الڪاتبه/ نور الدليمي 📃💜•
+
هلاو حبايبي قلبي هذا بارت هديه شوفو شلون اداريكم وانتم داروني بلتعاليق والتصويتات😂❤🫂.
علقو بين الفقرات نطوني حماس اقرا وياكم اتونس😂💕.
_______________________
3
#الخوف حينما يستولي على النفس مرة، لا يخلي مكانه بسهولة إلى أي شعور آخر.
_بعيدا عني ك بنت مخطوفه المفروض
ماتنام ليلها بس اني وحد هه ليش..
_جنت اريد اعرف هذا منو كتلني فضولي
اريد اعرفه وشيريد مني كتله ارجعلك فلوسك
بس ليش تغاضى وماقبل؟؟
تقدمت للباب بخطوات سريعه وخليت اذني
استمع لصوته انصدمت لمن گال...
_جيب الشيخ وتعال بلا لغوه لازم
اعقد ماعندي وقت.....
_فتحت عيني مصدومه عقد شنو
شيخ شنو رجعت ليورا واني انكث
التفكيرات عن عقلي...
_شوي ودخل بطوله العارم باوعلي
ب برود حسيت الشياطين التمت حواليه
كمت بوحشيه ودفرته ب بطنه بس هلمنطقه
الوحها واكدر اضربه بيها..
_لزم بطنه ب الم وعكف وجهه وكاشه روحه
وكال بعصبيه.
_كتلججج لتعيديها مخبلههه انتيييي..
جوهره: ابن القندره انته شتريددد مني
ونبيي احط سجينه ب بطنكك اذا متكلي
شتريددد..
_جاوبني ب استفزاز..
_ترا ماميت عليج..
جوهره: ماميت عليه ومنو گلك موت عليه
زربه بيك بس عوفني..
_تقدم سحب الكرسي وكعد
وگال...
_انتي ليش مخايفه؟؟
_ضحكت بتوتر واستهزاء وگلت..
جوهره: هه اخاف من شنو ابن المطي؟؟
_مني..
جوهره: لك انته شنو شنووو واخاف منك
هسه يخلونك يم الجلب اخاف من الجلب
وماخاف منك ياحمار..
_لاصدك..
جوهره: انته تستهزء حضرتك لو شنو
اخر مره اكلك انته منو؟
_اني جراح..
.
جوهره: نعم؟
_مسح على شعره وگال بهدوء..
جراح: اسمي جراح..
جوهره: زربان قصدك؟
جراح: ول انتي ليش لسانج زفر..
جوهره: انعديت منك اعذرني استاذ
زربان..
_غمضت عيني بصبر وتذكرت
مكالمته شديت على سنوني
وگلت بحده...
جوهره: مساع سمعتك تخابر وتكله
جيب شيخ وماعرف شنو؟
جراح: اي..
جوهره: وجعي كون ب گلبك ويخلصني
منك...
جراح: مگلتيلي ليش ماخايفه
المفروض تخافين يعني بنيه مخطوفه
وتتصرفين طبيعي صدمتيني؟
جوهره: ليش اخاف؟ ولك منين اخاف
هه اني اهل معندي بححححح معندي
حته اخاف يدورون عليه حته اخاف
يفتقدوني ويخافون عليه... ليش اخاف
بعد..
_اني معندي ناس افتقدهم حته اخاف
اني هسه لو اقتلك عادي متقبله ادخل سجن
ولو ينحسب دفاع عن النفس...
_باوعلي بتقلص وگال بهدوء...
جراح: اقتلي منو لازمج..
جوهره: مو هسه بس من بعد ما اعرف
من يامزبله جايني..
جراح: تمام لعد حضري روحج تا يجي الشيخ
ونعقد.....
_رديت عليه بنفاذ الصبر وكل خلك ماعندي..
جوهره: اكلك انت مصدگ نفسك زايد تدري لو لا..
جراح: لا ستوي دريت..
جوهره: والله جاهل وبلا عقل الطول
طول النخله والعقل عقل الصخله..
جراح: حلو بس قديم..
_فكيت عيني بصدمه على استفزازه
وحقارته كام تقدم يطلع ودار وجهه وكال..
جراح: اي حركه منج كدام الشيخ تضيعين
الاول والتالي يعني مثلا مثلا تموتين وكلشي
مامحصله..
_طلع ومخلاني احجي تقدمت اضرب بلباب
واني فايره واصيح..
جوهره: لككك اموتتت ولااا انكتب ب اسمك
ياقذررر ابن قذررر انعل يومك ويوم
الي شفتك بي ياحمارررر ابن المطي الثور..
_اخذت نفس واني اصبر نفسي شهل بلوه
يربي شسويت شسويت فوك عذابي تزيدني
عذاب...
_رجعت للجربايه شوي ونفتح الباب
شايل جنطه جنطتي هاي خلاها يم
الباب ويمها علاليك وگال..
جراح: هاي ملابسج وهذا اكل اكلي..
_گال هيج وطلع تفلت على الباب وگلت
جوهره: الله ياخذك ابن المطي..
_كمت على حيلي سحبت الجنطه
شحالي جني مجدايه فتحت الجنطه
لكيت مخلي ملابسي عزا شكد طايح حض
حته الداخليات جايبهن...
_اخذت ملابس ومنشفه وتوجهت للحمام
سبحت وبدلت ومشطت بعد ماخلصت
سحبت العلاكه شفت دجاج وببسي وماي..
_حيل جوعانه جنت حيل بديت اكل بشراهه
وك انو اول مره اكل بعد ماخلصت وشبعت
كمت غسلت ورجعت مددت...
_مادري شكد مر وقت ونفتحت الباب ودخل
هوه وگالل...
جراح: گومي جوهره ومثل مگتلج
دير بالج تغلطين بشي..
_نزلت راسي واني افكر لازم اگول للشيخ
لازم بلكت يساعدني بس وذا مافاد هذا مجرم
ممكن يقتل الشيخ يربي شسوي...
_مساعدتك ربي محتاجتهه شسوي
فززني صوته الخشن وهو يگول...
جراح: خلصيني گومي..
_باوعتله بحده وگلت....
جوهره: ما اگوم..
+
_غمض عينه بنفاذ صبر وطلع
المسدس من بنطلونه بسرعه ووجهه
الي واشرلي اكوم..
_رجف جسمي بخوف لا مجرم هذا يسويهه
والله كمت بسرعه واني ارجف دار وجهه يطلع
ومشيت ورا البيت صغير هادئ وحلو..
_طلعنه للصاله جانت مرتبه والوانها هادئه
جانت اكو باب عرفتها باب استقبال كال..
جراح: اوكفي يم الباب وسمعي الشيخ..
_هزيت راسي وفجئه دموعي تنزل بخزاره
سمعت صوت الشيخ يگول..
الشيخ: تسمعيني بنتي!
_رجفت وحجيت بصوت مبحوح..
جوهره: اي شيخي..
_ضل يحجي اخر شي گال..
الشيخ: گولي يابنتي نعم قبلت
وانت وكيلي..
_بلعت ريگي بخوف وترددت لمن سمعته
كال..
الشيخ: بنتي تسمعيني؟
جوهره: ءء اي..
الشيخ: گولي يابنتي قبلت وانته وكيلي..
_ربي صبرني حجيت بخوف..
جوهره: قبلت وانته وكيلي..
_عاداها مرة لثانيه وعدتها ورا
وهيج صرت زوجت هذا الخسيس
شوي وطلع الشيخ واجه هذا..
_باوعلي وگال..
جراح: عفيه..
: حجيت من بين دموعي الي تنزل عشره عشره..
جوهره: الله ياخذك ولا يوفقك بجاه
الحسين..
: نزل راسه وهو ضاغط على ايده بقوه
دار وجهه دخل للاستقبال كعدت على القنفه
ابجي على حالي..
_دقايق وگمت رحت للغرفه نمت ع جربايه
وعيوني حسيتهن ورمن من البجي..
_مادري وغير اني غافيه....
_فتحت عيني بتثاوب واشوفه كاعد
مقابيلي ومركز فزيت من مكاني ورجعت
لورا بساع وكلت بعصبيه..
جوهره: شدتسوي هنااا هااا بس لاعبالكك
دتلعبب دور الزوججج مدري شنو ونبي
الزمك افصمك فصم ابو حلك ابو زربه
القندره..
_لم شفته لداخل حلگه يخفي ضحكته
وگال بهدوء...
جراح: لا بس اجيت اكعدج تا تاكلين..
جوهره: اي طبعا اكل قابل اموت روحي
جوع من عابت لهل عيون وخر من يمي
لاتنسد نفسي ماطول مفتوحه..
جراح: صار وشوفي هاي
ثلاجه صغير بيها كلشي..
جوهره: دولي ولي..
_دار وجهه طلع وبديت اكل بعد
ماخلصت كمت غسلت واني انشف
ايدي باوعت للشباج اح هلگد نايمه
دنيه ليل والله حقي من الهم والتعب والضيم
ليش مانام ساعات طويله...
_تقدمت لباب افتحها وشفته كاعد عل قنفه
وسمعته يحجي ويه شخص ديخابره..
جراح: المفروض اسلمها لسليم بعد شهرين
مو....... اي ب اعتبار هي زوجتي ف هو راح
ياخذها مثل الاسيره وينطيني امانتي.... لك اني
ماعرفها منو هل بنيه.... لك جنسيتها لكيتهه ويه
ملابسها وعقدنا هسه هي زوجتي بس خل اكمل
لعبتي على سليم واسلمها اله واخذ امانتي.... لتخاف
هيه بنيه ماعندها اهل ولا شي يعني عادي انطيها
اله وشيريد يسوي بيها يسوي اهم شي اخذ امانتي
من سنين انتضرها.... ماشي الله كريم الله وياك..
_شديحجي هذا والله وگعتي بيها ياجوهره.....
يتبععععع..... كافي تعبت 😂
