الڪاتبه/ نور الدليمي 📃💜•
+
_________________
#مهما قسى قلبي يبقى يسعى يلا اسعاد
مقابله'مهما كنت قاسي.
_باوعلي وك انو استوعب طفر من مكانه يركض
لغرفتهه واني ورا اول مادفر الباب نشوف شهد
واگعه بلگاع يم كتبها..
_ركض شالها من مكانها وبدون شي ركض
بيها لبرا واني افتحله البيبان..
_نزلنه ليجوا وهو يركض بيها وخايف
عليها عمتي بلمطبخ طلعت تركض على
خبصتنه..
خمائل: يماااا شبيهه بنتي شبيهه جراحح..
_لزمتها وگلت.. بس خل يطلع واني اجيج
اكلج..
_ضلت تضرب على خدها وركضت ورا
جراح الحراس فتحوله الباب واني ضليت
واكفه قلقانه واباوع صعدو بلسياره وتحركو..
_رجعت ليورا افرك ب ايدي بالي
يمها شبيها وجهه اصفر وشحالها..
_دخلت للصاله شفت عمتي تبجي
وتضرب على رجليها وتبجي ورويدا
ولميس وحده من اليمين واليسار
يهدن بيها..
_شافتني اجت تركض وتريد بس تعرف
شبيها...
خمائل: يما شبيهااا بنيتيي گلبي راح يوگف
تعبت والله العضيممم گليلييي..
_باوعتلهه بتوتر وگلت... عمه والله ماعرف
دخلنه للغرفه لگيناها واگعه..
_گلت هيج وضلت تلطم ولميس ورويدا
يلزم بيها.. يماا بنيتيي يما راحت يمااا
ح تروح من ايدييي... راحت ليل وح تروح
الثانيه يمااا راح اموتت...
_ميفيد الحجي صعدت ليفوگ اكل ب اضافيري
متوتره مادري شكد مر وقت بس ساعات..
_ساعات وماكو خبر نزلت اشوف الوضع
شفت عمتي والبنات كاعدات وصافنات..
_كعدت يمهن دقايق ونفتحت الباب
دخل جراح ولازم ب ايده شهد تمشي
ع كيف عمتي شافتها راحت تركض
وتبوس بيها..
خمائل: يما بنتي يما طيحتي گلبي
ولج ردت اموتتت والله..
باوعت لجراح وگلتله.. شبيهااا يمه
شبيهااا شهدد..
_رد عليها بتعب... صاير عليها ضغط
وبنتج المسعده كلشي ممخليه بحلگها..
_باوع لشهد معصب وصاح بيها... بنت الكلببب
انييي مو اجيبلج اكل علمود تاكليينن ليش متاكلينن
هاااا..
_دمعت عيونها وامها سحبتها لعندها
وگالت... على كيفك يمه فدوه رحتلكك..
_صاح بيهن... شنوو على كيفييي اني ماكل
نعل وهنه ولاجنهننن شلعن گلبيييي وياريتت
يفيددد ياريتتت بنات القندره..
_حلوگجن اشگها اذا نوب يصير الغده لو عشه
وماموجودات..
_باوعلهن وحده وحده خازرهن وصاح قوي..
فهمتننننن؟؟
_كلهن هزن راسهن بخوف وباوعلي وجهه
محتقن اشرتله ب ايدي وگلت... شبيك شعليه اني...
_صاح بيه خلاني اگمز.. لفوگ انتي الثانيه امشيييي..
_ركضت اصعد لغرفتي دخلت شبي هذا تخبل
الحمد والشكر يربي..
_شوي ودخل وراي باوعلي وگال.. حضريلي ملابس..
_هزيت راسي بمعنى اي ورحت طلعتله وهو دخل
يسبح شوي وطلع ينشف بشعره ولاف المنشفه
على خصره مثل كلمره...
_باوعتلهه وگلت ب استهزاء.. متستحي عريان؟
شگد مستهتر..
_ضحك ب استهزاء وگال.. وين متعرين غير يم مرتي
وبغرفتي..
_فتحت عيني بصدمه وگلت.. شگد متستحي
يربي..
_ابتسم ابتسامه جانبيه ونزل ايده للمنشفه
راد يفلتها درت وجهي بساع وركضت اطلع
من الغرفه واسمع صوت ضحكاته العاليه..
_عزاا شگددد ماكووو خجللل يبوووو
احس روحي احتريت من الخجل بداله..
_مشيت لغرفه شهد دگيت الباب مرتين
لمن اجاني صوتها.. ادخل..
_فتحت الباب ودخلت شفتها كاعده
على مكتبتها وتقرا بتعب ابتسمتلها
وتقدمت بستها وگلت... الحمدلله على السلامه يروحي
قلقتينه والله...
_ابتسمت بتعب وگالت... الله يسلمج حبيبتي..
جوهره: عادي اگعد شويه؟
شهد: بدون متسئلين گعدي گعدي..
_جريت كرسي وگعدت يمها وگلت.. خل اسولف وياج
واعتبريني مثل اختج..
_شوفي شهد ادري تردين تطلعين معدل
عالي والكل منتضر منج هل شي لان املهم بيج..
_بس مو معناها تهملين نفسج وتموتينها
خطيه اخوج يكسر الگلب لو تشوفينه
حالته حاله..
_نزلت راسه تمسح دمعتها الي نزلت وكالت
بحزن.. والله العضيم مو قصدي حبيبي هوه
ممقصر وياي بشي بس مكدرت انهاريت..
+
_اريد بس اكمل كمت كلشي ماريد بس
اريد اكمل وابقى اقرا طاقتي نفذت جوهره..
_ابتسمت بقهر وكلت.. حقج بس تدرين
اتمنى هل تعب الي دتعبين بي تمنيت
اكمل دراستي حته لو هيج اتعذب..
_والاحلى من هذا كله عندج سند الي هوه
اخوج ممقصر وياج بشي حته مرات يطلعج
ممخلي شي ب بخاطرج..
_اكل ملازم دورات خصوصيه كلشي..
_خليت ايدي على خدها بحنيه وگلت.. يلا
گومي طيبي خاطره خطيه....
_ردت بتوتر..گاعد هوه؟
جوهره: اي گاعد گومي نروح سوه..
_عافت القلم وگامت تفرك ب ايدها
طلعنه من غرفتها رحت لغرفتي فتحت الباب..
_لگيته لازم التلفون ويتصفح بي باوعلنه
ودار وجهه للتلفون..
_باوعتلها اشرتلها تروحله هيه خطيه
وصلت يمه وبجت وگالت... اسفه والله
العضيم مو قصدي والله ضغط عليه صار..
_عاف التلفون وباوعلها وگال.. واني هيج
موصيج؟ هيج معلمج؟ اجيج الگيج طايحه
بلگاع عبالك وحده حابسينها وگاطعين عنها الاكل...
_لزمت ايده وتبجي... والله ماعيدها بس
انته حس بيه والله مو قصدي جنت بس اريد
اكمل..
_رد بعصبيه.. لعد واني بنت الكلب؟ متگولين
هذا يتعب علينه هذا اذا يشوفج بهيج حاله
شيصير بي؟؟؟ هااا..
_باوعتله خزرته وكلت... جراحح..
_باوعلي متعصب وكال... سكتي انتي الثانيه
قابل جذببب بس الطياح الحض عليه..
_باوعتلهه كسرت گلبي خطيه ليش هيج قاسي
ثواني ومسح على شعرها وسحبها لحضنه..
_هي خطيه ماتت من البجي همسلها وهو
يبوس براسها... يعني اني كم شهد عندي
ها غير اخاف عليج ياحبيبتي..
باوعتله بعيونها الي يدمعن وكالت... متنعاد اسفه..
_حبيت حوارهم وضلو شوي يسولفون
وبعدها راحت لغرفتها اشرلي اجي يمه..
_رحت يمه سحبني لحضنه وگال.. شگد حنينه..
جوهره: اي شهد حنينه حيل..
_ضحك وگال.. لا انتي..
_صفنت وگلت.. اني؟
_گال وهو يضحك.. اي انتي..
جوهره: خوش..
_بعدني عنه شوي ورفع راسي ب ايده
وركز بعيوني انتقلت نضراته لشفتي
ورجع باوع بعيوني..
_گال بهيام... بعدج تردين تعوفيني..؟
_باوعت بعيونه وگلت بثقه... اكيددد..
_بهتت ملامحه ورخه عيونه وگال.. بس اني
ما اگدر؟
_وخرت ايده من حنجي وگلت.. تگدر مثل ما
عرفتني تنساني..
_هز راسه ورفع ايده يمنعني وگال... لا متعوفيني..
_رديت بعناد.. اعوفك جراح اعوفك..
_عيط بيه خلاني افز... متعوفينيييي كتلجج..
_فتحت عيني بصدمه وگلت... شبيككك تخبلتتت..
_ضرب الدولكه على الميز وباوعلي متعصب
.... اييي ايي تخبلتتتت واياج وبالجج تفكريننن
بهل شي متعوفينيييي..
_ضليت حايره بساع انگلب عصبي ضل يصرخ
اندگت الباب اكيد سمعو صوته..
_ركضت فتحتها شفت شهد عاگده حاجبها
وتباوع للغرفه شافت جراح كاعد مخلي راسه
بين ايده ويتنفس سريع..
_هزت راسها بمعنى شكو؟؟
_رديت عليها متوتره... مادري والله..
_باوعتله گام سحب غراضه وطلع
بدون ميباوع لزمت ايدي ومشت للجربايه..
_گعدت وگعدت مقابيلي وگالت... احجي شبي..
_گلت واني حايره... لج ما ادرري كاعدين
گلي جوهره بعدج تردين تعوفيني كتله اكيد
وشو تخبل..
_ضربت گصتها ب ايدها وگالت.. جوهره صدك تحجين
والله مدا اعرف شبيكم ساعه حبايب ساعه مادري شنو..
_باوعتلها متنرفزه وگلت.. شهد لاحبايب ولابطيخ
صح ذيج الفتره شفقت عليكم او عليه بل اخص
بس مو معناها نسيت كلشي وحن گلبي عليه..
_لزمت ايدي بتوسل وگالت.. ترا ياجوهره بقه كم يوم
ويصيرلكم سنه مع بعض ماتعودتي..
_واخوي والله مبين يحبج..
_رديت ب استهزاء... يايحبني متكليلي يايحبني
وبعدين حته لو مستحيل ابقى ويا بعدني صغيره
والحياة گدامي..
_ردت تريد تقنعني.. بس مو معناها تعوفينه
صدگيني اذا صرتي تهتميله راح تحبينه
وهوه همين ويخليج اسعد وحده والله اخوي واعرفه..
_جوهره ترا جراح حنين والله العضيم
ودوم اگول هنيالها ال تاخذه...
جوهره: هسه اني مو زوجته ششفت منه؟
كافي شهد لتحاولين تقنعيني اخوج كلما
اتذكر السوا بيه اضل ماطيقه..
_ردت بتنرفز.. لعد وعمامج سوو بيج اكثر
من الي سوا اخوي بيج ترا مسوالج شي
قابل خطفج واغتصبج لو شنو گالبه الدنيا كلها..
_وحته تزوجج وماشفته اذاج بشي بعد شنو
هل غرور ترا ماميت عليج..
_رفعت حاجبي بصدمه من طريقه كلامها
وگلت... لعد اني ميته عليه بيج حض
روحي قنعي يطلگني شهل لزگه..
_گامت من مكانها وباوعتلي وگالت.. يطلگج
يطلگج لتخافين بس ادورله الي تستاهله..
_كالت هيج وطلعت تنرفزتتت حيلللللل هاي
شجاها هيج نگلبت اسم الله شبيها العالم
كلساع وجه..
_رجعت ليورا مددت وبعد تفكيررررر
نمت...
_مر يومين جراح ماكو واني بس انزل
اكل واصعد انام..
_مر اربع ايام وابد ما اله وجود ولا سمعنه
شي عنه عمتتي متخربطه كلش..
_رويدا ولميس دوم بغرفهم حته هن مبطلات
من المدرسه لان يخافن يطلعن..
_اما شهد كلما تشوفني احسها تريد تحجي
بس اصدها واوخر عنها...
_بيومها كعدت بلصاله وسمعت صوت من غرفه
عمتعمتي رحتلها شفتها وجهاا شاحب وصاير اصفر..
+
_باوعتلها وگلت... تردين شي؟
_هزت راسها وگالت بصوت مبحوح.. اي ماي..
_تقدمت اخذت الدولكه وصبيت مي بلگلاص
وتقدمتلها رفعتها من راسها وشربتها..
_بعد ماشربتها نزلتها بهدوء وخليت راسها
على المخده وگلت... بعد تردين شي؟
_گالت بقلق.. يمه جراح ماخابر؟
جوهره: ب الاساس اني معندي تلفون وماخابر
على جاهزج..
_خمائل: خابري انتي يمه شوفي.
_درت وجهي اشوف التلفون اخذته
ودخلت على رقمه واتصلت ماكو
مغلق..
_جوهره: مغلق..
_ردت وهي تكتم شهگاتها.. يمه وين راح ابني
صارله اربعه مدري خمس ايام ماكو..
_رديت بتوتر.. لتخافين يجي..
_شفتها تريد شي لو لا وطلعت اندگت الباب تقدمت
افتحها شفت كوثر اخت جراح..
كوثر: هلاا هلا جوهره شلونج حبيبتي..
_باوستها وگلت... هلا بيج عمري الحمدلله وانتي..
كوثر_بخير بخير دتعاي كعدي..
_باوعت يمين يسار واشرت براسها وگالت...
شنو وين العالم..
جوهره: جراح ماكو خمس ايام صارله وخواتج
بغرفهن..
_ردت بصدمه... ياا وين شنو متدرين عنه..
جوهره: اروح اجذب عليج مادري والله نتصل مغلق..
_ردت وهي تضرب بخدودها.. يا يمه وين راحح
صدك جذب وين امي.
جوهره_نامت ستوها مريضه خطيه.
كوثر: صدكك تحجينن..
جوهره: حقج اذا بلسنه حسنه تجين..
كوثر: سكتي عني جوهره اني اجي بس المصايب
تتلگاني المن جايه بعد متگليلي..
_سحبتني من ايدي گعدنه على القنفه وگالت... صدك
ليل جايه ومدري شنو...؟
جوهره: اي صح..
كوثر: الله لاينطيج يا ليل مردتينه مرد بنت الكلب..
جوهره: هاي انتي وجراح هيج تحبون تغلطون على ابوكم..
_ردت وهي تفر ايدها وگالت... مستكتين خايبه يا ابونه
الارعن..
_فتحت عيني بصدمه وگلت.. يااا تخبلتوو الحمد والشكر..
_بهل اثناء الباب اندگت كمت فتحتها وكوثر وراي
وجان نشوف ليل واگفه ب اناقتها دخلت وگالت... كوثررر
حبيبتيييي...
_رادت تحضنها بس سرعان ما حصلت راشدي من كوثر
طيحها ب الارض باوعت لكوثرر تلهثثث بقهرررر....
يتبععع....
