𝘿𝙚𝙨𝙩𝙞𝙣𝙮'𝙨 𝙒𝙞𝙡𝙡

Chapter Four

―୨୧⋆ ˚

"မင်းရွေးချင်သေးလား..ဒါငါနောက်ဆုံးဇကာတင်ရွေးထားတဲ့နှစ်ယောက်ပဲ..မင်းမရွေးဘူးဆိုငါဂျိတ်ခ်ကိုရွေးခိုင်းလိုက်မယ်"

ညဘက်ကြီးဟီဆွန်းတံခါးကိုလာခေါက်တဲ့ဂျေးဟာလက်ထဲမှာလဲစာရွက်တွေနှင့်။

ဟီဆွန်းမတုံ့ပြန်သေးဘဲစာရွက်တွေကိုလှမ်းယူကြည့်လိုက်သည်။ဒါကမနေ့ကထုတ်ကုန်အသစ်အတွက်မော်ဒယ်လ်လျှောက်လွှာတွေဖြစ်သည်။

ကုန်ပစ္စည်းအသစ်အတွက်ဆိုပေမယ့် အဆင်ပြေရင်ရေရှည်ပါဆက်သုံးသွားမှာမို့ အပေါ်ယံတင်မကလူမှုရေးကိုအကဲခတ်ရသေးသည်။

လူငယ်ဆန်ပြီးလန်းဆန်းတတ်ကြွတဲ့ဒီဇိုင်းတွေကနောက်ပိုင်းခေတ်စားလာတာမို့သာ လိုက်လျောညီထွေဖြစ်အောင်သာ မော်ဒယ်လ်အသစ်ရှာရတာ။သူတို့တွေကပုံမှန်ဆိုအချင်းချင်းကလွဲအပြင်လူတွေနဲ့သိပ်အဆင်မပြေတာများသည်။

အရင်လုပ်ငန်းအစပိုင်းလောက်ကနေဒါမှာတုန်းကတော့‌မော်ဒယ်လ်ဌားဖို့စီစဉ်ခဲ့ဖူးသည်။သူတို့ဘရန်းကလူသိနည်းသေးတာမို့ နာမည်အတော်အသင့်ရှိသည့်ဆယ်လီတစ်ယောက်စာချုပ်ချုပ်ခဲ့သည်။

နှစ်ဦးနှစ်ဖက်သဘောတူသောဈေးနှုန်းနှင့်စာချုပ်ချုပ်ခဲ့သည်ဆိုသော်လည်း ထိုဆယ်လီနာမည်အတော်အတန်ရထားသူမို့ ဟီဆွန်းတို့လိုတတ်သစ်စဘရန်းလေးကိုနှိမ်ချင်ခဲ့ပြီးအလေးအနက်မရှိသောကြောင့် သူကိုယ်တိုင်စရံအဆုံးခံပြီးစာချုပ်ဖျက်ပစ်ခဲ့တာဖြစ်သည်။

အားလုံးအတွက်ပထမဆုံးခြေလှမ်းဖြစ်သည့်အတွက်အတော်လေးခက်ခဲပြီးစိတ်ရောကိုယ်ပါဗျာများခဲ့ရသည်။နောက်ပိုင်းမှဂျိတ်ခ်နှင့်ဆောင်းဟွန်းက "ငါတို့စမ်းလုပ်ကြည့်ရမလား" ကနေအစချီပြီးတော့သူတို့ပဲဘရန်းရဲ့ပင်တိုင်မော်ဒယ်လ်ဖြစ်လာခဲ့တာအခုချိန်ထိပင်။