الڪاتبه/ نور الدليمي 📃💜•
+
_______________________
#- في بعض الأحيان يسألك الناس سؤالًا و عيونهم تتوسل إليك بألاّ تخبرهم الحقيقة.
_الم فضيع بوجهي بجسمي مدا اگدر
اعبر عن المي احس روحي تريد تطلع..
_احس روحي اريد احجي بس لساني
مربوط فتحت عيوني ب الم باوعت يمين
يسار احاول اتعرف على المكان..
_بلمستشفى اني اي بلمستشفى احس
حراره صارت على خدي من دموعي
جسمي يوجعني وجهي نار احس يطلع
منه..
_احس روحي راح اتخبل اريد اموت
اجتني طاقه بس اريد اطلع بيهه قهري
رفعت ايدي املخ بشعري ازلخ خدودي
واصيح..... كافييييييي كافيييي تعبتتت يربيييي
_مليييتتتت يوممم تعالي ليه تعايييي
ربيي اخذننيييي راحح اموتتتتت من الوجععع
اللله ياخذكك جراححححح الله ياخذك بحق الحسين..
_نفتحت الباب والممرضات يدخلن بسرعه
وجراح وجهه مخطوف دخل سريع يحاولون
يلزموني بس فقدتت...
_وخروووو عنييي وخرووووو..
باوعتله بحقدد تخبلت.... اطلعععع اطلعع
برااااا ابن الكلبببب ياحقيررررر...
_ممرضه لازمتني ووحده راحت لجراح
تطلعه باوعلي وهو يبلع ريگه وسحب نفسه
بهدوء طلع..
_جنت اباوعله بكره حقد واني الهث
ماحسيت لمن ضربتني ابرا حسيت
بخمول وعيوني بدت تنغلق..
واني اهلوس ب الله ياخذك الله يخلصني
منك...... هيج ونمت......
••••••••••••••••••••••••••••••
«شهد»
_ساعه ب2 الفجر جنت اقرا ابد ما انطي
راحه لنفسي لازم اقرا وجراح همين ملزم عليه
اله اطلع معدل عادي...
_سمعت صوت صراخ طفرت من مكاني
واني اريد اوصل للصوت اشوف ماما تدگ
ب باب جراح والصوت منه..
: لميس ورويدا شافن الوضع بهدوء وراحن
لغرفتهن اني احس رجليه ماتن من الصراخ
الي من الغرفه..
_حاولنه ودگينه الباب بس ماكو فايده
شوي وصوت الصراخ اختفى...
شهد: جراححح جراح افتح الباب
جراح بس افتح الباب..
خمائل: ولك شسوييتت بلبنيههه ولك
جراححح افتح الباب راح تموتنيي..
_هيج ونفتحت الباب جراح شايل
جوهره مدمايه حسيت ماضلت قطرة
دم بجسمي من الخوف..
_نزل يركض بيها واني فاتحه عيوني بصدمه
ماما ضلت تلطم على خدها وتركض ورا..
_ضليت جامده بمكاني واني خايفه
بس لا...........
•••••••••••••••••••••••••
«جوهره»
_فتحت عيوني واشوف الممرضه
تسوي بلمغذي باوعتلي ابتسمت
وگالت..
الممرضه: ها يحلوه شلون صرتي..
_باوعتلهه ب برود وگلت بدون اهتمام..
جوهره: زربه شلون صرت..
_بللت شفايفها تحاول تكتم ضحكتها
وگالت..
الممرضه: زوجج ديسويلج ورقه تسجيل
خروج اتحملي حبيبتي..
_باوعتلهه بتعب وگلت..
جوهره: انتم غير لازم اذا هيج حالات
تدخللكم للمستشفى تجيبولهم ضابط
يسأل عن الحاله شو ما اجاني ضابط شرطي؟
_عگدت عاجبها وضحكت وگالت..
_لعد غير..
_گال هيج ودخل جراح بطوله باوعلي
درت وجهي وحجه ويه الدكتوره..
جراح: اگدر اخذها؟؟
الممرضه: اي تگدر بس من بعد ميخلص
المغذي..
_هز راسه موافق وطلعت الدكتوره وهو
سحب كرسي بحيره وكعد رخيت نفسي
حاول يساعدني بس دفعته..
باوعتله بحقد وگلت..
جوهره: لاتساعد ولاشي خوفك من مساعداتك
على گولة المثل ساعه صحاب ساعه گحا**..
_نزل راسه يريد يكتم ضحكته ماگدر دار وجهه
واشوف جسمه يهتز شگلت هسه اني اكو شي يضحك؟...
_والله عجيب درت وجهي ماريد اشوف خلقته
ضلينه على هل حاله لمن سمعت صوته..
جراح: جوهره...
_ماجاوبته وبقيت ساكته بدون ماباوعله..
جراح: جوهره انتي تدوسين ب بطني
واني ساكتلج كتلج كفي شري..
_هم ماجاوبته..
جراح: الي صارلج تستاهلينه محد گالج
تعاي لحي وعانديني وتدرين بيه اني شلون..
_ماحجيت شي وضليت على نفس حالتي..
_دقايق واجت الدكتوره وخرت المغذي
وگمت من مكاني مكدرت احس رجلي مكسره
جسمي كله مكسر غمضت بوجع شافني بحركه
سريعه شالني..
+
_باوعتله وخزرته وگتله ب امرر... نزلنييي..
جراح: اشش..
_غطيت وجهي بقميصه واني احاول ماشوف
الناس من فشلتي لمن طلعنه شفت دنيا صبح..
_صعدني بلسياره وهو همين تحركت السياره
وبعد طريق هادئ وصلنه نزلت قبل ليجيني
حاولت اضغط على نفسي راد يشيلني خزرته ودفعته..
جوهره: لاتشيل بس خليني استند عليك..
_نزل نفسه حته يصير بطولي بس
هيج وشالني ضحك واني كارهته
شخصيا وعقليا..
_دخلنه للبيت واشوف الكل كاعد
اجت عمتي خطيه تعبانه..
خمائل هلا يمه هلا حبيبتي صعدها
لغرفتها جراح..
_ابتسمتلها بتعب وصعدني بساع للغرفه
خلاني ع جربايه مددت وغطاني باوعت للباب
دخلت شهد وعمتي ابتسملي وتقدمن..
_شهد: متشوفين شر حبيبتي..
ابتسمتلها وگلت... شر مايجيج شهوده..
خمائل: اطلع برا جراح..
_باوعلهه ماعاجبه وطلع ك انه عصب..
_كعدت عمتي مقابيلي وگالت..
خمائل: شبيي هذا تخبل؟ ليش هيج سوا؟
_شهد: اي والله نصدمت بس يجوهره
لازم مسويتلج فد مكسوره..
جوهره: هو اخوج كله على بعضه مكسوره..
خمائل: دسولفيلي يا يمه..
جوهره: اول شي خاله قبل كلشي
انتي شلون قبلتي ابنج يتزوج وحده
متعرفين عنها شي؟؟
_باوعتلي بحيره وباوعت لشهد
ورجعت باوعتلي وگالت بتلعثم..
خمائل: جج جوهره يمه حبيبتي اني اسولفلج
بس لتاخذين نضره علينه والله مو مثل ماتفكرين..
_استغربت وگلت... سولفي خاله سولفي..
خمائل: شوفي يمه بيومها جنت كاعده
ودخل جراح متعوب وماطايق كلشي
ماشوف غير كسر الدنيا حته التلفزيون شاله
وكسره..
_گمتله اهدي بي بس زين مالاحتني ضربه
جراح اذا يعصب بعد ميشوف شي..
_شهد جانت بلمعهد ولميس ورويدا بغرفهن
اذا تنگلب الدنيا ينزلن يشوفن الوضع عجبهن
يبقن ماعجبهن يصعدن..
_ف نزلن هنه باوعن وصعدن متعودات مو شي
جديد..
_ف انتضرت جراح يهدئ وصدك هدئ ورحتله..
خمائل: شبيك يمه شبيك مو راح اموت من وراك
غير تحجي..
جراح: يمه كلشي خرب فجئه..
خمائل: شلون يعني؟
جراح: مو على اساس اسلم هاي البنيه
ال خطفتها لسليم؟
خمائل: اي؟
جراح: البنيه حالتها دتدهور وتمرضت
ماعرف شنو اسويلها..
خمائل: يمه سلمها وجيب امانتنه مو گلبي خلص..
جراح: يمه شبيج دا اگلج البنيه مريضه
حته حالتها خربت خراب ماگدر يوم ماگدر تورطت..
_خمائل: هسه شتسوي؟
جراح: ماكو غير حل اجيبها وتستقبلوها
ك زوجه الي وسالفة الامانه ندبرها..
_انتفضت من مكاني وصيحت عليه..
خمائل: الى متى ولك الى متى انتضررررر
مو گلبي خلصص ولكك..
جراح: يمه هيه بيدييييي قابلل لاتلومينيييي
رحمة للكائنات خلصصصص ال گلت عليه
يتنفذ..
_طلع معصب صدك ورا كم يوم اجيتو انتم
اول مشفتج حبيتج مثل بناتي والله..
_دموعي ينزلن بغزاره واني احاول استوعب
باوعت لشهد تبجي وهي تستوعب الكلام..
جوهره: شگد قذرين لعد انتم الله ياخذكم
الله ياخذكمممم گلتتت انييي گلتتتت
الابن خرا ابن خراااا عليمن لازم يطلعع
غير على اهله..
شهد: ج ج جوهره بب بس اهدي خل افتهم..
جوهره: شتفتهمين شهد لخاطر ربج كلشي
واضح وضوح الشمس..
_باوعتلهه تبجي وگلت..
جوهره: والله ولا اشفق عليكم كلكم ويارب
الله ياخذ جزاتي وانشاء الله ب بناتج حوبتي
بيكم كلكم انشاء الله.
_لزمت ايدي تتوسل وتبجي..
خمائل: لايمه لاااا لتگولين هيج فدوه رحتلجج
انتي متدريين شنو ضروفنهه والله متدرين...
_نترت ايدي منها وگلت بعصبيه..
جوهره: مهماااا يكوننن ضروفكممم بنات
الناسسس مو لعبه عندكممم ياقذرينننن
ياخسيسينننن..
شهد: ماتوقعتكم هيج ابد ابد..
_رادت تطلع شهد صحتها ثنينهن يبجن بس
عمتي مارفلي جفن اشفعلها..
جوهره: شهدد..
_باوعتلي وگتلهه.. اخذيني وياج لغرفتج فدوه..
_تقدمت لزمتني استندت عليها ومشتني
طلعنه من الغرفه شفت جراح جاي للغرفه
تجاهلته ومشينه لغرفه شهد دخلت مددتني ع جربايه..
_ماشوف غير الباب نربد........
يتبعععع....
