****
رمت الكتاب بقوه وهي تزفر هواء بغيظ: وييين جيييت ..؟!!
تسنيم تنظر اليها وهي فوق السرير: وشو يا امه ..؟!!
مهاء تنهدت بتعب: الدفتر الأصفر شفتيه ..؟!!
تسنيم حركت رأسها برفض: لوم ..
مهاء بحيره: وين جبتناه يا ربي ..!!
تسنيم جلست بجانبها على الأرض وهي تتذكر شيئاً: انتي قلتي لي لا اتكلم مع رجال غريب صحح ..!!
مهاء التفتت لها بين تفكيرها: ايه ..
تسنيم تتذكر ملامح حمد: يوم انتي وصيتيني اجيب ماء من البقاله اللي واطي .. مسكني رجال وقال لي من انتي عليه ..؟!!
مهاء بدون اهتمام لكلامها التفتت تبحث عن كتابها .. تسنيم تكمل: وهو يشبه لسلومي وجاء سلومي قال وش تسوي هناا ..؟!!
مهاء التفتت لها: يشبه لسلومي ..؟!!
تسنيم هزت رأسها بنعم: ايه .. وهو مدري وشبه عصب يوم شاف اخوي سالم وروح .. وسالم اخوي يلحقه وهو يحلف مدري وشو عليه وجاء رجال يعاور اخويه .. والله وجاء ذا الرجال اللي يشبه سالم وتقاتل هو وياه لين شرد الرجال ..
مهاء فتحت فمها من حديث ابنتها رمشت بعينيها بصدمه: وشبك ما قلتي لي إلا ذلحين ..!!
تسنيم وهي تحتضن دميتها: نسيت اقول لك .. عادني تذكرتنا ..!!
مهاء بأهتمام: ومنهو ذا الرجال اللي يشبه لسالم ..؟!!
تسنيم رفعت كتفيها: ماعل اول مره اشوفه ..
مهاء عقدت حواجبها: يشبه لسالم جدا والا شوي ..؟!!
تسنيم تتذكر ملامحه: إلا يشبهه جداا غير فيه لحيه مثل خالي فهد واطول من سالم اخوي قده كبير ..
مهاء بصدمه تنظر لإبنتها معقول هل هو والد سالم وما الذي اتى به ذلك اليوم .. اتاها صوت تسنيم الطفولي: وعيونه صفراء ..!!
عيونه صفراء إذاً انهُ هو بالتأكيد .. قالت ابنتي عن صفاته كُلها .. من الذي يمتلك هذهِ الصفات غيره .. ماذا كان يريد هل اتى ليزور اخي فهد ام ولدي سالم ..!! .. نظرت لتسنيم بفضول: وش قلتي له يوم سألك من انتي عليه ..؟!!
تسنيم نظرت لوالدتها: قلت بنت محمد بن نااااصر ..
مهاء ابتسمت: وش قال ..؟!
تسنيم هزت رأسها: قال وهو كنه مستغرب محمد بن نااااصر ..!!
مهاء بقهر ضربت بيدها على الطاوله: كان قلتي محمد بن ناصر آل قواد ..!!
تسنيم مدت بوزها بطفوله: نسيتنا ..!!
مهاء حركت يدها بتفاعل: وش قال بعدين ..؟!!
تسنيم تحاول ان تتذكر: امممم .. انا قلت له وانت من انت عليه .. قال انا ابوك وهو يضحك ..
مهاء بصدمه: ويييش ..!!
تسنيم بأبتسامه: اييه هو قاله .. وقلت كيف ابوي .. قال من الأسلام وهو يضحك ..!!
مهاء بقهر: علييه خزوة الله ذاك المتعجرف .. جعل حسبي الله عليه .. الله يرويني فيه عجائب قدرته ..!!
تسنيم بأستغراب: لييه ..؟!!
مهاء تنسيها الموضوع: ولا شيء .. تعالي عندي في المطبخ بأسوي الفطر ..
تسنيم تمسكت بيدها بأبتسامه: هيااا ..!!
