الريتانين " متراس الدرزياء "

_ الغُـرزة 13 || شخص مجهول

﷽

روايـه : الريتانيـن " مِتـْـراسِ الدَّرْزِيُّــاء "
الڪاتبه : تاليـن

• لا تنسوون التصويت بنجمة والتعليق بين
الفقرات " ڪونتيساتي " ... 🤎🪶
• متابعة حساب الواتباد باليوزࢪ tallen9n
• حساب الأنستا tallen.n_
• مُعࢪف قناة التلي 9_taffi

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪

حجه يتقدم بخطواته باتجاهي
محمد :- استاذ لا تظلمني ، اسمعني ، خل احجيلك وافهمك ، استاذ ڪذابين ديتهموني زور ، ما سويتها
ولا ادري شدتحجون

اقترب مني يفصل بينا خطوات ابتسم بسخرية
:- بريئة لا تفهمين بالاعيب ولا تخدعين

اخذت نفس اتمالك شجاعتي بمجابهته
_ وان ڪنت دتشوفني ما بريئة وڪنت لوعبة وخداعة
ما اطلع قطرة بحر خداعك وظلمك

زال المسافة البينا باقترابه ورجعت زدتها بتراجعي للخلف مبتعدة عنه
:- لسه ما شفتي هالنقطة من بحر ظلمي وطغياني

أشر بسبابته على جانب راسه
... اني من اخلي بشر هنا انفي انسي اضيعة وعود يلا
من دماغي اطلعة وهالقطرة قليلة ڪُلش على قطرات عقابي

حجيت احذره اخفي ارتيابي
_ لا تتقرب اوڪف بمڪانك وخلي بينا مسافة احسنلك

:- الاحسن الي اعرفة ما يحوجني تڪولينه انتي دتڪولين الاحسن الج مو الي

_ باو؏ اذا تقربت وفڪرت تأذيني اڪول لاستاذ هَيبـت عنك ويندمك على اي تصرف تضرني بي

انتهت خطوات تراجعي باصتدامي بخزانة المڪتبه احنشڪت بيها بودي افتحها واختل بداخلها ابتسم ورفع حاجبه بتذمر
:- استاذ هَيبـت لعد !! ايي شعلي ؟ يحلاله ويحلالج
ان شاء الله مرتاحة بشغلج عنده ما دتواجهين صعوبات بالتعامل وياه

حجيت عالقصد
_ ڪُلش مرتاحة بشغلي عنده انسان محترم ويحترم موظفي منطيهم مساحتهم الخاصة وما يدخل زايد بحياتهم يعامل باسلوب حلو وراقي مدير بمعنى الڪلمة يعرف شلون يفرزن بين حياته العملية والخاصة وما ينطي مجال لغيره يحڪم الموظفين ويتشرط عليهم ومرح وممتڪبر

:- نازلة مدح بي وترفعين بصيته واخلاقة تتودديله ؟

فڪيت عيوني علي وحجيت بنبرة غاضبه
_ لا تتجاوز حدودك بالڪلام ولا تضن ڪل الناس من صنفك يتودد للتعجبه ويخليها تنام علراسه وهي تأمر وهو يندفع وما يحجي بالتودد الا يعرفله ويحب الرخيصات اليتوددوله