؟ وجراح منو؟
هاريكا: مافي شي ياعيني..
شهم: هو شنو ماكو شي هيه كالت جراح
وكامت تدور بعيونها وانتي كلتي وين شفتي
وهسه تكليلي ماكو شي ششايفتني كدامج؟
جوهره: خلي نمشي للشقه...
_هز راسه بوعيد ومشه ومشينه ورا واني
بس اتلفت ادور وشهم يشيل روحه ويلبگها
يريد يعرف على شنو ادور..
_بعد ماوصلنه للشقه الوضع متكهرب
اول مادخلنه باوعلنه بخزره وكال... هسه ممكن
اعرف منو هذا؟؟
جوهره: شهم الله يخليك مالي خلك..
شهم: هوه شنو مالج خلك تحجين لو لا؟
_عفته ورحت دخلت لغرفتي واسمع صوت عياطه
يريد يعرف دفنت راسي بلمخده واحاول استوعب الي
شفته معقوله هوه؟ يجوز اتخيل بس اني شفته والله
وجان اضخم من قبل يجوز واحد يشبهه؟ بس ليش اختفه
معقوله اتخيل يعني؟
_صيحت بصوت عالي واني دافنه وجهي بلمخده
تعبتتت من التفكيرر شنوو الي شفته شنووو..
_شوي وحسيتها تمسح على راسي...
هاريكا: هدي بالك ياحبيبتي كلشي الو حل
طيب انتي شفتي؟
_باوعتلهه وكلت... لج شفتهه والله بس باوعتلكم
ورجعت باوعت بسرعه ماهوه ك ان الگاع انشكت
وبلعته..
هاريكا: ياعمري يجوز تتخيلين؟
جوهره: ريكو شنو اتخيل اني جنت اسولف وياكم
حته ماجان على بالي حته اتخيله كتلج جان واكف
يباوع بنضرته الحاده الي حافضتهه حفض...
هاريكا: والله السالفه بتدوخ طيب لاتفكري
صدقيني يمكن اتخيلتي او في حدا بيشبهو..
جوهره: يمكن..
_مسحت وجهي بتعب وكلت... شهم وين راح..
هاريكا: عصب وطلع..
جوهره: استغفر الله والله دايخه وهو منا
عصبي ماخلاني احجي..
هاريكا: انا حكيت معو بس هو عصب وطلع
خلي يهدى وبيرجع..
_سكتت بعدها كمت بدلت لبست تراك
وتمددت اتصفح بلتلفون مر وقت وصارت الساعه ب11
اتصلت على شهم مارد ثالث مره يالله رد..
جوهره: ليش تاخرت؟
شهم: ويه جماعتي تردن شي؟
جوهره: لا منريد يلا تعال..
شهم: بعدني..
جوهره: الوقت اتأخر شنو بعدك تعال..
+
شهم: مو صغير اني..
جوهره: ابقى اختك الجبيره تعال يلا وخلي
نحجي..
شهم: كتلج اتاخر لاتلحين..
_كال هيج وسدا بوجهي فتحت عيني بصدمه
هاي شنو تسده بوجهي شهم بسيطه..
_دزيتله رساله وكلت... اني اعلمك حسابك بعدين..
_شوي وشافهه ومارد اخ منه شكد عنيد..
_ضليت اباوع بلموبايل باوعت للساعه ب12
كمت من غرفتي طلعت وشفته ماكو ماجاي بعده
فرفحت من يمته هيج يتاخر هوه دخلت لهاريكا
لكيتها غافيه ندستها وگلت.. هاريكا كومي شوفي اخوج
شلع گلبي..
_گالت بنعاس.. شوو فيييي جوهره شوو في..
جوهره: الساعه ب12 وهذا لسه ماجاي..
هاريكا: ليش؟
_كعدت توخر بشعرها الي على عيونها
واخذت جهازها واتصلت بي مارد مرة الثانيه
رد...
هاريكا: انته وين لهلئ..
شهم: ويه جماعتي..
هاريكا: تعال هلئ..
شهم: دا اكلج ويه جماعتي..
هاريكا: انته ليش بتعاند قلت تجي هلئ..
شهم: خلصتي؟
هاريكا: شهممم قلت الك تعال اذا ماجيت
راح حاسبك غير حساب فهمتتت..
_كالت اخر شي بعصبيه وسدته ماخلته
يحجي نفخت بعصبيه وگالت... شوو هادد
من ايمتى هو هيك بيتأخر...
جوهره: والله مادري..
_شوي وسمعنه الباب نسدت ثنيناتنه طلعنه
من الغرفه شفنا ينزع بحذائه باوع ب برود
ودار وجهه..
هاريكا: ليش متأخر؟
شهم: ماعتقد زعطوط وتحاسبيني..
هاريكا: احاسبك وبكسرلك راسك..
_خزرها وعيط عليها وكال بصياح... كسري
يلااا كسريييي والله مو كلشي تردن على مزاججن
وكلشي تردن اسوي واني من اكلجن احجن خرمطن
تدورن السالفه وتسكتن..
_هاريكا: قلت الك راح نحكيلك بس يهدئ الوضع
انته ليش بتعصب فورااا..
شهم: لا والله اني اضل افكر وافور وهاي تكلي
من نهدئ امشن عني اريد انطمر..
جوهره: خلي نحجي..
_رفع ايده بعصبيه ويكلي... انتي ب الاخص
تسكتين وطلعن منا روحن لغرفجن اريد انام..
هاريكا: قلت الك بدنا نحكي واساسا نحنا حاكين الك
على الموضوع بس الشخص ماقالنا الك اسمو..
شهم: دا اكلجن اريد انطمررررر شلون يعنييي..
هاريكا: خلص مثل مابدك بس اسمع هاي اخر مره هيك
تتأخر فهمت وله لا..
شهم: مو صغير وطلعن منا..
هاريكا: انا قلت ومابعيد كلامي..
_رفع ايده ياشر امشن ماعاجبه غطا وجهه
بلبطانيه وصاح.. سدن الضوا..
_هاريكا دخلت لغرفتها معصبه واني رحت صبيت
مي بگلاص وخليته يم الميز مالته خاف يعطش..
دخلت لغرفتي حاولت انام بلكوه نمت بعد محاولات..
_گعدت الصبح ع صوت المنبه باوعت ب6 كمت
من مكاني دخلت للحمام غسلت بعدها طلعت من الغرفه
شفتهم كاعدين يحضرون بلريوك..
جوهره: صباح الخير..
هاريكا: صباح الورد..
_باوعت لشهم ميباوعلي عرفته لسه زعلان
مني گعدنه نتريك ماحجينه اي شي الوضع جان
هادئ خلصنه كلمن راح يبدل..
_لبست قميص اسود ستن ويا جارلوس ابيض
وكعب اسود ناصي ورفعت شعري ذيل حصان
بدون خصلات بعدها خليت مكياج بناتي
حلو ورشيت عطر واخذت جنطه صغيره بيضه
طلعت شفتهم جاهزين دمعت من شفت منضرهم..
_نزلت دمعتي واني اشوفهم محتويني تقدمو حضنوني..
شهم: مو معناها تصاحبنه..
_بعدني من حضنه وكال... اش جميلتي ميصير تبجين اليوم احلى يوم بحياتج لازم يكون..
+
جوهره: ماكو احلى يوم من لما عرفتكم..
هاريكا: تؤبريني شو بنحبك..
شهم: ديلا امشن لاتگضنها مناحه..
_مسحنه دموعنه اني وهاريكا وضحكنه
هاريكا جانت لابسه قميص اسود ساده
وبنطلون كابوي ابيض وفاتحه شعرها
ومخليه مكياج بيجي ولابسه كعب اسود ايضا
وجنطه بيضه مثلي وشهم لابس بنطلون ابيض
وهمين قميص اسود بلصدك (الاخوه الثلاثي)
شهم: اكلجن خو ما ننحسد..
هاريكا: لاماراح ننحسد انشاء الله يعني اكيد
ماراح بيتخطون جمالنه..
جوهره: خرب يومكم شگد مغرورين..
شهم: نجبي انتي المهم من هسه اكلجن
البنات اذا ركضن وراي انتن وخرنهن عني
مالي خلك معجبين..
_ضحكنه عليه وبعدها اخذنه سياره وتوجهنه
للجامعه بعد طريق شفت وصلنه واني دگات گلبي تزداد
ماتوقعت بيوم اوصل لهل مرحله بعد كل الي مريت بي..
_نزلنه ومثل وگفتنه شهم واكف بلنص واني من اليمين
وهاريكا من اليسار واكفين بشهامه والانضار كلها صارت علينه بسبب تطقيمنه والثلاثي مالتنه جان مميز حته بلجمال..
_مشينه سوه نفس المشيه ودخلنه للجامعه بلصدك
الاجواء حيلل حلوه واول مره ادخل لجامعه بحيث
عيوني بس تفتر..
_طبعا اني اختصاصي طب اسنان الحمدلله
والشكر..
_دخلنه وبعدها عرفت قسمي وين وكلشي عرفت
استكشفت المكان زين وجان اليوم بس ونسه ماكو
اي محاضرات وغيرها..
_وتونسنه حيلل گعدنه بلكافتريا نسولف ونضحك
ونشوف الي كاعدين يباوعون ويتبسبسون لان صدك
منضرنه جان ملفت للنضر..
_باوعت لشهم اريد احجي بس نربط لساني
من شفته واكف يم باب الكافتريا همست بخوف.. جراح..
_شهم بسرعه دار وجهه وجان حاد فكه ويريد
يعرف منو باوعلي وميلت راسي لان شهم صار كدام
الباب بس فجئه اختفى؟؟
شهم: احجي بسرعه منووهذا لاتخبلينيييي..
_كتله.. كوم شهم بسرعه كوم..
_كمنه ثلاثتنه اني اركض وهمه وراي
طلعت برا الكافتريا اباوع وعيوني تدور عليه
بكل مكان بس ماكوووو راح اتخبللل..
_نتر ايدي وكال.. انتي ليش تعانديننن داكلجج
منوووو..
_نزلت دمعتي وكلت.. طليقي..
_عگد حاجبه وكال... الكلب جراح؟
هزيت راسي ب اي ودموعي تنزل مو قصه
احبه بس هاي ثاني مره اشوفه ويختفي ماعرف هل
اني اتخيل لو هوه صدك ويريد يدوخني..
هاريكا: لك شووو بدوووو...
شهم: خلي الزمه اني ابن الكلب واني من اسئلج
ليش متجاولين خو كولي طليقج السابق؟
جوهره: مردت اسبق الاحداث كلت ييجوز اتخيل..
شهم: لا متتخيلين هوه هذا مبين اني بس لو اعرفه
وشايفه جان لكفته..
جوهره: ششتلكف منه اني سنتين ويا وهسه يختفي
من كدامي بسهوله شلوننننن..
_حضني وگال.. اش يبعد اخوج على شنو تبجين
خلي يولي الكلب واني بس خل اعرفه..
هاريكا: خلص شو فيكم راح تقلبوها فاتحه
هلئ كنا فرحانين خلص انسو الموضوع وبعدين
نعرف شو نساوي..
+
_مسحت دموعي وبعدها رجعنه لمكانه
واني عيوني بس تدور عليه وكل شوي اتلفت..
شهم: كافي جوهره..
هاريكا: لك بحس راسي انكسر بدالك من كثر
ماتتلفتين خلص شو فيك..
جوهره: لا بس دا اباوع للناس بعني اكتشف
ميصير؟
شهم: اي لاا واضح..
_گلبت عيوني بملل شوي واجت بنيه
باوعتلنه وگالت.. مرحبا بس ممكن سؤال..
جوهره: تفضلي..
_اني مرحله اولى وكلشي مدا اندل..
جوهره: اني همين مرحله اولى ميخالف
هسه اگوم ادليج..
_ااي فدوه رحتلج..
جوهره: شهم كايمه اشوفها وارجع..
شهم: اجي وياج؟
جوهره: ميحتاج وين رايحه احارب..
هز راسه موافق بعدها طلعنه اني والبنت
من الكافتريا وكتلهه.... وين تردين؟
_للحمامات..
جوهره: ماشي..
_مشينه سوا وصلنه لنص الجامعه وكلتلي.. اني ماريد
اروح جذب بس هاج هاي الورقه..
_طلعت ورقه من جنطتها وقدمتها الي كلت.. منين؟
_صراحه ماعرف بس شخص انطانياها ودلاني
عليج وگلي هيج اسوي..
جوهره: لل لحضه ممكن توصفيلي الشخص؟
_جان ضخم وطويل شعره نازل على عيونه وعنده لحيه
خفيفه وفكه حاد عيونه حاده..
_گلبي صار يدك حيل مثل ماشفته بلضبط
يعني هوه نهبطت وضليت اتلفت...
_راحت البنيه واني باوعت للورقه وايدي ترجف
خايفه افتحها..
_شلون عرف مكانييي وبعدين ششلون يربي
دخت شمدري اني هاي اول سنه جامعه وشمدرييي
اني كملت دراسه..
_فتحت الورقه قشعر جسمي ويبس شعر راسي
من قريت(مهما يكون هل شخص الي وياج اذا
شفته يحضنج لو يلزمج ايده تنخلع ومو بيعده عليه
اسويها حذرتج)
يتبععع.....
