﷽
روايـه : الريتانيـن " مِتـْـراسِ الدَّرْزِيُّــاء "
الڪاتبه : تاليـن
• لا تنسوون التصويت بنجمة والتعليق بين
الفقرات " ڪونتيساتي " ... 🤎🪶
• متابعة حساب الواتباد باليوزࢪ tallen9n
• حساب الأنستا tallen.n_
• مُعࢪف قناة التلي 9_taffi
▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪
" غيدة "
اڪمز عالقنفة وبڪمزاتي تهتز وماما ڪاعدة عليها تهتز وياها ضربتني على رجلية نزلت بنص الصالة فرحانة اڪمز واهوس
_ ضحڪتله الدنيا وانفڪست الجبسة
ريته ينسعد بالحظ وريته يتهنى
افرحوله يا اهلنا
رواگد تضحك وتصفڪلي واني تخبلت ما بعد ادري شسوي اڪمز وارڪص فرحانة طايرة بالسما قبل لا اسافر تخبلت عليهم بنص الصالة من ڪد ما تعبت
وجهي يصب عرك واحمريت الا عاطت بيه ماما
يلا ڪعدت
السفرة باجر الطيارة تنطلق الصبح واني لو قطعة ملابس ممحظرة رڪضت لغرفتي اتخبط بالاستعجال
طلعتلي جنطة سفر فتحتها وڪفت اتصفن بالڪنتور
حايرة
شاخذ ؟
يا ڪثر الملابس الضامتهن للطلعات وما لابستهن هذن اذا اخذهن ڪلهن يوزنن حمولة بالطيارة ويحلقوني اني وجنطتي بالجو گلبت بيهن اخذت ڪم بجامة نوم وسوتات للطلعات السريعة وما تتطلب ڪشخة وعندي فساتين يخبلن بموديلهم والخامة اخذتهن
واخذت ڪل امور الاساسية والشغلات الاحتاجها رتبت جنطتي وتمددت بفراشي اريد انام من وڪت ويصير باجر بسا؏ وڪل شويه دنام واتذڪر شي ما اخذته اڪوم اخلي بالجنطة
متحمسة هواي ڪعدت الصبح گلبي طاير وڪُلني نشاط طبيت سبحت ولبست ملابس مريحة للسفر رتبت شعري خليت عطر وباوعت لروحي بالمرآية راضية عن لبستي البسيطة وممؤڤرة هواي
هي روحة للمطار ولازم لبس مُريح وبسيط
طلعت ماما مسوية ريوك والبنات ڪاعدات تريڪنا سوية وڪمت انطفى حماسي
اباوعلهم شلون راح اتحمل افارڪهم هالڪم يوم
اذا ما ناڪل سوا ونسهر بسوالفنا ونبتهج بضحڪات بعضنا شيمرر اليوم احضنهم وحدة وحدة وابوسهم ما ابتعد الا يملون ويدفعوني لطشت بماما ابوس واحضن وهي توصي بية وتعيد بقائمة تنبيهاتها
اخذت تڪسي ومشه بية للمطار لزمت الموبايب ومطرت على هُدى رسائل اعبر بيها عن حماسي وفرحتي وهي تندب حظها ما تڪدر تروح ويانا لان جان بس المسؤولين بالاقسام البالشرڪة وياهم السڪرتير مدعوين عالسفر
تواسي نفسها تڪول اشبع نوم بهالايام المعطليها
واني اقهرها وترجع ادك وتبچي بالمحادثة
خلصت منها انداريت على مُنير احاجي شايلة هم من اصل وين اروح ممسافرة قبل ولا اعرف الاجراءات
أنت تقرأ
الريتانين " متراس الدرزياء "
Lãng mạnشتـان بينهما كل الأختــلاف يتبين عـدم العدل والأنصاف هنالك من يعيش بتَـرف وثَــراء وهنالك من ولـدَ من رحـم العنـاء ... ! شتا على طبق من ذهب يُـقدم ما يتمنـاه وشتا سعى للرخــاء ولـم يلقـاه نصف يُلحق بسمـاء رحبــة كطيـرً حُــر ونصف اخر تضيق ب...
