ရွာကပြန်လာထဲကနွေဦးပုံစံကိုဖေဖေတို့မေမေတို့ကရိပ်မိနေကြသည်။ နေ့တိုင်းလိုလိုအခန်းတွင်းပဲအောင်းနေတတ်ပြီးသက်လင်းခအတင်းခေါ်မှအပြင်ထွက်ဖြစ်သည်။ ညဘက်တွေဆိုလည်းတော်တော်နဲ့မအိပ်ဖြစ်။ တခါတခါမေမေညဘက်သူ့အခန်းဆီလာရင်သူငိုနေတဲ့အသံကိုအခန်းပြင်ကတောင်ကြားရသည်။ ကြာတော့မေမေ့မှာသူခံစားနေရတာတွေကိုမကြည့်ရက်တော့ဘူးထင်ပါရဲ့။
“သားငယ်လေး”
“ဗျာ မေမေ မအိပ်သေးဘူးလား ”
“မေမေမအိပ်ချင်သေးလို့သားရဲ့”
“ဖေဖေရော အိပ်နေပြီလား”
“အင်း သားဖေဖေကဘုရားရှိခိုးနေတယ် ခနနေအိပ်တော့မယ်တဲ့”
“အော် ဟုတ်”
“သားကိုမေမေပွင့်ပွင့်လင်းလင်းပဲမေးမယ်နော်”
“ဘာများလည်းမေမေ”
“သားရွာကနေဘာဖြစ်လာတာလည်း သားရွာကပြန်လာထဲကအမြဲတမ်းငိုင်တိုင်တိုင်နဲ့ အရင်လိုတက်တက်ကြွကြွလည်းမရှိဘူး”
“မဟုတ်ပါဘူးမေမေရယ် သားဘာမှမဖြစ်ဘူး”
“မလိမ်တတ်ပဲနဲ့မလိမ်ပါနဲ့သားရယ် မေမေကသားကိုမွေးထားတဲ့အမေပါ သားဘာဖြစ်နေတယ်ဆိုတာမျက်နှာကြည့်ရုံနဲ့မေမေအကဲခတ်မိပါတယ်”
နွေဦးမှာအမေဖြစ်သူကိုမညာချင်တာနဲ့အမှန်အတိုင်းဖွင့်ပြောလိုက်သည်။ သက်လင်းခသူ့ကိုဖွင့်ပြောတယ်ဆိုတာကိုပါအကုန်မချွင်းမချန်ပြောပြလိုက်၏။
“သားကသူ့ကိုတကယ်ချစ်တာလား”
“ဟုတ် သားသူ့ကိုချစ်တယ်မေမေ သားဘယ်သူ့အပေါ်မှာမှမခံစားဖူးတဲ့ခံစားချက်မျိူးတွေသားသူနဲ့ဆိုခံစားရတယ်”
“ဒါဆိုလည်းမောင်သက်လင်းခကိုငြင်းလိုက်ပေါ့သားရဲ့”
“သားအဲ့လိုလည်းမလုပ်ချင်ဘူးမေမေ သားငြင်းလိုက်ရင်သူစိတ်မကောင်းဖြစ်သွားမှာပေါ့”
“သားရယ် သူများခံစားချက်ကိုအရမ်းတွေးပေးလွန်းနေပြီငါ့သားလေး”
နွေဦးမှာမေမေ့ကိုပင်ဖက်ငိုမိတော့သည်။
“မငိုနဲ့သား သားကအဲ့လိုပျော့ညံ့တဲ့သူမှမဟုတ်တာသားရဲ့”
YOU ARE READING
မောင့်ချစ်သည်း[Ongoing]
Romanceတောသားနဲ့မြို့သားအကြောင်းကိုအခြေခံပြီးရေးထားပါတယ် စိတ်ကူးယဉ်သက်သက်မို့ဒီဇာတ်လမ်းထဲမှာအသုံးပြုထားတဲ့ရွာတေကအပြင်မှာရှိချင်မှလဲရှိပါလိမ့်မယ် upကတော့တရက်ခြားတခါနှစ်ရက်ခြားတခါဖစ်နိုင်ပါတယ် ဒါပေမယ့်မအားတဲ့ရက်တွေဆိုရင်တော့upကပုံမှန်ထက်နောက်ကျပါမယ် အဲ့တာကြေ...
![မောင့်ချစ်သည်း[Ongoing]](https://img.wattpad.com/cover/373897640-64-k251043.jpg)