الڪاتبه/ نور الدليمي 📃💜•
اسفه حبايبي تاخرت عليكم بس والله جنت مشغوله🫶💕
قرائه ممتعه🤍.
_____________________
#_صعب تكون الحياة مليئه بلسعاده هنالك شيء اسمه حزن
الذي يختزن في الصدر ليفور حزنك...
_انتفض جراح من مكانه وحار شيسوي
ركض للغرفه اخذ غراضه ونزل يركض..
_طلعو ثنينهم ورويدا ولميس ركضن ل امهن
مرعوبات وشوي واجت عمتي مفزوعه وتبجي
وعمي واگف بحزم..
_ولميس ورويدا وجوهن صفر ويرجفن
ويبجن..
_مادري شگد مر وقت بس بعد ساعات
الباب نفتحت باوعت لجراح وشكله يطمن
انو لگاها..
_بس دخل هو ويوسف بس ماكو ليل!!!!!!!!..
_عمتي ركضتله وهي ملهوفه... ها يمه
وينها وينهااا بنيتييي يمه..
_لزمها يطمنها وهو فرحان... لگيتها يمه بس
ماقبلو ناخذها ويانه كالو احنه نجيبها..
_بجت عمتي وتگول بحسره.. يمه خاف
جذب..
جراح: لا يوم هل مره صدگ امشو برا نگعد
بلحديقه ننتضر.
_طلعنه كلنه كاعدين برا منتضرين
على احر من الجمر هسه شحالها
خطيه اكيد معذبها اكيد..
_الكل متوتر وكلساع واحد مباوع للباب
يتفقد وجودها..
_بهل لحضه رن تلفون جراح رد بساع
وهو ملهوف ويگول.. دخلووو..
_نفتحت الباب بكبرها واحنه كلنا وگفنه
جان نشوف دخلت وحده شنو من اناقه
وجمال الشعر مفتوح يتطاير ويه الهوى..
_لابسه بنطلون اسود جلد وستره طويله
جلد لبستها تخبل..
_دخلت تمشي بهيبه او وراها شخص
لابس بنطلون وقميص اسود احسهم
مطقمين ونفس الشخصيه..
_الكل اندهش واني ماعرف شنو الموضوع
تقدمت وصارت گدامنه وتباوعلنه واحد واحد..
_لكن احنه؟ محد اهتز من مكانه الكل جان
جامد بمكانه ليش؟..
_تقدمت الشابه لعمتي وبحنيه حضنتها وعمتي
ماتعرف شتصرف..
_يومم حبيبتي مشتاقتلج حيلل..
_جراح باوعلها وهي باوعتله تقربت
تحضنه وورفع ايده يمنعها ومستغرب..
جراح: شنو هاي؟
_بعدها باوع للشخص وگال بنتر.. انته شتسوي هنا؟
_اردفت بحزن.. هيج تستقبلني جراح؟
_جراح: ليل؟ انتي ليل؟ لا مو ليل..
_باوعت ل لميس ورويدا تقدمت حضنتهن
وهنه يبجن..
ليل: شبيكم ليش باردين..؟
_باوعتلي واستغربت وگالت.. منو انتي..
_اردفت بتوتر.. زوجة جراح..
_باوعتله مبتسمه... جراح تزوجت حبيبي..
_هيج وجراح شال الطبله ورگعها بلكاع
الكل فز من تصرفه..
_هاي ليل بس شهل حاله؟ عبالك جانت
مسافره تتونس حالتها مو مثل مجنه مفكرين؟
_تقدم جراح بحركه سريعه جاب سليم ب بوكسي
طيحه بلكاع..
_ركضت ليل تبعد جراح بس هو فقد
يضرب بي وهي تصرخ ماشوف غير
طلعت تلفونها تتصل تطلب مساعده مدري شنو..
_شل موضوع راح اتخبل ماشوف غير
دخلو مسحلين والحراس بيناتهم ميخلوهم
يتقدمون..
جراح: لكككك كلبببب ادفنككك وربكككك
ادفنكككك ابن*** يا**** والله ماتخلص
مني يااا****...
_رجع يضرب بي لمن صار صوت الاسلحه
والطلق خليت ايديه على اذااني اخفف من صوت
الطلق ..
_تخبلت هاي شبيها تتهجم على اخوها بعصابتها
اخر شي تدخلو وگدرو يفاككونه وجراح مثل
الثور يريد يموته خلص عليه خلاص..
_اما ليل تبجي على سليم وحاضنته
طلعو سليم بسرعه لان حالته تعفست..
_باوعت لجراح وگالت وهي تبجي... ليشش
هيجج سويتتتت..
_صاح بيهه جراح... امشي مناااا گح*بنت
الكلبببب سنين ادور عليها وتجيني مثل الگحا**
وي الگوا** مالتهاااا..
_تقدم يريد يسحلها بس حراس جراح لزمو
وهي طلعت تركض لزوجها..
_باوعت لجراح يغلط ويفشر ورايحه روحه
ويوسف لازمه يهدي بي بس ماگدر حصل ضربه من جراح
رجعت باوعت لعمتي تبجي وتدگ على رجليها بقهر..
_لميس ورويدا حاضنات بعض ويبجن..
_اني هنا شكو؟ سحبت نفسي ادخل للبيت
وتركت كلشي برا صعدت لغرفتي واحس
راسي راح ينفجر شنو الي شفته؟
_مدا اصدگ كم سنه كاتلين روحهم
عليها تجيهم هيج؟ دخيلك ربي شنو صار..
_خليت راسي بين رجليه واخفف من التوتر
الي اني بي ضليت على هل حاله مده..
_لمن دخل جراح بطوله شعره مبعثر
حالته حاله باوعلي بتعب تقدم گعد ع جربايه..
_نزل راسه واحس الف حسره بي باوعلي
وسحب نفسه الي خله راسه على رجلي
وگال بصوت مبحوح.. تعبت جوهره هدت حيلي..
_ضليت ساكته بحاله ذهول شصار بيهم..
رجع گال.. ماتوقعت ابد ماتوقعت ليتها
جايتني مبهذله ومذلوله ولا هيج اشوف المنضر..
_ليالي وسنين ادور منطقه منطقه محافضه
محافضه ماخليت مكان يعتب عليه واني ادور
عليها..
_عيني ماغمضها واني ادور عليها بيوم الي
مالگيها ارجع احس خسران خسران بحرب سليم
الكلب..
_بس هيه شنو مقابل افعالي شسوت اختي
شسوت ساندت سليم وماهتمت..
_خليت ايدي على شعره وضليت امسح
عليه حبيت اغير جو كلت بضحكه متعوبه... شعجب
مامزين شعرك اول ماشفتك جنت مسوي مثل الجنود..
_رد بهدوء... مامتفرغله..
_رديت بعدم مبالاة.. وشنو يعني قبل جنت
متفرغ؟
_هز راسه بنفي وسكت..
_حجيت بشقه: جراحح راسك شثگله
نام على المخده رجليه تكسرت..
_رد... ترا ماصارلي خمس دقايق ليش
تجذبين؟
_زين وخر مو رجليه خدرت..
_رفع راسه وانطاني ابتساامه ماعرفت
افسرها بس حسيت بنيته حزرته و
حزرته وضحك
ضحكه خفيفه..
+
_استند على المخده وفتحلي ايده
سحبت نفسي اله وخليت راسي على صدره..
_جراح..
_رد بهدوء... روحه..
جوهره: معقوله اختك تحبه؟
_رد بدون اهتمام.. طبها مرض لاتجيبيلي
سيرتها جوهره..
جوهره: تمام..
_باسني براسي وضلينه ساكتين لمن
گتله... جراح..
_رد بضحكه... گولي..
_رفعت راسي باوعتله وگلت... ليش هيج
تعامل ابوك؟
_ابتسم ابتسامه خفيفه ودنگ باسني بشفايفي
وابتعد ماحسيت بشي مثل كلمره اتوتر لو اقلق..
_گال.. مو ابوي..
_عگدت حاجبي مستغربه وگلت.. شنو مو ابوك؟
خرب شني من عائله انتم راح اتخبل..
_ضحك اهتز كل جسمه وضحكت اني عليه
وگلت.... والله العضيم شني انتم ههههه..
_باوعلي بهياك وگال.. يرحولج فدوه كلهم..
_ضربته بخفه وگلت... ديلا عود صاير رومانسي..
_گرصني بخصري وخزرني بشقه رديتله الخزره
ضحك وسوه الحركه الي بخشمه
يعكمش خشمه وگال... تلمع جوهرتي تلمع...
_باوعتله بطرف عيني وگلت.. نام..
_قلص عيونه وغمز وگال.. سوه؟
_خزرته وگلت... شگد لوتي ستوه متعوب
وعصبي وحالته حاله وهسه استهتر عليه..
_ضحك وگال... انسى التعب يمج..
_هزيت راسي بصدمه مصطنعه وگلت.... لالا
صايرلك شي انته...
_رد بهدوء... اي صاير جوهرتي لاعبه بيه لعب..
_طفرت من مكاني على اثر گرصته ودفرته برجلي
وصرخت... ليششش تگرصصصص ليششش..
_فتح عيونه بعصبيه مصطنعه وگال... هاي عليمن
تصيحيننن..
رديت بعصبيه.. عليكككك..
_سحبني من ايدي وعضاني قوي نزلت دموعي
ب الم باوعلي يضحك دفرته برجلي وگالت واني ابجي... حقير..
_سحبني يحضني وگال.. شبيج اشاقه وياج..
_رديت واني امسح على ايدي.. لاتتشاقه المجلوب..
_رد.. اعض؟ بطلي تعيلين بيه حته ما اعاقبج..
_جوهره: وانته شنو تعاقبني وجه الجوب..
_رفع راسه يضحك وگال.. احب هاي الكلمه..
_دفعته خازرته وگلت... دوخر وخر المجلوب
هو هذا ال يصير وياك زين تنجلب عليه مخبل.
_گمت عنه وهوه يضحك ولا جنه الخبيث
كمت غسلت ورجعت بمكاني ماريد اطلع..
_جوهره: جراحح..
جراح: هممم..
جوهره: نمت؟
جراح: شتردين؟
جوهره: افتحلي تلفونك ضايجه..
_اخذي..
_مديت ايدي وب ايدي التلفون وگلت.. هو عندي
بس ماعرف الرمز..
_رد بنعاس.. اسمج ب الانكليزي..
_صفنت ثواني واحس نفسي مبتسمه
رجعت ليورا استندت على تاج الجربايه
وجربت اسمي وصدك نفتح..
_دخلت على الواتساب ابحوش
واشوف ارقام هواي دخت طلعت..
_نوب رحت دخلت على الفيس اگلب
ماكو شي بعدها رحت لليوتيوب اباوع توم جيري..
_ضليت اباوع ساعتين مندمجه وكلما يخلص
اطلع غيره..
_نايمه على بطني ومندمجه حسيت ايده صارت
على ضهري باوعتله مبتسم وگال.. زعطوطتي..
_باوعتله بطرف عيني وگلت.. دنجب.. ورجعت اباوع...
_كرصني غمضت عيني اصبر نفسي درت
وجهي خزرته..
_خزرني اقوا لما يخزر خزرته
الحقيقيه تخوف اما الي يسويها بشقه
عاديه..
_سكتت وگال.. وكحه كلش..
رديت واني مندمجه... تعلمت منك..
جراح: كافي جيبي التلفون عيونج راحن..
_سحبه مني ورديت بترجي.. لا حباب اخر
فيديو شبيك..
_رد ب اهتمام.. بابا اني انطيجيا بس مو هيج
ساعات متطاوله تباوعين يعني نمت وكعدت على
نفس الحاله انتي..
_نزلت راسي زعلانه رفع راسي ب ايده
يرضيني وگال.. جوهرتي بليل انطيجيا وهمين
اريد اطلع..
_فجئه اجت على بالي شهد ابد مابينت؟؟؟
تغيرت ملامح وجهي باوعلي مستغرب گال... شبيج
جوهره..
_باوعتله اتسائل.. جراح شهد شهدد ابد مابينت
حته من صارت الحادثه ماهيه..
_باوعلي وك انو استوعب طفر من مكانه يركض
لغرفتهه واني ورا اول مادفر الباب نشوف شهد
واگعه بلگاع يم كتبها......
يتبعع.....
