“ငါ့တူကြီးနွေဦး မင်းလာတာအတော်ပဲဟေ့ ဒီမှာမင်းတို့ကြီးတော်ကအိမ်မှာကောက်ညှင်းထုပ်လေးလုပ်သတဲ့ စားဦးကွာ”
“ဟုတ် သူကြီး”
နွေဦးလဲသူကြီးကတော်လုပ်ထားတဲ့ကောက်ညှင်းထုပ်လေးတွေအားစားကြည့်လိုက်သည်။ အိမ်ကမှာကြီးတုတ်ချက်ကျွေးတဲ့ငါးပေါင်းနဲ့ထမင်းနှစ်ပန်းကန်စားလာလို့ဗိုက်ကတင်းနေပေမယ့်သူကြီးတို့ကအတင်းကျွေးနေတော့ငြင်းရမှာအားနာတာလဲပါတာပေါ့
“ဒါနဲ့ သစ်ရိပ်ဆွေးရောသူကြီး”
“ဒီကောင်ဘယ်တုန်းကများအိမ်မှာနေတယ်ရှိလို့လဲကွာ မနက်မိုးလင်းမျက်လုံးဖွင့်တာနဲ့အိမ်ကနေထွက် ပြီးရင်မိုးချုပ်မှပြန်လာနဲ့လေ အခုလဲ လယ်ထဲသွားမယ်ဆိုပြီးသာဒွန်းနဲ့နှစ်ယောက်ထွက်သွားလေရဲ့”
“အော် လယ်ထဲသွားတာလား”
“ဟုတ်သပါ့ လယ်ထဲကိုသွားတာသွားတာဆိုတာနေ့တိုင်းလိုလိုပဲ အခုထိလယ်ထဲမှာဘာမှတိုးတက်လာတာမရှိဘူး ဘယ်တိုးတက်မလဲအဲ့ရောက်တာနဲ့တဲရှေ့အပင်အောက်ပဲအိပ်အိပ်နေတာကို လယ်ထဲနွားဝင်တောင်သူ့တက်နင်းသွားမှသိမယ့်အကောင်မျိုး”
သူကြီးမှာသစ်ရိပ်ဆွေးအကြောင်းပြောရင်းဒေါသပင်ထွက်လာသည်အထိ။ အဲ့ဒီသစ်ရိပ်ဆွေးဆိုတဲ့လူဟာလေ တကယ့်မလိမ်မာသူမဆိုးကောင်
“အဲ့တာဆိုကျွန်တော်သစ်ရိပ်ဆွေးဆီလိုက်သွားလိုက်ဦးမယ်သူကြီး”
“အေးအေးငါ့တူကြီး”
“ဖေကြီး”
“ဟေ”
“မောင်နွေဦးကိုကြည့်ရတာအိမ်ကသားတော်မောင်ကိုခင်တွယ်တဲ့ပုံပဲနော်”
“အမယ်လေး မမြတင်ရယ် မင်းသားလိုလူကိုဘယ်သူကများသည်းခံနိုင်မတုန်း”
“တော်ကလဲတော် ကျုပ်ကကျုပ်အမြင်ကိုပြောတာပါတော့် ကျုပ်သားကိုအဲ့လောက်ကြီးတော့မပြောစမ်းပါနဲ့ ကျုပ်သားကအရင်တုန်းကအဲ့လောက်မဆိုးပါဘူး ဘာမဟုတ်တဲ့ဟာမကြောင့်အဲ့လိုဖြစ်သွားတာကို”
“ဟုတ်တော့လဲဟုတ်ပါတယ်လေ”
***************************
“သာဒွန်း သစ်ရိပ်ဆွေးရော”
YOU ARE READING
မောင့်ချစ်သည်း[Ongoing]
Romanceတောသားနဲ့မြို့သားအကြောင်းကိုအခြေခံပြီးရေးထားပါတယ် စိတ်ကူးယဉ်သက်သက်မို့ဒီဇာတ်လမ်းထဲမှာအသုံးပြုထားတဲ့ရွာတေကအပြင်မှာရှိချင်မှလဲရှိပါလိမ့်မယ် upကတော့တရက်ခြားတခါနှစ်ရက်ခြားတခါဖစ်နိုင်ပါတယ် ဒါပေမယ့်မအားတဲ့ရက်တွေဆိုရင်တော့upကပုံမှန်ထက်နောက်ကျပါမယ် အဲ့တာကြေ...
![မောင့်ချစ်သည်း[Ongoing]](https://img.wattpad.com/cover/373897640-64-k251043.jpg)