الريتانين " متراس الدرزياء "

_ الغُـرزة 3 || نزا؏ القُربة

﷽

روايـه : الريتانيـن " مِتـْـراسِ الدَّرْزِيُّــاء "
الڪاتبه : تاليـن

• لا تنسوون التصويت بنجمة والتعليق بين
الفقرات " ڪونتيساتي " ... 🤎🪶
• متابعة حساب الواتباد باليوزࢪ tallen9n
• حساب الأنستا tallen.n_
• مُعࢪف قناة التلي taffi_9

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪

فهمت نظراته يريد ينبهي على شخص ورايه فاتح الباب واڪف لفيت الڪرسي بتمهل ما متجرئة اباو؏
ملامحي انقبضت انداريت ليورا شفت امه واڪفة ما نطقت جنت منتظرها تعلق دعرف شسمعت من جفصاتي لڪن الظاهر اجت باخر دقيقه وما لحڪت تسمع انفلات المذمة على ابنها

شاهيندا :- واني الحنونة اللي داسأل روهان وين وما شفتوا اليوم لانِ مشتاگتله واريد اشوفه طلع امبدي بطنه علية وناسيني دياڪل

فاتت مبتسمة ڪاملها حلڪة يلوك بالاڪل اخذ ايدها يبوس ... عفيه مجتمع شڪد يبوس ايدين ؟!
حجه مباوعلها بفساتها وشعرها وتفاصيل جمالها الچذاب

روهان :- ولك يطربش بيتو على راسو لابوڪي على هالخلفة المنهنهة

ڪعدها بمڪانه بالڪرسي اللي علساس مالتي سڪتته عود ما راضية وهي تحتي عالغزل

شاهيندا :- استحي على نفسك تلطشني هيج علني ما تڪول مره تخجل وما راح تعرف ترد

شافت الاڪل مفروش عالميز
... مدلل حالووو

روهان :- ادللج وياي

انظمتله تاڪل وياه و يسولفون ونحن نضحك ونڪمل شغل هيثم يشتغل ويشارك بالڪلام بس اني ساڪته مالي رغبة

شاهيندا :- ڪثرانين المساعدين اللي يطيرون دبنات العقل بهالشرڪه شڪلي راح اجي من باحر اشتغل وامتع عيوني بهالاشڪال الضراف

تحجي عيونها مني ومن هيثم
هيثم :- روهان يمدج بجرعة غزل وانتي تناوبين علينا

شاهيندا :- انبسطوا بيه واستمعتوا اذا اجه متراسي ما يخليني افتح حلكي بڪلمة غزل لغيره

حجه يون بالڪلمة ياڪل
روهان :- اممم هو غيور وانتي تتصيدين الفرص من وراه اطلعين اللي بڪلبج

شاهيندا :- شسوي گلبي شفاف يعڪس مثل المرايه انعجابه بالمقابيل

هيثم :- ما نحن خايفين لا نروح ضحايا لهالاعجاب المُنعڪس

شاهيندا :- لا تخاف طول ما هذول الغيورين العندي مموجودين

هي حجت شو طب علينا محمد فك الباب لا دڪه لا ڪال باوعلهم اميل راسه ورافع حاجبه

محمد :- جانت هالجمعات ما تصير الا بغرفتي واليوم حولتوها لغرفة مساعدتي

شاهيندا :- هالاول ايامها بس لنملها وما عاد نجيها