عقدوا القِرآن على مهاء والشيخ محمد وحددوا الزواج في العيد الليل .. مهاء وفهد صدمهم كبر سنه وإنه شيخ قبيله ومتزوج اثنتان واولاده الكثيرين .. مهاء بكت بشده من هذه الحياة التي تعيشها ستفارق أخيها الحنون وبيته الدافئ والجميل .. ولدها ستضعه عند خالتها حصه لأنها تعلم أن زوجة أخيها لن تقبل في تربيته .. مهاء وفي قلبها يمكن أنهُ افضل من زوجي الأول وان كان كبيراً في السن من يدري ..!!
الله يكتب لي الخير والنصيب المستقر والأفضل والأريح على قلبي ..
****
في ليلة العيد جالسه مهاء هي وخالتها يبخراً ملابسها الجديده التي اشترتها مع أخيها فهد .. لم يترك أي شيء في قلبها الا وأشتراه .. هي لم تتكلم لأنها تعلم بظروفه ولكنهُ أصر عليها واعانته خالتها حصه في شراء كل شيء تحتاجه .. فهد لا يريد هذا الزواج ولكن ما باليد حيله لقد وافقت اخته ورضيت بنصيبها ..!!
دخل فهد وهو يشم رائحة البخور الطيبه والقى السلام .. رداً عليه وهن لم يلتفتن كانا مشغولتان .. فهد ضحك: ما خفرتيها يا خاله ذي الحريوه ..
حصه ضحكت وهي ترفع الثوب: ماشي حولها مابلا انا لحالي .. مرتك ذي مابلا داخل في غرفتها ..!!
فهد اقترب منهن وجلس يناظرهن: مرتي ما تحب العرب .. وقدها في بيت هلها ذلحين ..
مهاء بدون اهتمام: احسسن حاااجه ..
حصه التفتت إلى سالم الغارق بنومه: يا فدييت ذا اللي ما يحس بحد هههههه
فهد ضحك وهو يناظره: ماذا ما درى هو يتعبى من النوم والا من الأكل .. مابلا يوكل ويرقد ويالله ..!!
حصه ضحكت .. مهاء مدت بوزها بزعل: يا ويلكم من الله وش تبوه يسوي ذا النوني ..
فهد التفت اليها: كيف با تتحملي فراقه ذا النوني على قولتك ..!!
مهاء ابتسمت بحزن: مدري قدني اعبي دموع من ذلحين ..!!
حصه رفعت حاجبها: انا لمنعك من الدموع والوحده حريوه تخرب المكياج وتسوي جنان .. خلي الرجال يشوفك وانتي مبتسمه مهوب تبكي
مهاء بحسره: يوووه يا خاله اللي يسمعك يقول مدري كيف ذا الرجال .. مهوب شيبه مدحدح حالته حاله ..!!
فهد ضحك: يا مهاء تخيلي انه يموت في اليوم الثاني هههههههه
مهاء ضحكت: شوقي شوقاه كان افتك منه ..
حصه بدهشه تناظرهم: يا ويلي وشبكم على الرجال .. عوذوا من الشيطان لا تنطقوا عليه ذلحين يموت ..
مهاء وفهد بصوت واحد: يااااارب ..
حصه بأستنكار: تبي تتأرملي يا ذي المخدوعه .. اسمعيني زين شفيه رجال مطبل فلوس اكسبي قلبه وخليه يعيشك في نعيم .. تماام
مهاء بقرف: ييييع .. ما أتخيل شكلي مع شيبه ..
فهد بضحكه: لا توقفي قلبه قد عنده مرض القلب ..
مهاء تاشر له بحواجبها: تقولها يا خوي ..!!
حصه بصرااخ قاطعتهم: يا مجانيييين وش انتوا تهاذفوا .. ذا شيخ قبيله ومعه عيال وبنوت ذنوب عليكم ..
فهد بأحباط شديد: ياخاله وانتي صدقتينا ذلحينه .. محناب مجرمين لذي الدرجه ..!!
مهاء وهي تأخذ المبخره: ماااعل .. متفاعله منها والصدق ..
حصه بقهر: لعن وجيهكم انا استاهل اجي عندكم ..
مهاء حطت المبخره وعلى طول احتضنتها .. فهد ضحك وهو يأشر عليها: الا انتي تضيقي منا ..!!
