မနက်ခင်းကိုရောက်ရှိလာခဲ့ပြီဖြစ်သည်။ တကျီကျီအော်မြည်နေသောကျေးငှက်လေးတွေရဲ့အသံနဲ့လင်းကြက်တွန်သံတွေဟာကျေးလက်မနက်ခင်းရဲ့ကဗျာဆန်သောအလှတရားပင်ဖြစ်လိမ့်မည်။
“ငါ့တူကြီးနွေဦး နိုးပြီလား ဒီမှာကောက်ညှင်းပေါင်းပူပူလေးနဲ့ငါးခြောက်ဖုတ်လေးလာစားလှည့်”
“အနံ့လေးတွေကမွှေးနေရောကြီးတုတ်ရယ်”
“စားကြည့် တောမှာတော့စားစရာဆိုလို့ဒါတွေပဲရှိတယ်ငါ့တူရယ် မြို့မှာလိုကော်ဖီတွေကိတ်မုန့်တွေဘာတွေတော့မရှိဘူးပေါ့ကွယ်”
“ရပါတယ်ဗျာ ရောမရောက်ရင်တော့ရောမလိုကျင့်ရမှာပေါ့ ဒါလေးတွေလဲအဆင်ပြေပါတယ်”
“အေးပါကွယ် ငါ့တူကြီးအဆင်ပြေရင်ပြီးတာပါပဲ”
“ဒေါ်ကြီးတုတ်ရေ ဗျို့..ဒေါ်ကြီးတုတ်”
“ဟေ...ဘာကိစ္စတုန်းပြောစမ်း”
“သူကြီးကဒေါ်ကြီးတုတ်ကိုအခေါ်တော်လွှတ်လိုက်လို့ ဧည့်သည်ကိုပါခေါ်ခဲ့ခိုင်းလိုက်တယ်ဗျို့”
“အဲ့တာဆိုကျွန်တော်တို့သွားရအောင်လေ”
“မနက်စာလေးစားပါအုံးကွယ် ပြီးမှသွားကြတာပေါ့”
“ကျွန်တော်ဗိုက်ပြည့်ပါပြီ သွားကြတာပေါ့”
ကြီးတုတ်နဲ့နွေဦးတို့သူကြီးအိမ်သို့လိုက်သွားကြသည်။သူကြီးအိမ်ကိုရောက်တော့အိမ်ပေါက်ဝမှာသစ်ရိပ်ဆွေးဆိုသူတစ်ဦးကပုဆိုးကိုမတိုမရှည်အတော်အသင့်ဝတ်ထားပြီးပေါက်ပြားကိုထမ်းကာထွက်လာခဲ့သည်။နွေဦးကပျူငှာစွာပြုံးပြလိုက်ပေမယ့်သူကတော့တစ်ချက်မှပင်အဖတ်မလုပ်ပဲသူ့လမ်းသူသာဆက်၍သွားတော့နွေဦးအနည်းငယ်စိတ်ကသိကအောင့်ဖြစ်သွားရသည်။
“လာ မယ်တုတ်ထိုင်ဗျာ ဒီကဧည့်သည်ကောင်လေးလဲထိုင်ကွာ”
“ဟုတ်ကဲ့ဗျ”
“သူကြီးကျုပ်တို့ကိုအခေါ်တော်လွှတ်လိုက်တယ်ဆိုလို့ ဘာကိစ္စများရှိလို့လဲသူကြီး”
“အိုလေ ကိစ္စကတော့အထွေအထူးရယ်လို့မရှိပါဘူး မြို့ကမယ်တုတ်တူရောက်နေတယ်ဆိုလို့တွေ့ချင်လို့သာဒွန်းကိုခေါ်ခိုင်းလိုက်တာဗျို့”
YOU ARE READING
မောင့်ချစ်သည်း[Ongoing]
Romanceတောသားနဲ့မြို့သားအကြောင်းကိုအခြေခံပြီးရေးထားပါတယ် စိတ်ကူးယဉ်သက်သက်မို့ဒီဇာတ်လမ်းထဲမှာအသုံးပြုထားတဲ့ရွာတေကအပြင်မှာရှိချင်မှလဲရှိပါလိမ့်မယ် upကတော့တရက်ခြားတခါနှစ်ရက်ခြားတခါဖစ်နိုင်ပါတယ် ဒါပေမယ့်မအားတဲ့ရက်တွေဆိုရင်တော့upကပုံမှန်ထက်နောက်ကျပါမယ် အဲ့တာကြေ...
![မောင့်ချစ်သည်း[Ongoing]](https://img.wattpad.com/cover/373897640-64-k251043.jpg)