الريتانين " متراس الدرزياء "

_ الغُـرزة 8 || أجنحة ضعيفة

﷽

روايـه  :  الريتانيـن  " مِتـْـراسِ الدَّرْزِيُّــاء  "
الڪاتبه  :  تاليـن    

•  لا تنسوون التصويت بنجمة والتعليق بين      
   الفقرات  " ڪونتيساتي "   ...   🤎🪶
• متابعة حساب الواتباد باليوزࢪ   tallen9n
• حساب الأنستا   tallen.n_
• مُعࢪف قناة التلي   9_taffi

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪ 
" غيدة  " 

جريت ايدي بسا؏ وهيثم تحمحم يضيع الموقف باوعله وحجه سائله عن سبب جيته
هيثم ::- سُنيور محمد تحتاج شي ؟

حبس انفاسي بطول نظراته الما بعدها عني الا ان نقل نظره لـ هيثم رمقه بنظرات قاتلة بصلابتها طلع وضرب الباب من قوة ضربته الباب ما انسد ضل يهتز صادر صوت دوى بأذني

باوعت لـ هيثم يباوعلي بنفس النظرات الدالة على وقوعنا بمأزق عصرت ڪصتي وڪعدت عالڪرسي مخليه راسي بين ايديه اهمس بخوف
_ ما راح يخلي الشافة يمر بدون حساب

حجه ناهض ممڪترث
هيثم ::- اروح احجي وياه شنو يسوي ممفتعلين شي غلط ولا يخصه الأمر حتى يحاسب علي

نهضت بسرعة اعترضة
_ ضل انت اني اروح

راد يبعدني عن طريقه
هيثم ::- ما يطلب الموضوع هالخوف وخررري اني اشوف شبي

حجيت باقنا؏ واڪفه ڪدامة
_ خلي اني اروحله بالنهاية اذا ضاج فمعناها ضاج مني لان اني تابعتله واله حق يحاسبني اما انت ما اله اي حق يحاجيك وعندك مدير هو المسؤول عنك

سڪت محتار عفته وطلعت لغرفة محمد وڪفت بالباب مترددة بالدخول لان متأڪدة ما راح تڪون ردة فعلة هينة فتحت الباب وفتت بدون ما ادڪه توقعت يڪون بالمڪتب شو اول فتحته طل ڪبالي باول دخولي ارتفعت انضارة من الارض لتقتنص نظراتها بعيوني

سديت الباب ودطب رامية ڪم خطوة همس بصوت خافت ثڪيل لڪن النبرة مُهلعة
::- سدي الباب

بلعت ريك بعد ما نطق الا ڪلمتين واني بديت اتأڪل بالخوف
_ سديته

فزيت مُرتدة للخلف بارتعاب من ڪعد بوضعية انتقاض
تچى عڪوس ايديه على ارڪبه مدنك جفه مغطي بعض تعابير وجهه يفرك ڪصته باصابعه تارك أثر مسار اصابعه من شده احمرار بشرته الملتهبة من نيرانه المتوقدة بداخله

::- اقفلي

حجيت متخوفه من امره الدال على معرفته بوقوع اعصار
_ مسدود سديته استاذ

غمض عيونه طالق زفير عالي وحجه نبرته باديه تفقد تمالڪها
::- اقفلي او اطلعي
_ احجي وياك واطلع

اني عيوني تترقبه وهو لحد الان ما رمقني بنظرة
::- لعد اقفلي الباب

جنت باصرار على ڪلامي معاه اڪثر من المغادرة بسبب ارتعابي منه تراجعت ليورا بخطواتي من غير ما استدار ما باعدة عيوني عنه مديت ايدي لورا ظهري دورت القفل ونبأه بفعلي صوت طگة القفل بس وصله
ارتعد گلبي مختلس بعيون انرفعت باتجاهي بنظرات ڪانه حاط السهم لاصطياد فريسته