الريتانين " متراس الدرزياء "

_ الغُـرزة 16 || عالم المُغامرة

﷽

روايـه : الريتانيـن " مِتـْـراسِ الدَّرْزِيُّــاء "
الڪاتبه : تاليـن

• لا تنسوون التصويت بنجمة والتعليق بين
الفقرات " ڪونتيساتي " ... 🤎🪶
• متابعة حساب الواتباد باليوزࢪ tallen9n
• حساب الأنستا tallen.n_
• مُعࢪف قناة التلي 9_taffi

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪
" رواگـد "

فز گلبي لسما؏ الڪلمة الأخيرة بصوته حسيت بحرارة
انتشرت بڪل جسمي وشعور لخبطني التفتتله اباوعله
ممصدڪة واعتقد متوهمة ... !

گلبي تفاقمت دڪاته وعيوني باوعتله بنظرات تعڪس نفس معنى ڪلمته ما حجيت وضليت على وڪفتي
فرك ڪصته بتورط واندار انطاني ظهرة

البهجة الترستني قبل لحظات تبدلت خيبة داشوفه
نادم عالڪاله بلعت غصة بالگوة انبلعت جريت نفس حجيت خايفة لا اغص بالڪلمة
_ لا تندم اعتبرني ما سمعت شڪلت

حسيت بانهيار داخلي جسمي ذراته ترجف بوهن وبلعومي احتقن انداريت اريد اطلع حجه يوقفني
سامر ::- دقيقة لا تفهمينها هيج

لزمت مقبض الباب دنزله واطلع
_ هيج او لا لا تهتم و انسى حجينا

بعد ما فتحته لزم معصم ايدي دارني اله حجيت اسحب ايدي افلتها منه
_ عوف ايدي سامر
::- اعوفها بس توڪفين احاجيج
_ ما اريد احجي تاخرت عثمان ينتظرني برا دنطلع
::- احاجيج واطلعي وياه عود لا تخلينه ينتظر

اجر بايدي وهو لازمها قوي
_ شتحجي شبينا من حجي ؟ ماڪو شي نحجي فعوفني اريد اطلع

عتيت ايدي منه حيل الا معصمي حسيته انفصل عن جفي ما لحڪت اندار للباب لزمني من معاصمي رافع ايديه الاثنين فوك راسي نططت عيوني علي
_ شدتسوووي وخررر

حشك ظهري بالباب وايديه مربطهن
::- بينا حجي هواااي يجوز انتي ما عندج حجي تڪولينه الي بس اني عندي
_ عوف ايديه ونحجي
::- جنت واڪف احاجيج من غير ما الزمج وما رضيتي لذلك امسڪج تسمعين ڪلامي ومن اخلص اعوفج

باوعتله بنظرات حادة منزعجة من تصرفه
_ عوفني وابعد شهالحرڪات
::- شبيهن حرڪاتي شبيهن سوالفي ما يرضونج ؟!!
_ ما يرضني لانك تتصرف غلط بغلط
::- شمسوي غلط ؟ غلط اني ما اڪدر اقاوم حجاية تنڪال بگلبي من اشوفج وما اڪدر اضمها
_ اي غلط ڪل وحدة تطلع ڪبالك وتنعجب بيها تحجي بالڪلام النفسك تشوفها بيها

رفع ايديه ليفوك جسمي اتصلب قرب وجهه مني
::- جم بنية شفتيني ذبيت روحي عليها وسمعتها الڪلام النفسي تحجي بداخلها عليها ؟؟؟ شايفة نفسج من هالجم وحدة اليعجبوني ورايد ازيد عددهن واجي احاجيج بالروحي تحسه ؟!
_ الروحك تحسه حجيته وندمت علي