الريتانين " متراس الدرزياء "

_ الغُـرزة 2 || اللقاء

﷽

روايـه : الريتانين " مِتـْـراسِ الدَّرْزِيُّــاء "
الڪاتبه : تاليـن

• لا تنسوون التصويت بنجمة والتعليق بين
الفقرات " ڪونتيساتي " ... 🤎🪶
• متابعة حساب الواتباد باليوزࢪ tallen9n
• حساب الأنستا tallen.n_
• مُعࢪف قناة التلي taffi_9

   ▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪                

ما ادري منين طلع بوجهي وڪفنا ڪبال بعض هو انصقع من فعلتي منزل راسه يمسح وجهه بالڪلينس
يصيح متعصب ونظاراته ملطخه كلها

جان ملتهي ينظف وجهه يمسح ڪل حيله وعصبيته فاقت المعقول باوعتله شاب مرتب شڪله مميز بملامح بسيطه لابس بنطرون وقميص سايزه فري ستايله مُلفت وأنيق

من بعد ما صرخ وخله وجهه يحمر من شدة غضبه ومسحه المُتڪرر رفع راسه باوعلي عاضه باطن شفتي السفليه بتورط رفعت ايدي اهديه ما اعرف شتصرف

_ اسفة ما ڪان بقصدي

رد على وشك ينفلق بغضبه
::- شهالتصرف المُقرف

نزع نظاراته السوادها الغامق ڪان حاجب على عيونه
يحجي يمسح بيها وڪاش وجهه باشمئزاز مديتله بطل الماي الجان بيدي

_ اخذ غسل وجهك

باوعلي بنظرة افتراس ونزل عينه متجاهلني ڪتل روحه بالمسح
_ اعتذر منك امسحها بوجهي

نقل عيونه الي حجه منخفض صوته عن ما ڪان
::- ليش ما اعيدها بوجهج ؟

اتسعت عيوني بنفاذ تحمل صرخت
_ ايه خلص عاااد لا تقلل ذوق اعتذرت منك ماڪو داعي لهالمُبلاغة

خنزر علية بملامحة
::- فوك ما خاليه من التربية وحسن التصرف بالاماڪن العامه ومع الناس واڪفه تتفلين بوجه الطالع والنازل يطلعلج وتصرخين ... !

_ ما صرخت اعتذرت على سوء تصرفي وياك بس انت التعاليت وڪبرتها

::- ڪبرتها ؟!
ليش تصرفج صغير حتى تڪون ردة فعلي اخف

_ من دون قصد اجت التفله من حلڪي بوجهك وهياتك مسحته ورجع نظيف و يوچ

هز راسه لام حلڪه مشمئز وصوته يعلى بتدرج لحد ما صارت صرخة عاليه بأخر ڪلمة

::- وتعيد الحجي وتشرح لحتى تقرفنااااااا

حجيت مهدئه اعصابي وصوتي شايله الملف بيد والثانيه بطل المي