****
كتبت شعر غزلي يتكون من بيتين .. ابتسمت بحب وهي ترى أسمهُ على الصفحه .. سمعت صوت دق خفيف على الباب التفتت لترفع صوتها: ادخُــــل ..!!
فتحت الباب لتدخل بأبتسامه: مساء الخير ..
خلود ابتسمت: مساء النور ..
ساره تقترب منها بأبتسامه: وش تسوي ..!!
خلود اغلقت مذكرتها بلونها الوردي: اكتب خواطر .. لييه ..!!
ساره اخذت يدها لتقف: تعالي اكلمك ..
خلود خافت من نبرة أمها: عسى ما شر ..
ساره تجلس على السرير وخلود تجلس امامها بقلق: عمتك عبير كلمتني اليوم ..
خلود زادت نبضات قلبها وهي تبلع ريقها: وشو به ..؟!!
ساره بأبتسامه: تقول ان غازي يباك .. وانه يحبك من وعادكم صغار .. وهو ولد عمك واولى من الغريب ومشاء الله عليه رجال كااامل ودين واخلاق وجمال ويلابق لك .. هاه وش قلتي ..!!
خلود صدمتها كانت كبيره جداً .. لم تتوقع ان ولد عمها عبدالعزيز يعشقها .. لااا بل هي تعشق ولد عمها محمد .. "صالح" وتعشقه منذ الصغر ولم تفكر في أحداً سِواه .. بقيت اولاد اعمامها لا تراهم الا مثل اخوتها وغازي منهم .. ماذا ستفعل ... يبدوا ان "صالح" لا يفكر فيها مجرد تفكير ويعلم بحب غازي لها .. يا إلهي ماذا سأفعل .. ما هذهِ الصدمة يا أمي ليتك لم تقوليه وليت عمتي لم تكلمك وليت غازي لم يفكر بحبي ..!!!!!
ساره بأستغراب وهي تراها مصدومه: خلووود .. وشبك كنك منصدمه ..!!!
خلود بلعت ريقها ببطء ونطقت بهمس: غازي ما أشوفه الا مثل أخوي .. عشان كذا انصدمت ..
ساره عقدت حواجبها: كيف مثل أخوك .. ذا ولد عمك ويقول انه يباك .. محد يرد هله .. خلووود خلي ذا الدلع الزايد ..
خلود تجمعت الدموع بعينيها: طيب خليني افكر على راحتي ..!!
ساره هزت رأسه: ايه مأنا اباك تفكري .. ها وفكري زيين مهوب تقولي اخوي والا اخوي .. شفي الولد با ينخدع عليك ويباك وش ازين منه والله ان يعيشك في نعييم ..
خلود هزت رأسها بحزن شدييد لااا لاا لم أتوقع انهُ يعشقني .. ليت أن هذا العشق يوجد في قلب شخصاً آخر هي تريده .. ساره تركتها وسط حيرتها واغلقت الباب عليها .. رفعت رأسها إلى الأعلى ومن قلبها: يااااااارب انها توافق عليه .. يااارب وفقها ..!!!
من بغيناه
عيا البخت لا يجيبه ..!!!
****
سالم يغطي جسمه باللحاف الخفيف وهو ينظر إليها: شغلي النور الأزرق يجيب الهدوء والنوم ..!!
مهاء وهي تضع الكوب بعد ان شربت الماء على الطاوله الطويله .. والتفتت لزر الأضواء لتطفئها وتشغل النور الأزرق .. سالم ابتسم براحه: ها اسلمي ..!! .. مهاء تقدمت اليه وبجانبه تسنيم نائمه وهي ترتدي بجامه عليها صورت الكرتون "ميكي ماوس" جلست على السرير ورفعت الغطاء عليها: نوم الهناء يا قلبي ..!! .. قبلتها على خدها وانسدحت على جانبها وهي تنظر إلى سالم الذي كان مغلق عيناه: تصبح على خير سلوومي ..!!
سالم ابتسم ولم يفتح عينيه: وانتي من هل الخير ..
مهاء ابتسمت بحب وهي تراه يغط بنوماً عميق .. تنهدت وهي تخفي الحزن عليه .. لا تعلم لما هي قلقه وحزينه وخائفه عليه من المستقبل .. تشعر أنهُ سيُخاطر بنفسه لأجلها .. يتمنى ان يرى والده واهله جميعاً لكنها رفضت لا تريد ان يبتعد عنها ويتعلق بوالده وينساها .. نظرت إليه لتنزل دموعها بقوه وتكتم شهقاتها .. "يااارب جعلني مأشوف فيه الا الخير .. يالله تحفظه لي وتبقيه وتسعده في حياته وتبعد عنه عيال الحرام وبنات الحرام وترزقه رضاك وتبقيه كذا بار فيني ويهمه رضاي .. الله يحفظك لي انت وتسنيم وفهد وعياله ياارب"...
