الريتانين " متراس الدرزياء "

_ الغُـرزة 14 || جُرعة تهور

﷽

روايـه : الريتانيـن " مِتـْـراسِ الدَّرْزِيُّــاء "
الڪاتبه : تاليـن

• لا تنسوون التصويت بنجمة والتعليق بين
الفقرات " ڪونتيساتي " ... 🤎🪶
• متابعة حساب الواتباد باليوزࢪ tallen9n
• حساب الأنستا tallen.n_
• مُعࢪف قناة التلي 9_taffi

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪

فتحت باب البيت ومديت راسي باوعت لڪيته واڪف يم سيارته متڪي جسمه عليها ومڪتف ايديه شافني أشر بعيونه بتڪلف حتى اروح ليمه انداريت للبنات الواڪفات وراية ينتظرون اشوف منو حجيت مطمنتهم
_ هذا مديري روحوا ڪعدوا احاجي وارجع

اطمنوا وفاتوا للصالة واني طلعت رحت وڪفت ڪبالة
_ شتريد اڪو احد يجي بهالوقت !!

يحجي صوته راهي خافت متڪتف يباوعلي
محمد ::- اي اني

_ عليش جيت ؟

::- اڪو شي جنت ناسي اذڪرج بي

اتلفتت بالمنطقه بقلق
_ احجي شهالشي التريد تذڪرني بي وما خلاك تنتظر لباجر جايني بالليل وبنص منطقتي واڪف بسيارتك

::- وين اجيج اذا ميناسبج اجي لمنطقتج ؟!!

اني قلقة من ماما والجيران وهو لا يبالي
_ احجي التريده ما اريد يطلع سوالف وحجي على بيتنا بسبب جيتك

::- لا مبين تهتمين هواي بالحجي الينڪال عنج ؟

_ لا تستهزء نحن هنا عايشين بمنطقة فقيرة ومغلقة ما عدنا التحرر العدڪم والڪلمة التطلع تصير حجاية وتڪبر فڪول شعندك وروح داحاجيك بڪل هدوء واحترام

مد ايده بجيب بنطرونه طلع ورقة مسفوطة مدها الي
::- الڪلام الاريد احجي ڪله هنا اقري واتذڪري

اخذتها منه فتحتها مڪتوب عقد عمل قريته وباوعتله
_ جاي تشوفني عقد العمل الوقعته وڪت توظفت عندك هو هذا موضوع المهم الجايبك بهالوقت ؟!!

::- ججج البنود الموقعة عليها هي الجابتني الظاهر نسيتي واحد من البنود ينص على عدم قدرتج على ترك الشغل بدون موافقة المدير

_ ههههه اني ما ترڪت حتى ادور موافقته هو بنفسه طردني

صدمني بطريقة انڪاره المُتقنة
::- منو يڪول ؟

حجيت باندهاش وعصبية
_ شنو منو يڪول مو انت الصدڪت التهمة اللفقتها علية نيران وخليت الأمن يطردوني

::- عندج شهود على هذا ڪلامج ؟

_ لا ما عندي لان موظفين شرڪتك ڪلهم جانوا حاظرين وشاهدين بس ما عدهم الجرأة يشهدون على حجي يعارض حجيك

::- اذا ما عندج

صحت بصوت ناصي متعصبة
_ ماعندي داڪلك ما عندي ولا عندي رغبة اسمع لهذا حجيك واقرا العقد الجايبة وجاي سواء وافقت على ترڪي للشغل اولا او انت الطردتني بالاساس ودتنڪر
فما يهمني ولا ياڪل عندي