Uni
"အမေ!!!!.."
"ဟယ့်တော့်..သားဘာဖြစ်လို့လဲ..လန့်လိုက်တာ.."
"ကျွန်တော် နိုင်ငံခြားသွားတဲ့ နေ့က အမေနဲ့ နှင်းမြအေး လွန်းအိမ်ကို လာခဲ့တာဆို!!"
သူမရှိတုန်း နှင်းမြအေးနှင့်အမေ လာခဲ့သည်ကို အလုပ်သမားတွေကို စစ်မေးလို့ သိခဲ့ရတာဖြစ်သည်။
"ကျွန်တော့်ကို အမှန်တိုင်းပြောကာ သားအမိ သံယောဇဉ်လေး မပြတ်သွားခင်.."
ထိုအခါက မှိုင်းညို့အမေက အလွန်ကြောက်လန့်ကာ....
"ဟင့်...သားရယ် အမေ ဘာမှမလုပ်ခဲ့ပါဘူးကွယ် သမီးနှင်းမြအေးက အကုန်စီစဉ်တာပါ မင်းရဲ့လူ ဘယ်ထွက်သွားလဲဆိုတာ အမေတကယ်မသိပါဘူး.."
"အဟက်! အခုကစပြီးအမေတို့စားစရိတ် နဲ့ ဆုခြည်ရဲ့ကျောင်းစရိတ်ပဲ့ရတော့မယ်လို့ မှတ်ထားပါ...!!!"
"သား..သား.."
မှိုင်းညို့အမေက လှည့်ထွက်သွားတဲ့ သူ့သားရဲ့ကျောပြင်ကိုကြည့်ကာ ငိုပြီးကျန်ခဲ့တော့သည်။
သူမတကယ်နောင်တရနေလေပြီ။ ထိုကလေး ငယ်ငယ်က သူမဂရုမစိုက်မိခဲ့ပေ။ အပျော်ပါးသာမက်နေခဲ့ပြီး ကလေးထိန်းနှင့်သာ ထားခဲ့သည်။ သူမယောင်္ကျားကုမ္ပဏီက စီးပွားရေးကျဆင်းလာကာ သူတို့အိမ်ကလည်းအခြေနေဆိုးဝါးလာခဲ့သည်။ သူမယောင်္ကျားကတော့ စိတ်ထိခိုက်ကာ ဆုံးပါးသွားခဲ့သည်။ ထိုအချိန်တွင် သူမတစ်ချိန်လုံး ဂျောင်ထိုးထားခဲ့တဲ့သားလေးကပြိုလဲလုနီးပါး ကုမ္ပဏီကို ဦးစီးကာ အခုလို ထိပ်တန်းရောက်သည်အထိ စွမ်းဆောင်ခဲ့သည်။ သူမသားက သူမအပေါ် လိုလေသေးမရှိလဲ ထားပေးခဲ့သေးသည်။
သူမကတော့ သူမသားချစ်တဲ့ သူကိုတောင် အနိုင်ကျင့်လိုက်သေးသည်။ သူမက ထို လွန်းဆိုတဲ့ ကလေးလောက်တောင် သူမသားရဲ့စိတ်ကိုမရယူနိုင်ခဲ့ပေ.....
.........
ခလွမ်း..ခွမ်း!
မှိုင်းညို့က နှင်းမြအေးတို့အိမ်ရှေ့ကိုလာကာ သူ့နောက်လိုက်တွေကို အိမ်ရဲ့ ခြံတံခါးကို ဖျက်ဆီးစေလိုက်သည်။
