الريتانين " متراس الدرزياء "

_ الغُـرزة 22 || شي مشبوه

﷽

روايـه : الريتانيـن " مِتـْـراسِ الدَّرْزِيُّــاء "
الڪاتبه : تاليـن

• لا تنسوون التصويت بنجمة والتعليق بين
الفقرات " ڪونتيساتي " ... 🤎🪶
• متابعة حساب الواتباد باليوزࢪ tallen9n
• حساب الأنستا tallen.n_
• مُعࢪف قناة التلي 9_taffi

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪
" غيدة "

خله صفطة ڪلينس على حلڪي نهضت دافعة ايده
_ شبيك تصم بحلڪي ؟

حجه متعجب
محمد ::- شتريدين تسووين ؟
_ ابوسها
::- ومن حلڪها ؟!!
_ اي گزگزت علي فدوووة لله

اريد ارجع ادنك عليها ابوسها وهو يعترضني يريد يصم حلڪي
::- ولج هاي بزونة شوار؏
_ واذا !
::- ما نظيفة ولا معقمة مو بزونة بيت يسبحونها ويهتمون بيها

حجيت عافسة وجهي
_ واذا يعني خطية بزونة شار؏ ما نحبها ؟ ولا نمسڪها ونوڪلها ؟ خطية حتى بالحيوانات ادورون طبقات تريدلك بزونة مُتحضرة ما تڪول ميو تڪول ماو

::- عليمن انبحتي جبتيها من البزون وصلتيها للطبقات
ام الماو

اراوغ اريد اوصللها هو مخلي الڪلينس بوجهي ايده تتحرك وين ما التفت
_ دوخررر اريد ابوسها

عاط بوجهي فاك عيونه علية
::- ومن حلڪها !!!

وڪفت ڪدامه وحجيت مبتسمة
_ اي بوسة ام الماوث

رفع ايديه بالهوا يحجي منفعل
::- انوب ادور حلوك من البزازين

حجيت باصرار ... اي ادور ادور
عاط بية ::- امشي لج
طنگرت بڪاعي بعد ما ارضى اتحرك وهو يباوعلي
والبزونة خلصت الأڪل وراحت احجي مقهورة عيوني وراها
_ بااا؏ حتى بسيسة أيست وراحت
::- ما أيست هي راحت قبل لا تجرينها ابوسة

باوعتله وحجيت مقهورة
_ شعليك شعليك اجرها ابوسه اخطفها شعليك

ڪمت اڪمز بڪاعي وهو يباوعلي ويحجي
::- انجلبت دورت بوسة وما حصلت

ادگ رجلية بالڪا؏ واصيح بحرگة گلب
_ ادور ادور

باوعلي بنظرات تسائل
_ تريدين بوسة ؟

هزيت راسي وهمست بتأڪيد ... اي
مد ايديه ديحضن راسي واتقرب يحجي نظراته على شفايفي
::- تعاي بسيستي ابوسج من الماوث

ارجع ليورا وهو يتقدم اڪفخ بايديه التريد تلزم راسي اعيط
_ ما اريددد ما اريددد

يتقدم واتراجع عيوني تباوعله بارتياب وهو مبتسم بخبث يخوفني بنبرته
::- ليش ما تريدين ؟

سطرت ايديه بالڪفخات
_ ما اريدددد ما اريددد بطلت

::- مو محترگة وادورين حلك واتوازيتي عالبزون ؟
داڪلج تعاي اني ابوسج بوسة تضل حرورتها بشفتج عمر