« ياقلب دقات الهوى لاعبتني قامت تمايل بالدلع كانه العود »

البارت العشرون

بسم الله الرحمن الرحيم
•
•
« في بيت كايد »
نفت شعرها عن وجهها بملل تفكر وش بتسوي طوال الشهر عند ابوها بدون جوال ولا شوفه اهلها ! ، تاففت وهي تربط شعرها عن وجهها متجهه للمطبخ بتشوف وش به اكل ، فتحت الثلاجه تتفرج لكن ماكان في شي يجذب انتباهه اتجهت لصاله ملانه وبيدها كاسه شاهي اخذت التليفون الارضي الي بالصاله تتذكر رقم تلفون رزنه ، اتصلت بجوالها الي اخذته امها
ردت بدريه بسرعه ونطقت بغضب : وين مااخذ بنتي يااكـ
قاطعتها الجازي وهي تلعب بشعرها : انا الجازي يمه شسمه وش كنت بقول ..
قاطعها ريان : يبه وين الجازي
الجازي بابتسامه : يابزر عند ابوي موب نا*حرني ! معليه يقول عقاب لي بقعد عنده شهر كامل يليل بس
ريان : راح اجي اخذتس
ردت وهي تسمع صوت مفاتيح الباب: لا لا مابغى ، اجيكم بعد شهر بااي
قفلت متجهه للباب ودخل كايد : يبه صامل على الشهر ؟
اومى وبيده كيس اكل : وش جبت طيب ؟
قفل الباب بالمفتاح ورد : بخاري من المطعم الي تحبينه
فرحت تنطق : ياحظي بالكايد الي حتى وهو معاقبني يدلعني
شد على اذنها : مره وحده بالأسبوع لاتتعودي
مشت خلفه : جاا بوقته والله اني جوعانه !!
فرشت السفره ونثرت الرز بالصحن ، اكلوا والجازي من الملل تسولف ولا تسكت ابدا .
الكايد بابتسامه : هالحين لو تزوجت راح تفرحين وتحظري زواجي ؟
غصت بلقمتها واخذت الماء تشربه دفعه وحده وعيونها متسعه : يبه انت صادز !
عقد حواجبه : اي شفيها ؟
ابتسمت : وانااا اول من تحظر بس ..
الكايد باستغراب : بس وش ؟
الجازي بتوتر : بس امي وريـ..
الكايد ببعض الغضب بس مابينه : امتس موب على ذمتي عشان اهتم !
ضحكت بتوتر ونبرته تغيرت : طيب تعش خلنا من طاري الزواج بكره عندي دوام واحس بغيب
هز راسه كايد بالنفي : كل الايام تتداوميها
قوست شفايفها وهي تخطط وش بتسوي بالايام الجايه عشان ابوها مايسمح لها تروح ، كايد : اي ترا كل ظهر اطلع والمغرب ارجع
همهمت وهي تاكل وباقي تفكر وش خططها
-
-
« بيت رزنه »
شدت على شعرها بغضب ونطقت عند ولدها وامها : وهو على أي اسااس ياخذها ! ، مايسال قبل ياخذها هي عندها ام !!
رزنه بغيض من بنتها الي تحرم كايد من بنته : زي ماهي بنتس بنته ! بطلي انانيه شدت على شعرها اكثر بنرفزه وغبنه : يمه يمه وش انانيته ! ، ذي بنتي المفروض اعرف وين تطلع ووين تروح ومع مين !
دخلت غاليه للمجلس وهي تشوف الجو مشحون : اذكروا الله ياجماعه ! اذكروا الله
ريان الي ابدا ابداا موب معهم ويفكر وابتسامته شااقه وجهه ، شدت بدريه على ثوبها بغبنه : ذكرنا الله بس انتِ ورااتس ماتكلمتي مع بنتس !!
غاليه بابتسامه : قده سعود مهاوشها ، وراه ازيدها عليها؟
رزنه بغيض : سعود من شفته يتبوسم للجوال وانا غاسله يدي واااضح انها هاوشهاا ، ولاا يحضنها قدامنا بعد !
ضحكت غاليه على حكي امها : ماشاء الله ، الله يخليهم لبعض اللهم امين
بدريه بغبنه : وهاا وشوفوا ذا يتبسم لسقف بيجلطوني عيالي بيجلطووني
قامت وطلعت عدل ريان جلسته وهو يضحك : ابك علامها اميمتي
ضحكت رزنه وهي تستغفر : استغفر الله بس علامها ذي !
قطعت غاليه التفاح : يلا الله يعين بس ويستر علينا وش صار مع عيضه ؟
رزنه : للحينه ماسوا شي باذن الله ينسى
همهمت ونطقت تنادي بنتها : عذااري
لبست عذاري طرحتها وغطت فيها نصف وجهها عن ريان تدخل المجلس ببعض الحزن على الجازي : سمي يمه ؟
صد عنها ريان وهو يحس بانكساره وجرحه ماطاب ، ابتسمت غاليه : وراك زعلانه كانه انتِ الي بتنحبسين
نطقت بزعل : خايفه عليها لا يسوي لها شي
ريان بهدوء وقلبه مكسور منها : ابوي مايمد يده ولا يسوي شي للجازي ، يمكن يحبسها عقاب لها بس
ابتسمت براحه : الله يريحك نفس ماريحتني
نطق بهمس بابتسامه : صيري زوجتي وريحي قلبي !
غاليه بابتسامه : لو شافكم سعود تسولفون ىًحرك انت وياها
ضحكت عذاري بخجل واكملت غاليه : اي امسكي ذي الفواكه ووديها لخالك وسعود
عذاري بغبنه : وراه مايجي هو ؟؟
رزنه بسخريه : تعرفينه من حلف انه بيجيب دليل ماسواه فايز مابيدخل البيت
اتسعت عيونها عذاري من سخريه جدتها : طيب لو صدق فايز مسوي شي ؟ ، موب لازم كل يوم تصدقونه وكانه الملاك الي مايسوي شي غلط ابك كل حياته غلط مادري شلون جا على الدنيا
رزنه بغضب : بنت ! ذا خالتس
ناظرت غاليه بشك لبنتها وهي متروعه وناظرت في ريان المبتسم بتورط لانه يعرف وش مقصد عذاري وانها ماتسكت عن الحق ، عذاري بسخريه نفس سخريه جدتها : ولو خالي ! ، خالي ذا انجس خلق ربي