الريتانين " متراس الدرزياء "

_ الغُـرزة 6 || لعنة فقر

﷽

روايـه : الريتانيـن " مِتـْـراسِ الدَّرْزِيُّــاء "
الڪاتبه : تاليـن

• لا تنسوون التصويت بنجمة والتعليق بين
الفقرات " ڪونتيساتي " ... 🤎🪶
• متابعة حساب الواتباد باليوزࢪ tallen9n
• حساب الأنستا tallen.n_
مُعرف قناة التلي 9_taffi

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪

وڪفت وحدي ضاجرة الهي انظاري بترقب الموظفين
شغلي مخلصته والمدير بعده ما جاي وما ضال عندي شي اتسلى بي انجريت من ذراعي ماشية وراها واحجي

_ وين ساحلتني
هُدى ::- تعاي اريد اعرفج على شخص ڪُلش لطيف
_ ماڪو بهالشرڪة شخص لطيف غيرج وغير هيثم وروهان
هُدى ::- لا اڪو انتي ما تختلطين وتتعرفين عليهم

اخذتني بجرجرتها لعند شاب لابس قميص ڪل مربع بي لون شڪل وعبالك مرڪع ستايله غريب وڪله الوان زاهية ومتعددة وڪفتني ڪباله يباوعلي بنظرات تفصيلية يشخصني

هُدى ::- غيدة هذا مُنير مسؤول قسم الموظة والتنسيقات

ابتسمتله ... اتشرفت بيك

باوعلي بنظرات مراضي يدقق بشڪلي ولبسي حجه بعجرفة
مُنير ::- الي الشرف وين خلوج انتي ؟

_ مساعدة المدير

اندهش ورفع طرف شفته
مُنيـر ::- اهه مساعدة سُنيور محمد !!!

نظراته وطريقه ڪلامه استفزتني
_ اي مساعدته ليڪون مراضيتلك ؟

مُنير ::- لا يا روحي ما تفهمين ڪلامي غلط بس تحتاجين ڪم تعديلة

_ ڪم تعديلة ؟! ليش ما تحورني فرد نوب

التفتت لهُدى
_ هو هذا الڪلتي علي لطيف !

هُدى ::- لطيف هووواي بس هو يدقق بسوالف اللبس والالوان لهذا علق

مِنير ::- وشبيج متتحملين نقد ؟ غيرج يتوسل اشوف ستايلة وانطي ملاحظاتي

_ غيري مو اني

نفخ بضجر
مُنير ::- افف هُدى جنا اني وياج منسجمين جبتي هاي
ما استلطفتها

_ ولا اني مستلطفتك عڪس الڪالته عنك لطيف

التفتتله
هُدى ::- خلص مُنير حاجيها مثل ما انت خل تشوفك شڪد حباب

تبدلت تعابير العجرفة لابتسامة
مُنير ::- ما عدها مجاملة على ما حاجيتها ردت علية بنفس الاسلوب ولا لطفت بالڪلام

ابتسمت ... شمدريني ڪلت هذا متعجرف ومن جماعة الما يرضاله الموظف البسيط

مُنير ::- نحن معقدين حتى ما يرضالنا البسيط ؟